Shakeela: ನನ್ನ ಕಡೆಗೆ ಗಮನ ಕೊಡಲಿ ಅಂತ ಸತ್ತಿದ್ದೇನೆ ಅಂತ ಹೇಳಿದ್ದಾರೆ; ನಟಿ ಶಕೀಲಾ ಸ್ಪಷ್ಟನೆ
16ನೇ ವಯಸ್ಸಿಗೆ ಸಿನಿಮಾ ಲೋಕಕ್ಕೆ ಕಾಲಿಟ್ಟ ನಟಿ ಶಕೀಲಾ ದಕ್ಷಿಣ ಭಾರತದಲ್ಲಿ ದೊಡ್ಡ ಸೌಂಡ್ ಮಾಡಿದ್ದರು. ಅವರ ಸಿನಿಮಾ ರಿಲೀಸ್‌ಗಾಗಿ ಸಾಕಷ್ಟು ಪಡ್ಡೆ ಹುಡುಗರು ಕಾಯುತ್ತಲಿದ್ದರು. ಈಗ ಅವರು ನಿಧನರಾಗಿದ್ದಾರೆಂದು ಕೆಲವರು ಸುಳ್ಳು ಸುದ್ದಿ ಹಬ್ಬಿಸಿದ್ದಾರಂತೆ. ಈ ಕುರಿತು ಶಕೀಲಾ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿ ಮಾಹಿತಿ ನೀಡಿದ್ದಾರೆ.
Admin
0
19
ದಕ್ಷಿಣದ ಚಿತ್ರಗಳಲ್ಲಿ ಅಭಿನಯಿಸಿ ತಮ್ಮದೇ ಆದಂತಹ ಪ್ರೇಕ್ಷಕ ವರ್ಗವನ್ನು ಹೊಂದಿದ್ದ ಕೆಲವೇ ಕೆಲವು ತಾರೆಗಳಲ್ಲಿ ಕೂಡ ಒಬ್ಬರು. ಶಕೀಲಾರನ್ನು ನೆನಪಿಸಿಕೊಂಡರೆ ಪಡ್ಡೆ ಹುಡುಗರ ಹೃದಯದಲ್ಲಿ ಚಿಟ್ಟೆ ಬಿಟ್ಟಂತಾಗುವುದು. 250 ಸಿನಿಮಾಗಳಲ್ಲಿ ಅಭಿನಯಿಸಿರುವ ಶಕೀಲಾ ಕುರಿತು ಗಾಳಿಸುದ್ದಿಯೊಂದು ಹಬ್ಬಿದ್ದು, ಅದಕ್ಕೀಗ ಅವರು ಸ್ಪಷ್ಟನೆ ನೀಡಿದ್ದಾರೆ.
ಶಕೀಲಾ ಇನ್ನಿಲ್ಲ ಎಂಬ ವಿಚಾರ ಕೆಲ ಸೋಶಿಯಲ್ ಮೀಡಿಯಾಗಳಲ್ಲಿ ಕೇಳಿ ಬರುತ್ತಿದೆ. ಈ ವಿಷಯ ಶಕೀಲಾ ಕಿವಿಗೂ ಬಿದ್ದಿದೆ. ಹೀಗಾಗಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕುವುದರ ಮೂಲಕ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ. ಈ ರೀತಿ ಸುದ್ದಿ ಹಬ್ಬಿಸಲು ಕಾರಣ ಏನು ಎಂದು ಕೂಡ ಶಕೀಲಾ ತಿಳಿಸಿದ್ದಾರೆ.
"ನಾನು ಇನ್ನಿಲ್ಲ ಎಂಬ ವಿಷಯ ನಾನೇ ಕೇಳಿದೆ, ನಾನು ಆರೋಗ್ಯವಾಗಿದ್ದೇನೆ, ಸಂತೋಷವಾಗಿದ್ದೇನೆ. ಕೇರಳ ನನ್ನನ್ನು ತುಂಬ ಚೆನ್ನಾಗಿ ನೋಡಿಕೊಳ್ಳುತ್ತಿದೆ. ಕೆಲವರು ಈ ರೀತಿ ಸುಳ್ಳು ಸುದ್ದಿ ಹಬ್ಬಿಸಿದ್ದರು. ನನ್ನ ಸಾವಿನ ವಿಷಯ ಕೇಳಿ ನನಗೆ ಅನೇಕರಿಂದ ಸಾಕಷ್ಟು ಫೋನ್, ಮೆಸೇಜ್ ಬಂತು. ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದಗಳು. ನನ್ನ ಕಡೆ ಗಮನ ಕೊಡಲಿ ಅಂತ ಕೆಲವರು ಈ ರೀತಿ ಸಾವಿನ ಸುದ್ದಿ ಹಬ್ಬಿಸಿದ್ದಾರೆ" ಎಂದು ಶಕೀಲಾ ಸ್ಪಷ್ಟನೆ ನೀಡಿದ್ದರು.
ಬಿಗ್ ಬಾಸ್ ಕನ್ನಡ ಸೀಸನ್ 2ರಲ್ಲಿ ಶಕೀಲಾ ಭಾಗವಹಿಸಿದ್ದರು. ಆದ್ದರಿಂದ ಶಕೀಲಾ ಕನ್ನಡ ಚಿತ್ರರಂಗದ ಜೊತೆಗೆ ಕಿರುತೆರೆ ಮಂದಿಗೂ ಪರಿಚಿತರು. ದಶಕಗಳ ಹಿಂದೆ ಒಂದು ಕಡೆ ಶಕೀಲಾ ಸಿನಿಮಾಗಳನ್ನು ನೋಡಲು ಪಡ್ಡೆಹುಡುಗರು ಹಾತೊರೆಯುತ್ತಿದ್ದರೆ, ಇನ್ನೊಂದು ಕಡೆ ಶಕೀಲಾ ಸಿನಿಮಾ ಬ್ಯಾನ್ ಮಾಡುವಂತೆ ವಿರೋಧ ಕೂಡ ಇತ್ತು. ಈ ಬಗ್ಗೆ ಸಾಕಷ್ಟು ಹೋರಾಟಗಳು ನಡೆದಿತ್ತು. ಶಕೀಲಾ ಸಿನಿಮಾ ಜೀವನ ಎಷ್ಟು ಉತ್ತುಂಗದಲ್ಲಿತ್ತೋ ಅಷ್ಟು ವೈಯಕ್ತಿಕ ಜೀವನ ಚೆನ್ನಾಗಿರಲಿಲ್ಲ.
ಶಕೀಲಾ ಜೀವನ ಕುರಿತಾದ 'ಶಕೀಲಾ' ಬಯೋಪಿಕ್‌ನ್ನು ಇಂದ್ರಜಿತ್ ಲಂಕೇಶ್ ನಿರ್ದೇಶಿಸಿದ್ದರು. ಅವರು ಶಕೀಲಾರ ಪಾತ್ರ ಮಾಡಿದ್ದರು. ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ 'ಶಕೀಲಾ' ರಿಲೀಸ್ ಆಗಿತ್ತು. ಪಂಕಜ್ ತ್ರಿಪಾಠಿ, ರಾಜೀವ ಪಿಲ್ಲೈ ಈ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದರು.
