ಅಪ್ಪ ಕಮಲ್ ಹಾಸನ್ ಚುನಾವಣೆಯಲ್ಲಿ ಸೋತ ನಂತರ ಮಗಳು, ನಟಿ ಶ್ರುತಿ ಹಾಸನ್ ಮಾಡಿದ ಪೋಸ್ಟ್ ವೈರಲ್!

ಮಕ್ಕಳ್ ನಿಧಿ ಮೈಯ್ಯಂ ಪಕ್ಷದ ಸ್ಥಾಪಕ ಅವರು ವಿಧಾನಸಭಾ ಚುನಾವಣೆಯಲ್ಲಿ ಕೊಯಮತ್ತೂರು ಕ್ಷೇತ್ರದಿಂದ ಸ್ಪರ್ಧಿಸಿ ಸೋಲುಂಡಿದ್ದರು. ಮತಎಣಿಕೆ ನಂತರದಲ್ಲಿ ಕಮಲ್ ಹಾಸನ್ ಪುತ್ರಿ ನಟಿ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿದ ಪೋಸ್ಟ್ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಕಮಲ್ ಹಾಸನ್‌ಗೆ ಸಿಕ್ಕ ಮತವೆಷ್ಟು? ತಮಿಳುನಾಡಿನಲ್ಲಿ ಕಳೆದ ಏಪ್ರಿಲ್ 6ರಂದು ಮತದಾನ ನಡೆದಿತ್ತು. ಶ್ರುತಿ ಹಾಸನ್ ಹಾಗೂ ಅಕ್ಷರಾ ಹಾಸನ್ ಅವರು ತಂದೆ ಕಮಲ್ ಹಾಸನ್ ಜೊತೆ ಬಂದು ಮತ ಚಲಾಯಿಸಿದ್ದರು. ಇನ್ನು ನಿನ್ನೆ (ಮೇ 2) ಬೆಳಗ್ಗೆ 8ಗಂಟೆಗೆ ಮತ ಎಣಿಕೆ ಆರಂಭವಾಗಿತ್ತು. ಎಣಿಕೆಯ ಆರಂಭದಲ್ಲಿ ಲೀಡಿಂಗ್‌ನಲ್ಲಿದ್ದ ಕಮಲ್ ಕೊನೆಯಲ್ಲಿ ಹಿಂದೆ ಬಿದ್ದಿದ್ದಾರೆ. ಬಿಜೆಪಿಯ ವನಂತಿ ಶ್ರೀನಿವಾಸನ್ ಎಂಬುವವರಿಂದ 1500 ಮತಗಳ ಅಂತರದಲ್ಲಿ ಸೋಲು ಕಂಡಿದ್ದಾರೆ. ಒಟ್ಟು ಮತದಾನದಲ್ಲಿ ಕಮಲ್‌ರಿಗೆ 33.26% ಮತ ಬಂದಿದೆ. ಇನ್ನು ಮತ ನೀಡಿದವರಿಗೆ ಕಮಲ್ ಹಾಸನ್ ಅವರು ಸೋಶಿಯಲ್ ಮೀಡಿಯಾದಲ್ಲಿ ಧನ್ಯವಾದ ತಿಳಿಸಿದ್ದಾರೆ. ಅಷ್ಟೇ ಅಲ್ಲದೆ ನಾಡಿನ ಮಣ್ಣು, ಭೂಮಿ, ಜನರನ್ನು ಮುಂದೆಯೂ ಕಾಪಾಡುತ್ತಿರುವುದಾಗಿಯೂ ಆಶ್ವಾಸನೆ ನೀಡಿದ್ದಾರೆ. ಶ್ರುತಿ ಹಾಸನ್ ಹೇಳಿದ್ದೇನು? ಅಪ್ಪನ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡ ಶ್ರುತಿ ಹಾಸನ್ ಅವರು "ನಾನು ಯಾವಾಗಲೂ ನನ್ನ ಅಪ್ಪನ ಬಗ್ಗೆ ಹೆಮ್ಮೆ ಪಡುತ್ತೇನೆ" ಎಂದು ಹಾಕಿಕೊಂಡು, #Terminator, #TheFighter ಹ್ಯಾಶ್ ಟ್ಯಾಗ್ ಕೂಡ ಬಳಕೆ ಮಾಡಿ ಪೋಸ್ಟ್ ಮಾಡಿದ್ದಾರೆ. ಈ ಹಿಂದೆ ಮತ ಹಾಕುವಾಗ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದ ಶ್ರುತಿ ಅವರು "ನಾನು ಅಪ್ಪನಿಗೆ ಸಾಥ್ ನೀಡುತ್ತೇನೆ. ಮಗಳಾಗಿ ನನ್ನ ಬೆಂಬಲ ಅವರಿಗೆ ಇದೆ. ಎಲ್ಲವೂ ಸರಿಯಾದ ಮಾರ್ಗದಲ್ಲಿ ನಡೆಯುತ್ತದೆ" ಎಂದಿದ್ದರು. 'ಸಲಾರ್' ಸಿನಿಮಾದಲ್ಲಿ ಶ್ರುತಿ ನಟನೆಕೆಲಸದ ವಿಚಾರಕ್ಕೆ ಬಂದರೆ ಶ್ರುತಿ ಹಾಸನ್ ಅವರು ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್‌ನಡಿಯಲ್ಲಿ ವಿಜಯ್ ಕಿರಗಂದೂರು ಬಂಡವಾಳ ಹೂಡುತ್ತಿರುವ 'ಸಲಾರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಪ್ರಭಾಸ್ ನಾಯಕ, ಪ್ರಶಾಂತ್ ನೀಲ್ ನಿರ್ದೇಶನ ಈ ಚಿತ್ರಕ್ಕಿದೆ.