‘ಸಿಪಾಯಿ’ ಚಿತ್ರ ರಿಲೀಸ್‌ಗೂ ಎರಡು ದಿನಗಳ ಮುನ್ನ ರವಿಚಂದ್ರನ್ ತೆಗೆದುಕೊಂಡ ಬಹುಮುಖ್ಯ ನಿರ್ಧಾರವಿದು!

ಎಂದಕೂಡಲೆ ಕನ್ನಡ ಸಿನಿ ಪ್ರಿಯರಿಗೆ ಥಟ್ ಅಂತ ನೆನಪಾಗುವ ಸಿನಿಮಾ ‘ಪ್ರೇಮಲೋಕ’. ಅಷ್ಟರಮಟ್ಟಿಗೆ, ‘ಪ್ರೇಮಲೋಕ’ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಕ್ರೇಜ್ ಸೃಷ್ಟಿಸಿದವರು ರವಿಚಂದ್ರನ್. ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಚಿತ್ರಗಳ ಪೈಕಿ 1987ರಲ್ಲಿ ತೆರೆಕಂಡ ‘ಪ್ರೇಮಲೋಕ’ ಕೂಡ ಒಂದು. ಹಾಗ್ನೋಡಿದ್ರೆ, ‘ಪ್ರೇಮಲೋಕ’ ಸಿನಿಮಾ ಬಿಡುಗಡೆಯಾದಾಗ ಉತ್ತಮ ಓಪನ್ನಿಂಗ್ ಸಿಗಲಿಲ್ಲ. ಆಗ ಚಿತ್ರದ ಹಾಡುಗಳನ್ನು ಪ್ರಮೋಟ್ ಮಾಡಲು ರವಿಚಂದ್ರನ್ ಮುಂದಾದರು. ಹಾಡುಗಳು ಜನರ ಮನ ಗೆಲ್ಲುತ್ತಿದ್ದಂತೆಯೇ, ಚಿತ್ರಮಂದಿರಗಳಲ್ಲಿ ‘ಪ್ರೇಮಲೋಕ’ ಹೌಸ್‌ಫುಲ್ ಪ್ರದರ್ಶನ ಕಾಣಲು ಆರಂಭಿಸಿತು. ಇನ್ನೂ ‘ಸಿಪಾಯಿ’ ಸಿನಿಮಾ ಬಿಡುಗಡೆಗೂ ಎರಡು ದಿನಗಳ ಮುನ್ನ ಇಡೀ ಚಿತ್ರವನ್ನು ರವಿಚಂದ್ರನ್ ರೀ-ಎಡಿಟ್ ಮಾಡಿಸಿದ್ದರು. ಈ ಕುರಿತಾದ ಇಂಟ್ರೆಸ್ಟಿಂಗ್ ಮಾಹಿತಿಯನ್ನು ನಿಮ್ಮ 'ವಿಜಯ ಕರ್ನಾಟಕ ವೆಬ್' ಆರಂಭಿಸಿರುವ ‘’ ವಿಶೇಷ ವೆಬ್ ಸರಣಿಯಲ್ಲಿ ಹಂಚಿಕೊಂಡಿದ್ದಾರೆ. ಸಂದರ್ಶನದಲ್ಲಿ ಬಿ.ಸುರೇಶ್ ಹಂಚಿಕೊಂಡ ಸಂಗತಿಗಳು ಇಲ್ಲಿವೆ... ಶ್ರೀಮಂತ ಹುಡುಗ ‘’ಕಾಲೇಜಿನಲ್ಲಿ ಓದುವಾಗ ರವಿಚಂದ್ರನ್ ಶ್ರೀಮಂತ ಹುಡುಗನ ಹಾಗೆ ಇರುತ್ತಿದ್ದರು. ಅವರು ಆ ಕಾಲಕ್ಕೆ ವಿದೇಶಿ ಕಾರಿನಲ್ಲಿ ಕಾಲೇಜಿಗೆ ಬರುತ್ತಿದ್ದರು. ಅವರನ್ನ ನೋಡಿದರೆ ಶ್ರೀಮಂತ ಹುಡುಗ ಅನ್ನೋದು ಗೊತ್ತಾಗುತ್ತಿತ್ತು’’ ‘ಪ್ರೇಮಲೋಕ’ ಚಿತ್ರವನ್ನು ಕೆ.ಸಿ.ಎನ್.ಚಂದ್ರು ನಿರ್ಮಾಣ ಮಾಡಲಿಲ್ಲ ‘’ನಾನು ಅವರನ್ನು ಸಂದರ್ಶನ ಮಾಡಿದಾಗ ‘ಪ್ರೇಮಲೋಕ’ ಎಂಬ ಮ್ಯೂಸಿಕಲ್ ಸಿನಿಮಾ ಮಾಡ್ತಿದ್ದೀನಿ ಎಂಬ ವಿಷಯವನ್ನು ನನ್ನೊಂದಿಗೆ ಹಂಚಿಕೊಂಡಿದ್ದರು. ಆಗ ತಯಾರಾಗುತ್ತಿದ್ದ ಸಿನಿಮಾಗಳಿಗಿಂತ ಭಿನ್ನವಾದ ಸಿನಿಮಾಗಳನ್ನು ಮಾಡಬೇಕು ಎಂಬ ಕನಸು ಅವರಲ್ಲಿತ್ತು. ‘ಪ್ರೇಮಲೋಕ’ ಚಿತ್ರವನ್ನು ಮೊದಲು ಶುರು ಮಾಡಿದ್ದು ನಿರ್ಮಾಪಕ ಕೆ.ಸಿ.ಎನ್.ಚಂದ್ರು. ಆದರೆ, ಹೆಚ್ಚು ಖರ್ಚಾಗುತ್ತದೆ. ಹೆಚ್ಚು ಹಾಡುಗಳಿವೆ ಅಂದಾಗ ಕೆ.ಸಿ.ಎನ್.ಚಂದ್ರು ಬ್ಯಾಕ್‌ಔಟ್ ಆಗ್ಬಿಟ್ಟರು. ಬದಲಿಗೆ ಈಶ್ವರಿ ಸಂಸ್ಥೆಯಿಂದ ರವಿಚಂದ್ರನ್ ಅವರೇ ನಿರ್ಮಾಣ ಮಾಡಿದರು’’ ‘ಪ್ರೇಮಲೋಕ’ ಚಿತ್ರಕ್ಕೆ ಒಳ್ಳೆಯ ಓಪನ್ನಿಂಗ್ ಸಿಗದಿದ್ದಾಗ... ‘’ಪ್ರೇಮಲೋಕ’ ಸಿನಿಮಾ ಮೊದಲಿಗೆ ಕಪಾಲಿ ಥಿಯೇಟರ್‌ನಲ್ಲಿ ಬಿಡುಗಡೆಯಾಯ್ತು. ಮೊದಲಿಗೆ ‘ಪ್ರೇಮಲೋಕ’ ಚಿತ್ರಕ್ಕೆ ಒಳ್ಳೆಯ ಓಪನ್ನಿಂಗ್ ಸಿಗಲಿಲ್ಲ. ಆಗ ದೂರದರ್ಶನದಲ್ಲಿ ‘ಪ್ರೇಮಲೋಕ’ ಹಾಡುಗಳನ್ನು ಹಾಕಿಸಿ ಪ್ರಮೋಟ್ ಮಾಡಲಾಯಿತು. ಹಾಡುಗಳು ಜನಪ್ರಿಯವಾದ ಬಳಿಕ ಹಾಡುಗಳನ್ನ ನೋಡಲು ಜನ ಥಿಯೇಟರ್‌ಗೆ ಬರುವಂತಾಯಿತು. ‘ಪ್ರೇಮಲೋಕ’ ಸಿನಿಮಾ ಸೂಪರ್ ಹಿಟ್ ಆಯ್ತು. ಇವತ್ತಿಗೂ ‘ಪ್ರೇಮಲೋಕ’ ಚಿತ್ರದ ಎಲ್ಲಾ ಹಾಡುಗಳು ಜನಪ್ರಿಯವಾಗಿವೆ. ಹಂಸಲೇಖ ಮತ್ತು ರವಿಚಂದ್ರನ್ ಮರೆಯಲಾಗದ ಜೋಡಿ. ಇಬ್ಬರೂ ಹಲವು ಹಿಟ್ ಹಾಡುಗಳನ್ನು ಕೊಟ್ಟಿದ್ದಾರೆ’’ ಸಾಬೀತು ಪಡಿಸಿದ ರವಿಚಂದ್ರನ್ ‘’ಕನ್ನಡ ಸಿನಿಮಾದ ಮಾರ್ಕೆಟ್ ಶಕ್ತಿ ಇಷ್ಟು ದೊಡ್ಡದು ಅಂತ ಸಾಬೀತು ಮಾಡಿ ತೋರಿಸಿದವರು ರವಿಚಂದ್ರನ್. ಅಲ್ಲಿಯವರೆಗೂ ಒಂದು ಸಿನಿಮಾಗೆ ಒಂದು ಕೋಟಿ ಖರ್ಚು ಮಾಡೋಕೆ ಜನ ಹಿಂದೆ-ಮುಂದೆ ಜನ ನೋಡುತ್ತಿದ್ದರು. ಆದರೆ, ರವಿಚಂದ್ರನ್ ಅವರು ಸಿನಿಮಾಗಾಗಿ ಕೋಟ್ಯಂತರ ರೂಪಾಯಿ ಖರ್ಚು ಮಾಡುತ್ತಿದ್ದರು. ಅಷ್ಟೂ ದುಡ್ಡನ್ನು ಸಿನಿಮಾದಿಂದ ವಾಪಸ್ ಪಡೆಯೋದು ಹೇಗೆ ಎಂಬುದನ್ನೂ ತೋರಿಸಿಕೊಟ್ಟರು’’ ‘’ಹೈದರಾಬಾದ್ ಕರ್ನಾಟಕ ಪ್ರದೇಶದಲ್ಲಿ ರಾಜ್‌ಕುಮಾರ್ ಅವರ ಸಿನಿಮಾಗಳು ಬಿಟ್ಟರೆ ಬೇರೆಯವರ ಚಿತ್ರಗಳು ನಡೆಯುತ್ತಲೇ ಇರಲಿಲ್ಲ. ರವಿಚಂದ್ರನ್ ಅವರಿಂದಾಗಿ ಆ ಪ್ರದೇಶದಿಂದ ಒಳ್ಳೆಯ ಹಣ ಬರೋಕೆ ಶುರುವಾಯಿತು. ಬಾಂಬೆ ಕರ್ನಾಟಕದಲ್ಲೂ ರವಿಚಂದ್ರನ್ ದೊಡ್ಡ ಮಾರ್ಕೆಟ್‌ಅನ್ನು ಸೃಷ್ಟಿ ಮಾಡಿಕೊಟ್ಟರು. ಹುಬ್ಬಳ್ಳಿ ಕರ್ನಾಟಕದಲ್ಲೂ ಒಳ್ಳೆಯ ಬಿಸಿನೆಸ್ ಮಾಡಿ ತೋರಿಸಿದರು’’ ರೀ-ಎಡಿಟ್ ಆಗಿತ್ತು ‘ಸಿಪಾಯಿ’ ಸಿನಿಮಾ ‘‘ಸಿಪಾಯಿ’ ಸಿನಿಮಾ ಆಲ್‌ಟೈಮ್ ರೆಕಾರ್ಡ್ ಎಂಬ ಹಾಗೆ ಹಣ ಸಂಗ್ರಹ ಮಾಡಿತು. ‘ಸಿಪಾಯಿ’ ಸಿನಿಮಾ ಬಿಡುಗಡೆಗೂ ಎರಡು ದಿನಗಳಿಗೂ ಮುನ್ನ ರೀ-ಎಡಿಟ್ ಮಾಡಲು ರವಿಚಂದ್ರನ್ ನಿರ್ಧರಿಸಿದ್ದರು. ಕಷ್ಟ ಆಗುತ್ತೆ ಅಂದರೂ ಮಾಡಲೇಬೇಕು ಅಂತ ಕೂರಿಸಿಕೊಂಡು ಇಡೀ ರಾತ್ರಿ ಇಡೀ ಸಿನಿಮಾನ ಟ್ರಿಮ್ ಮಾಡಿ ರೀ-ಎಡಿಟ್ ಮಾಡಿದರು. ಮಾರನೇ ದಿನ ಪ್ರಿಂಟ್ ಹಾಕಿಸಿ, ತಿರುಪತಿಗೆ ಹೋಗಿ ಪೂಜೆ ಮಾಡಿಸಿದರು. ಬಳಿಕ ‘ಸಿಪಾಯಿ’ ಸಿನಿಮಾ ಬಿಡುಗಡೆಯಾಗಿ ಸೂಪರ್ ಹಿಟ್ ಆಯ್ತು’’ ‘’ಚಿರಂಜೀವಿ ಪಾತ್ರವನ್ನು ಜನ ಮೆಚ್ಚಿಕೊಂಡರು. ಮೊದಲಿಗೆ ‘ಸಿಪಾಯಿ’ ಕಥೆ ಮಾಡಿದಾಗ ಚಿರಂಜೀವಿ ಪಾತ್ರ ಇರಲಿಲ್ಲ. ನಂತರ ಕಥೆಯಲ್ಲಿ ಬದಲಾವಣೆ ಮಾಡಲಾಯಿತು. ದೊಡ್ಡ ಕ್ಯಾರೆಕ್ಟರ್ ಬರಬೇಕು ಅಂದಾಗ ರಜನಿಕಾಂತ್ ಹೆಸರಿನಿಂದ ಹಿಡಿದು ಹಲವರ ಹೆಸರುಗಳು ಚರ್ಚೆ ಆಯ್ತು. ಕಡೆಗೆ ಚಿರಂಜೀವಿ ಅನ್ನೋದು ಫಿಕ್ಸ್ ಆಯ್ತು. ಚಿರಂಜೀವಿ ಜೊತೆಗೆ ರವಿಚಂದ್ರನ್ ಅವರೇ ಮಾತನಾಡಿದರು. ಚಿರಂಜೀವಿ ಕೂಡ ಒಪ್ಪಿಕೊಂಡು ಅಭಿನಯಿಸಿದರು. ನಾವೆಲ್ಲ ಕಥೆ ಬರ್ಕೊಂಡು ಸಿನಿಮಾ ಬಗ್ಗೆ ಯೋಚಿಸಿದರೆ, ರವಿಚಂದ್ರನ್ ಕ್ಯಾಮರಾ ಮೂಲಕವೇ ಕಥೆ ಕಟ್ಟುತ್ತಾರೆ. ಕ್ಯಾಮರಾನೇ ಅವರಿಗೆ ಪೆನ್ ಇದ್ದ ಹಾಗೆ’’ ‘‘ಸಿಪಾಯಿ’ ಶೂಟಿಂಗ್ ಮಾಡುವಾಗಲೇ ಸೌಂದರ್ಯ ಅವರ ತಂದೆ ತೀರಿಕೊಂಡರು. ತಂದೆಯನ್ನ ಕಳೆದುಕೊಂಡ ದುಃಖದ ನಡುವೆಯೇ ‘ಸಿಪಾಯಿ’ ಸಿನಿಮಾದಲ್ಲಿ ಸೌಂದರ್ಯ ಅಭಿನಯಿಸಿದರು’’ ಎಂದು ಸಂದರ್ಶನದಲ್ಲಿ ಬಿ.ಸುರೇಶ ಹೇಳಿದ್ದಾರೆ.