'ಗೇಮ್ ಚೇಂಜರ್' ಆಗಲಿದೆ ಸ್ವದೇಶಿ ನಿರ್ಮಿತ ಲಸಿಕೆ: ಕೋರ್ಬೆವ್ಯಾಕ್ಸ್ ಶೇ 90ರಷ್ಟು ಪರಿಣಾಮಕಾರಿ
ಬಯಾಲಾಜಿಕಲ್ ಇ ಕಂಪೆನಿಯ ಕೋರ್ಬೆವ್ಯಾಕ್ಸ್ ಲಸಿಕೆಯು ಕೋವಿಡ್ 19 ವಿರುದ್ಧ ಶೇ 90ರಷ್ಟು ಪರಿಣಾಮಕಾರಿ ಎಂದು ಎನ್‌ಟಿಎಜಿಐ ಅಧ್ಯಕ್ಷ ಡಾ. ಎನ್‌ಕೆ ಅರೋರಾ ತಿಳಿಸಿದ್ದಾರೆ.
Admin
0
8
ಹೊಸದಿಲ್ಲಿ: ಸಂಸ್ಥೆಯ ಮತ್ತೊಂದು ಸ್ವದೇಶಿ ನಿರ್ಮಿತ ಕೋರ್ಬೆವ್ಯಾಕ್ಸ್ ಸಾಂಕ್ರಾಮಿಕದ ವಿರುದ್ಧದ ಗೇಮ್ ಚೇಂಜರ್ ಆಗಲಿದೆ ಎಂದು ಸರ್ಕಾರದ ತಾಂತ್ರಿ ಸಲಹಾ ಸಮಿತಿಯ ಮುಖ್ಯಸ್ಥ ಹೇಳಿದ್ದಾರೆ.
ಲಸಿಕೆಯು ಮೂರನೇ ಹಂತದ ಪ್ರಯೋಗಕ್ಕೆ ಅಣಿಯಾಗುತ್ತಿದ್ದು, ಅಕ್ಟೋಬರ್ ವೇಳೆಗೆ ಬಳಕೆಗೆ ಲಭ್ಯವಾಗಲಿದೆ. ಅದು ಕೋವಿಡ್ ವಿರುದ್ಧ ಶೇ 90ರಷ್ಟು ಪರಿಣಾಮಕಾರಿಯಾಗುವ ಭರವಸೆ ಮೂಡಿಸಿದೆ ಎಂದು ಅರೋರಾ ತಿಳಿಸಿದ್ದಾರೆ.
ನೋವಾವ್ಯಾಕ್ಸ್ ಸ್ವರೂಪವನ್ನೇ ಹೊಂದಿರುವ ಕೋರ್ಬೆವ್ಯಾಕ್ಸ್, ಕೋವಿಡ್ ರೂಪಾಂತರಗಳು ಸೇರಿದಂತೆ ವೈರಸ್ ವಿರುದ್ಧ ಶೇ 90ಕ್ಕಿಂತಲೂ ಅಧಿಕ ಪರಿಣಾಮಕಾರಿಯಾಗಿದೆ ಎಂದು ಬಯಾಲಾಜಿಕಲ್-ಇ ತಿಳಿಸಿರುವುದಾಗಿ ಅವರು ಹೇಳಿದ್ದಾರೆ. ಕೋವಿಶೀಲ್ಡ್ ಲಸಿಕೆಯನ್ನು ಉತ್ಪಾದಿಸುತ್ತಿರುವ ಸೀರಮ್ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾ ನೋವಾವ್ಯಾಕ್ಸ್ ಲಸಿಕೆಯನ್ನು ಕೂಡ ಭಾರತದಲ್ಲಿ ಉತ್ಪಾದಿಸುವ ಒಪ್ಪಂದ ಮಾಡಿಕೊಂಡಿದೆ.
'ನೋವಾವ್ಯಾಕ್ಸ್ ಸಾಕಷ್ಟು ಆಸಕ್ತಿಕರವಾಗಿದೆ. ಕಳೆದ ಕೆಲವು ವಾರಗಳಿಂದ ಅದು ಸಂಚಲನ ಮೂಡಿಸಿತ್ತು, ಏಕೆಂದರೆ ವರ್ಷದ ಸುಮಾರು ಒಂದು ಬಿಲಿಯನ್ ಡೋಸ್‌ನಷ್ಟು ಲಸಿಕೆ ಉತ್ಪಾದಿಸಲಿದೆ. ಇದು ಸರಳ ಹಾಗೂ ಅಗ್ಗವಾಗಿದ್ದು, ಶೇ 90ರಷ್ಟು ಪರಿಣಾಮಕಾರಿತನ ಹೊಂದಿದೆ' ಎಂದು ಅರೋರಾ ಹೇಳಿದ್ದಾರೆ.
'ಇದೇ ರೀತಿಯ ಭಾರತೀಯ ಲಸಿಕೆಯು ಮೂರನೇ ಹಂತದ ಪ್ರಯೋಗದಲ್ಲಿದೆ. ನಮ್ಮ ಹಿಂದಿನ ಅನುಭವಗಳ ಪ್ರಕಾರ ಈ ಲಸಿಕೆಗಳು ಸಾಕಷ್ಟು ಕಾತರ ಮೂಡಿಸಿವೆ. ಇವು ವಿಭಿನ್ನ ವಯಸ್ಸಿನ ಗುಂಪುಗಳಲ್ಲಿ ಸುರಕ್ಷಿತ ಹಾಗೂ ಅತ್ಯಂತ ಪರಿಣಾಮಕಾರಿಯಾಗಿದೆ' ಎಂದಿದ್ದಾರೆ.
'ಬಯಾಲಾಜಿಕಲ್ ಇ ಲಸಿಕೆಯು ಅಕ್ಟೋಬರ್ ತಿಂಗಳಲ್ಲಿ ಬಳಕೆಗೆ ಸಿಗುವ ಸಾಧ್ಯತೆ ಇದೆ. ಇದು ನೋವಾವ್ಯಾಕ್ಸ್‌ನ ದಕ್ಷತೆಗೆ ಸಮನಾಗಿದೆ. ಅಂದರೆ ಶೇ 90ರಷ್ಟಿದೆ. ಅವರು ಶೀಘ್ರವೇ ಮೂರನೇ ಹಂತದ ಪ್ರಯೋಗಕ್ಕೆ ಪ್ರವೇಶಿಸಲಿದ್ದಾರೆ' ಎಂದು ತಿಳಿಸಿದ್ದಾರೆ.
