ಚಿತ್ರೀಕರಣದ ವೇಳೆ ಉಂಟಾಗುತ್ತಿರುವ ದುರಂತಗಳ ಬಗ್ಗೆ ಎಚ್ಚೆತ್ತುಕೊಂಡ ಕರ್ನಾಟಕ ವಾಣಿಜ್ಯ ಮಂಡಳಿ
ಸಿನಿಮಾ ಶೂಟಿಂಗ್ ಸಮಯದಲ್ಲಿ ಫೈಟಿಂಗ್ ಮುಂತಾದ ಸಾಹಸ ದೃಶ್ಯಗಳನ್ನು ಚಿತ್ರೀಕರಿಸುವುದು ತುಂಬ ಅಪಾಯಕಾರಿಯೂ ಹೌದು, ಆ ವೇಳೆ ಕೆಲವೊಮ್ಮೆ ಅವಘಡಗಳು ನಡೆದ ಉದಾಹರಣೆಗಳಿವೆ, ಆ ಕುರಿತು ವಾಣಿಜ್ಯ ಮಂಡಳಿ ಕ್ರಮ ಕೈಗೊಳ್ಳುತ್ತಿದೆ
Admin
0
7
ವಿಕ ಸುದ್ದಿಲೋಕ ಬೆಂಗಳೂರು
ಚಿತ್ರೀಕರಣದ ಸಮಯದಲ್ಲಿ ಉಂಟಾಗುತ್ತಿರುವ ದುರಂತಗಳ ಬಗ್ಗೆ ಎಚ್ಚೆತ್ತುಕೊಂಡಿರುವ , ಚಿತ್ರೀಕರಣದ ಸಮಯದಲ್ಲಿ ಪಾಲಿಸಬೇಕಾದ ನಿಯಮಗಳನ್ನು ಪಟ್ಟಿ ಮಾಡಿ ಸದ್ಯದಲ್ಲೇ ಜಾರಿಗೊಳಿಸಲು ಸಜ್ಜಾಗಿದೆ.
ಬೆಂಗಳೂರಿನ ವಾಣಿಜ್ಯ ಮಂಡಳಿಯಲ್ಲಿ ಮಂಗಳವಾರ ಸುದ್ದಿಗೋಷ್ಠಿ ನಡೆಸಿ ಈ ವಿಷಯವನ್ನು ವಾಣಿಜ್ಯ ಮಂಡಳಿ ಅಧ್ಯಕ್ಷರು ತಿಳಿಸಿದ್ದಾರೆ. ''ಚಿತ್ರೀಕರಣದ ಸಮಯದಲ್ಲಿ ಹಲವು ದುರ್ಘಟನೆಗಳು ನಡೆಯುತ್ತಿವೆ. ಮೊನ್ನೆಯಷ್ಟೇ 'ಲವ್‌ ಯೂ ರಚ್ಚು' ಚಿತ್ರೀಕರಣದಲ್ಲಿ ವಿವೇಕ್‌ ಎಂಬ ಫೈಟರ್‌ ಮೃತಪಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ಅವಘಡಗಳು ನಡೆಯದಂತೆ ಎಚ್ಚರ ವಹಿಸುವ ಸಲುವಾಗಿ ಕೆಲವು ನಿಯಮಗಳನ್ನು ಕಡ್ಡಾಯಗೊಳಿಸಲಿದ್ದೇವೆ'' ಎಂದು ಅಧ್ಯಕ್ಷ ಜೈರಾಜ್‌ ಮಾಧ್ಯಮಗಳಿಗೆ ತಿಳಿಸಿದರು.
''ಎಲ್ಲಾ ನಿಯಮಗಳಿಗೆ ಚಿತ್ರರಂಗದ ಎಲ್ಲಾ ವಿಭಾಗಗಳು ಮತ್ತು ನಿರ್ಮಾಪಕರ ಸಂಘದ ಸದಸ್ಯರು ಒಪ್ಪಿದ್ದಾರೆ. ನವೆಂಬರ್‌ 1ರಿಂದ ಜಾರಿಗೊಳಿಸಲು ತೀರ್ಮಾನಿಸಿದ್ದೇವೆ'' ಎಂದು ವಾಣಿಜ್ಯಮಂಡಳಿ ಕಾರ್ಯದರ್ಶಿಗಳಾದ ಎನ್ ಎಂ ಸುರೇಶ್‌ ಹೇಳಿದ್ದಾರೆ.
ಪತ್ರಿಕಾಗೋಷ್ಠಿಯಲ್ಲಿ ಕಾರ್ಮಿಕರ ಸಂಘದ ಗೌರವಾಧ್ಯಕ್ಷರಾದ ಸಾ ರಾ ಗೋವಿಂದು, ಕಾರ್ಯದರ್ಶಿ ರವೀಂದ್ರ, ಸಾಹಸ ಕಲಾವಿದರ ಸಂಘದಿಂದ ಥ್ರಿಲ್ಲರ್‌ ಮಂಜು, ರವಿವರ್ಮಾ, ಡಿಫೆರೆಂಟ್‌ ಡ್ಯಾನಿ, ನಿರ್ಮಾಪಕರ ಸಂಘದ ಅಧ್ಯಕ್ಷ ಪ್ರವೀಣ್‌ ಕುಮಾರ್‌, ನಿರ್ಮಾಪಕರಾದ ಕೆ ಮಂಜು, ನಿರ್ದೇಶಕ ನಾಗಣ್ಣ ಸೇರಿದಂತೆ ವಾಣಿಜ್ಯ ಮಂಡಳಿಯ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ಮುಂಜಾಗ್ರತ ಕ್ರಮಗಳು
- ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುವ ಫೈಟರ್ಸ್ ಸೇರಿದಂತೆ ಎಲ್ಲಾ ವಿಭಾಗಗಳ ಕಾರ್ಮಿಕರಿಗೂ ಆಯಾ ಸಂಘಗಳು ವಿಮೆ ಕಡ್ಡಾಯ ಮಾಡಬೇಕು.
- ಸಾಹಸ ದೃಶ್ಯಗಳು ಮತ್ತು ರಿಸ್ಕಿ ಶಾಟ್ಸ್‌ಗಳನ್ನು ತೆಗೆಯುವಾಗ ಚಿತ್ರೀಕರಣ ಜಾಗದಲ್ಲಿ ಆ್ಯಂಬುಲೆನ್ಸ್‌, ನರ್ಸ್‌ ಮತ್ತು ಪ್ರಥಮ ಚಿಕಿತ್ಸೆಯ ಸೌಲಭ್ಯವನ್ನು ನಿರ್ಮಾಪಕರು ಮಾಡಬೇಕು.
- ಚಿತ್ರೀಕರಣ ಸ್ಥಳದಲ್ಲಿ ಯಾವುದೇ ಸಂಘದ ಕಾರ್ಮಿಕರಿಗೆ ತೊಂದರೆಯುಂಟಾದಾಗ ಆಯಾ ಸಂಘದ ಮುಖ್ಯಸ್ಥರೇ ನೇರ ಹೊಣೆಯಾಗುತ್ತಾರೆ.
