ನವರಾತ್ರಿ 2021 : ಎಲ್ಲರಿಗೂ ಶುಭವ ತರಲಿ ನವರಾತ್ರಿ :ಸರ್ವರಿಗೂ ನವರಾತ್ರಿಯ ಹಾರ್ದಿಕ ಶುಭಾಶಯಗಳು

ಖುಷಿಯ ನವರಾತ್ರಿ ಹಬ್ಬ ಮತ್ತೆ ಬಂದಿದೆ. ಹೀಗಾಗಿ, ಎಲ್ಲೆಲ್ಲೂ ಒಂಬತ್ತು ದಿನಗಳ ಕಾಲ ಖುಷಿ, ನೆಮ್ಮದಿ ಮನೆ ಮಾಡಲಿದೆ. ಇಂತಹ ಶುಭ ಸಂದರ್ಭದಲ್ಲಿ ನಿಮ್ಮ ಪ್ರೀತಿಪಾತ್ರರಿಗೆ

ನವರಾತ್ರಿ 2021 : ಎಲ್ಲರಿಗೂ ಶುಭವ ತರಲಿ ನವರಾತ್ರಿ :ಸರ್ವರಿಗೂ ನವರಾತ್ರಿಯ ಹಾರ್ದಿಕ ಶುಭಾಶಯಗಳು
Linkup

ನವರಾತ್ರಿ ಈ ಹೆಸರಿನಲ್ಲೇ ಮಾಂತ್ರಿಕ ಸೆಳೆತವಿದೆ. ಹಿಂದೂ ಧರ್ಮೀಯರ ಪ್ರಮುಖ ಹಬ್ಬಗಳಲ್ಲಿ ನವರಾತ್ರಿ ಕೂಡಾ ಒಂದು. ನವದುರ್ಗೆಯರನ್ನು ಭಕ್ತಿಯಿಂದ ಪೂಜಿಸಿ, ಅರ್ಚಿಸಿ ಎಲ್ಲರೂ ಈ ಒಂಬತ್ತು ದಿನಗಳ ಕಾಲ ಖುಷಿಯಿಂದ ಹಬ್ಬ ಆಚರಿಸುತ್ತಾರೆ. ಇದು ದುಷ್ಟ ಶಕ್ತಿಗಳ ಸಂಹಾರ, ದೈವೀ ಶಕ್ತಿಯ ವಿಜಯದ ಹಬ್ಬ ಕೂಡಾ ಹೌದು. 

ಲೋಕ ಕಂಟಕನಾಗಿ ಮೆರೆದಾಡುತ್ತಿದ್ದ ಮಹಿಷಾಸುರನ ವಧೆ ದೇವಿಯಿಂದ ಆಗುತ್ತದೆ. ದೈತ್ಯ ಶಕ್ತಿಯ ಸಂಹಾರಕ್ಕಾಗಿ ಭೂಮಿಗೆ ಬಂದಿದ್ದ ದುರ್ಗೆಯು ಮಹಿಷಾಸುರನ ವಧೆಯ ಬಳಿಕ ಎಲ್ಲರಿಗೂ ಹರಸಿ ವಿಜಯದಶಮಿಯಂದು ಭೂಮಿಯಿಂದ ಮತ್ತೆ ಮರಳಿದ್ದಾಗಿ ನಂಬಿಕೆ. ಹೀಗಾಗಿ, ಈ ಒಂಬತ್ತು ದಿನಗಳ ಕಾಲ ದುರ್ಗೆಯ ಒಂಬತ್ತು ಅವತಾರಗಳನ್ನು ಜನರು ಶ್ರದ್ಧಾ ಭಕ್ತಿಯಿಂದ ಪೂಜಿಸುತ್ತಾರೆ. ಈ ಒಂಬತ್ತು ದಿನಗಳಲ್ಲಿ ಎಲ್ಲೆಲ್ಲೂ ಖುಷಿಯ ವಾತಾವರಣವೇ ನೆಲೆಗೊಂಡಿರುತ್ತದೆ. ಈ ವರ್ಷ ಹಬ್ಬವು ಅಕ್ಟೋಬರ್ 7 ರಿಂದ ಆರಂಭವಾಗಲಿದ್ದು ಅಕ್ಟೋಬರ್ 15 ರವರೆಗೆ ನಡೆಯಲಿದೆ. 

* ದೇವಿ ದುರ್ಗೆಯು ನಿಮಗೆ ಶಾಶ್ವತ ಸಮೃದ್ಧಿ ಮತ್ತು ಶಾಂತಿ, ನೆಮ್ಮದಿಯ ಹಾದಿಯನ್ನು ತೋರಿಸಲಿ. ದೇವರ ಆಶೀರ್ವಾದದ ಪ್ರಭೆಯಲ್ಲಿ ನಿಮ್ಮ ಕಷ್ಟಗಳೆಲ್ಲಾ ಕೊನೆಯಾಗಲಿ. ಸರ್ವರಿಗೂ ನವರಾತ್ರಿಯ ಹಾರ್ದಿಕ ಶುಭಾಶಯಗಳು 

* ದುರ್ಗೆಯ ಆಶೀರ್ವಾದದ ಬೆಳಕಿನಲ್ಲಿ ನಿಮ್ಮ ಮನೆ, ಮನಗಳಲ್ಲಿ ಸದಾ ಸಂತಸ ತುಂಬಿರಲಿ. ನಿಮ್ಮ ಜೀವನದಲ್ಲಿ ಎದುರಾಗುವ ಎಲ್ಲಾ ಕಷ್ಟಗಳನ್ನು ಎದುರಿಸುವ ಮತ್ತು ಕೆಟ್ಟದ್ದನ್ನು ಸೋಲಿಸುವ ಶಕ್ತಿಯನ್ನು ದೇವರು ಅನುಗ್ರಹಿಸಲಿ ಎಂಬ ಹಾರೈಕೆ ನನ್ನದು. ಎಲ್ಲರಿಗೂ ನವರಾತ್ರಿಯ ಶುಭಾಶಯಗಳು 

* ನಿಮ್ಮ ಎಲ್ಲಾ ಕಷ್ಟ, ಚಿಂತೆಗಳನ್ನು ಮರೆತು ಬಿಡಿ. ಮುಖದ ಮೇಲೆ ಹೂನಗೆಯನ್ನು ಚೆಲ್ಲಿ. ಯಾಕೆಂದರೆ, ತಮ್ಮ ಆಶೀರ್ವಾದದ ಮಳೆಯಿಂದ ನಿಮ್ಮ ಜೀವನವನ್ನು ಇನ್ನಷ್ಟು ಖುಷಿಯಿಂದ ತುಂಬಿಸಲು ನವದುರ್ಗೆಯರು ಬರುತ್ತಿದ್ದಾರೆ. ಎಲ್ಲರಿಗೂ ನವರಾತ್ರಿ ಹಬ್ಬದ ಶುಭಾಶಯಗಳು 

* ದುರ್ಗಾ ಪೂಜೆಯು ನಮ್ಮ ಬದುಕಿನಲ್ಲಿ ಸಂತೋಷದಿಂದ ಮುನ್ನಡೆಯಲು ಹೃದಯ ಮತ್ತು ಮನಸ್ಸಿನಲ್ಲಿ ಸಕಾರಾತ್ಮಕತೆ ಮತ್ತು ಉತ್ಸಾಹವನ್ನು ತುಂಬುತ್ತದೆ. ಈ ನವರಾತ್ರಿ ಶುಭ ಸಂದರ್ಭದಲ್ಲಿ ಸರ್ವರ ಪ್ರಾಮಾಣಿಕ ಪ್ರಾರ್ಥನೆಯನ್ನು ದೇವರು ಆಲಿಸಲಿ ಎಂಬ ಹಾರೈಕೆ ನನ್ನದು. ಎಲ್ಲರಿಗೂ ಹಬ್ಬದ ಹಾರ್ದಿಕ ಶುಭಾಶಯಗಳು 

* ನವದುರ್ಗೆಯರು ತಮ್ಮ ಆಶೀರ್ವಾದಗಳಿಂದ ಕೀರ್ತಿ, ಆರೋಗ್ಯ, ಸಾಧಿಸುವ ಛಲ, ಸಂಪತ್ತು, ನೆಮ್ಮದಿ, ಮಾನವೀಯ ಗುಣ, ಜ್ಞಾನ, ಭಕ್ತಿ, ಶಕ್ತಿಯನ್ನು ನಿಮಗೆ ಕರುಣಿಸಲಿ. ಸರ್ವರಿಗೂ ಸನ್ಮಂಗಳವನ್ನುಂಟು ಮಾಡಲಿ ದಸರಾ ಹಬ್ಬ 

* ಎಲ್ಲಾ ಕಷ್ಟಗಳಿಂದಲೂ ನಿಮ್ಮನ್ನು ಹಾಗೂ ನಿಮ್ಮ ಕುಟುಂಬವನ್ನು ನವದುರ್ಗೆಯರು ರಕ್ಷಿಸಲಿ. ನವರಾತ್ರಿಯ ಉತ್ಸವ ನಿಮ್ಮ ಬದುಕಿನಲ್ಲಿ ಸದಾ ಖುಷಿಯ ರಂಗನ್ನೇ ಚೆಲ್ಲಲಿ. ಎಲ್ಲರಿಗೂ ಸಂಭ್ರಮದ ನವರಾತ್ರಿ ಹಬ್ಬದ ಶುಭಾಶಯಗಳು 

* ದುರ್ಗೆಯ ಮೇಲಿನ ಅನನ್ಯ ನಂಬಿಕೆ, ಭಕ್ತಿಯಿಂದ ಶಾಶ್ವತವಾದ ಸಂತೋಷ, ಯಶಸ್ವಿ ಜೀವನ ನಿಮ್ಮದಾಗಲಿ. ಮಾತೆಯ ಆಶೀರ್ವಾದದ ಪ್ರಭೆಯಲ್ಲಿ ನಿಮ್ಮ ಬದುಕು ಬೆಳಗಲಿ. ಸರ್ವರಿಗೂ ದಸರಾ ಹಬ್ಬದ ಶುಭಾಶಯಗಳು 

* ಕತ್ತಲೆಯನ್ನು ಬೆಳಕಾಗಿ, ಸಂಕಟವನ್ನು ಸಂತಸದ ಕ್ಷಣವನ್ನಾಗಿ ಬದಲಾಯಿಸುವ ಶಕ್ತಿ ಈ ಹಬ್ಬಕ್ಕಿದೆ. ನವದುರ್ಗೆಯರು ಎಲ್ಲೆಲ್ಲೂ ಸಂತೋಷ, ನೆಮ್ಮದಿಯನ್ನು ತರಲಿ. ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ನವರಾತ್ರಿ ಶುಭಾಶಯಗಳು 

* ನವದುರ್ಗೆಯರ ಆಶೀರ್ವಾದದಿಂದ ನಿಮ್ಮ ಎಲ್ಲಾ ಪ್ರಾಮಾಣಿಕ ಪ್ರಯತ್ನಗಳಲ್ಲಿ ಯಶಸ್ವು ಸಿಗಲಿ. ನಿಮ್ಮ ಕುಟುಂಬದಲ್ಲಿ ಸದಾ ಹರುಷದ ಹೊಳೆಯೇ ಹರಿಯುತ್ತಿರಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ನವರಾತ್ರಿ ಹಬ್ಬದ ಹಾರ್ದಿಕ ಶುಭಾಶಯಗಳು 

* ಲೋಕ ಕಲ್ಯಾಣಕ್ಕಾಗಿ ತಾಯಿ ದುರ್ಗೆಯು ಭೂಮಿಗೆ ಭೇಟಿ ನೀಡಿದ ಸಮಯವಿದು. ತಾಯಿಯ ಆಗಮನದ ಖುಷಿಯನ್ನು ಆಚರಿಸೋಣ. ಉತ್ತಮ ಭವಿಷ್ಯಕ್ಕಾಗಿ ಅವಳ ಆಶೀರ್ವಾದ ಪಡೆಯೋಣ. ಸರ್ವರಿಗೂ ನವರಾತ್ರಿ ಶುಭಾಶಯಗಳು