ಇಂದು ವಿಶ್ವ ಹೃದಯ ದಿನ; ನಿಮ್ಮ ಹೃದಯವನ್ನು ಜೋಪಾನ ಮಾಡಿಕೊಳ್ಳಿ;

ಹೆಚ್ಚು ಒತ್ತಡದಲ್ಲಿ ಕೆಲಸ ಮಾಡುವ 40-50 ವರ್ಷದ ಮಹಿಳೆಯರು ಹೃದಯ ಸಂಬಂಧಿ ಕಾಯಿಲೆಗೆ ತುತ್ತಾಗುತ್ತಿದ್ದಾರೆ. ಒಂದೇ ಸ್ಥಳದಲ್ಲಿ ಬಹಳ ಹೊತ್ತು ಕೂತು ಕೆಲಸ ಮಾಡುವವರಲ್ಲೂ ಹೃದಯ ಸಂಬಂಧಿ ಕಾಯಿಲೆ ಕಾಣಿಸಿಕೊಳ್ಳುತ್ತಿದೆ. ಫಾಸ್ಟ್‌ ಫುಡ್‌ ಸೇವನೆ, ಅತಿಯಾದ ಮಾಂಸಾಹಾರ ಸೇವೆಯಿಂದಲೂ ಹೃದಯಘಾತ ಪ್ರಮಾಣ ಹೆಚ್ಚುತ್ತಿದೆ. 

 ವ್ಯಕ್ತಿಗಳಲ್ಲಿ ಅನುವಂಶಿಯವಾಗಿ ಹೃದಯಾಘಾತ ಸಂಭವಿಸುವ ಪ್ರಮಾಣ ಶೇ.12ರಷ್ಟಿದೆ ಎಂದು  ನಡೆಸಿದ ಅಧ್ಯಯನದಿಂದ ತಿಳಿದು ಬಂದಿದೆ.  

''20ರಿಂದ 40 ವರ್ಷದವರಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಹೃದಯಾಘಾತ ಸಂಭವಿಸುತ್ತಿದೆ, ಇದರಲ್ಲಿ 35 ವರ್ಷ ಮೇಲ್ಪಟ್ಟವರಲ್ಲಿ ಶೇ.20ರಷ್ಟು ಹೃದಯಾಘಾತವಾಗುತ್ತಿದೆ. 1960ರಲ್ಲಿ ಶೇ.3ರಷ್ಟಿದ್ದ ಹೃದಯಾಘಾತದ ಪ್ರಮಾಣ ಈಗ ದುಪ್ಪಟ್ಟಾಗಿದೆ. ನಗರದಲ್ಲಿ ದೇಶದಲ್ಲಿ ಶೇ.10 ಹಾಗೂ ಗ್ರಾಮೀಣ ಭಾಗದಲ್ಲಿ ಶೇ.6ರಷ್ಟು ಜನರು ಹೃದಯಾಘಾತಕ್ಕೆ ಒಳಗಾಗುತ್ತಿದ್ದಾರೆ,'' ಎಂದು ಜಯದೇವ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸಿ.ಎನ್‌. ಮಂಜುನಾಥ್‌ ತಿಳಿಸಿದ್ದಾರೆ. 

''ಹೃದಯಾಘಾತದಲ್ಲಿ ವಾಯುಮಾಲಿನ್ಯ ಪ್ರಮುಖ ಪಾತ್ರವಹಿಸುತ್ತಿದೆ. ವಾಯುಮಾಲಿನ್ಯದಿಂದ ಪ್ರತಿವರ್ಷ 20 ಲಕ್ಷ ಜನರು ಸಾವನ್ನಪ್ಪುತ್ತಿದ್ದಾರೆ. ಈ ನಿಟ್ಟಿನಲ್ಲಿ ವಾಯುಮಾಲಿನ್ಯ ನಿಯಂತ್ರಣ ಬಹಳ ಮುಖ್ಯ,'' ಎಂದು ಅವರು ಹೇಳಿದ್ದಾರೆ. 

ಹೃದಯ ಬಡಿತ ಏರುಪೇರಾಗಿರುವವರು ಈ ಆಹಾರದ ಟಿಪ್ಸ್ ಫಾಲೋ ಮಾಡಿ 

''ಹೆಚ್ಚು ಒತ್ತಡದಲ್ಲಿ ಕೆಲಸ ಮಾಡುವ 40-50 ವರ್ಷದ ಮಹಿಳೆಯರು ಹೃದಯ ಸಂಬಂಧಿ ಕಾಯಿಲೆಗೆ ತುತ್ತಾಗುತ್ತಿದ್ದಾರೆ. ಒಂದೇ ಸ್ಥಳದಲ್ಲಿ ಬಹಳ ಹೊತ್ತು ಕೂತು ಕೆಲಸ ಮಾಡುವವರಲ್ಲೂ ಹೃದಯ ಸಂಬಂಧಿ ಕಾಯಿಲೆ ಕಾಣಿಸಿಕೊಳ್ಳುತ್ತಿದೆ. ಫಾಸ್ಟ್‌ ಫುಡ್‌ ಸೇವನೆ, ಅತಿಯಾದ ಮಾಂಸಾಹಾರ ಸೇವೆಯಿಂದಲೂ ಹೃದಯಘಾತ ಪ್ರಮಾಣ ಹೆಚ್ಚುತ್ತಿದೆ,'' ಎಂದು ಅವರು ತಿಳಿಸಿದ್ದಾರೆ. 

ಹೃದಯಾಘಾತಕ್ಕೆ ಏನು ಕಾರಣ?

ನಗರೀಕರಣ, ಕೈಗಾರಿಕೀರಣ, ಧೂಮಪಾನ, ಸಕ್ಕರೆ ಕಾಯಿಲೆ, ಡ್ರಗ್ಸ್‌ ಸೇರಿದಂತೆ ಹಲವು ದುಶ್ಚಟಗಳು ಕಾರಣವಾಗಿದೆ. 

ಏನು ಮಾಡಬೇಕು? 

''35 ವರ್ಷ ಮೇಲ್ಪಟ್ಟ ಪುರುಷರು ಹಾಗೂ 40 ವರ್ಷ ಮೇಲ್ಪಟ್ಟ ಮಹಿಳೆಯರು ವರ್ಷಕೊಮ್ಮೆ ತಪ್ಪದೇ ಹೃದಯ ಪರೀಕ್ಷೆ ಮಾಡಿಕೊಳ್ಳಬೇಕು. ಎರಡು ವರ್ಷಕ್ಕೊಮ್ಮೆ ಟಿಎಂಟಿ ಪರೀಕ್ಷೆ ಮಾಡಿಕೊಳ್ಳಬೇಕು. ಪ್ರತಿದಿನ ಕನಿಷ್ಠ ಒಂದು ಗಂಟೆ ವಾಕ್‌ ಮಾಡುವುದರಿಂದ ಹೃದಯಾಘಾತವನ್ನು ತಪ್ಪಿಸಬಹುದು,'' ಎಂದು ಡಾ. ಸಿ.ಎನ್‌. ಮಂಜುನಾಥ್‌ ಸಲಹೆ ನೀಡಿದ್ದಾರೆ. 

ಹೃದಯ ಆರೋಗ್ಯಕ್ಕೆ ಐದು ಸಲಹೆಗಳು 

ಬಿಪಿ ಕಡಿಮೆ ಮಾಡಿಕೊಳ್ಳಬೇಕು. 

ರಕ್ತದಲ್ಲಿಸಕ್ಕರೆ ಪ್ರಮಾಣ ಕಡಿಮೆ ಇರಬೇಕು 

ಸೊಂಟದಲ್ಲಿಕೊಲೆಸ್ಟ್ರಾಲ್‌ ಬರದಂತೆ ನೋಡಿಕೊಳ್ಳಬೇಕು 

ತೂಕ ಹೆಚ್ಚಾಗದಂತೆ ಮುತುವರ್ಜಿ ವಹಿಸಬೇಕು 

ಅತಿಯಾದ ಆಸೆ ಇಟ್ಟುಕೊಳ್ಳಬಾರದು