Nikhil: ಮತ್ತೊಂದು ಹೊಸ ಸಿನಿಮಾ ಘೋಷಣೆ ಮಾಡಿದ ನಿಖಿಲ್ ಕುಮಾರಸ್ವಾಮಿ!
ನಟ ನಿಖಿಲ್ ಕುಮಾರಸ್ವಾಮಿ ಹೊಸ ಸಿನಿಮಾ ಒಪ್ಪಿಕೊಂಡಿದ್ದು, ಅದರ ಅಧಿಕೃತ ಘೋಷಣೆ ಇಂದು (ಜೂನ್ 24) ಆಗಿದೆ. ಈ ಸಿನಿಮಾದ ನಿರ್ದೇಶಕರು ಯಾರು? ನಿರ್ಮಾಪಕರು ಯಾರು? ಸಿನಿಮಾ ಯಾವಾಗ ಶುರುವಾಗಲಿದೆ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.
Admin
0
10
ಹರೀಶ್‌ ಬಸವರಾಜ್‌
ನಿಖಿಲ್ ಕುಮಾರಸ್ವಾಮಿ ಲಾಕ್‌ಡೌನ್‌ ಅವಧಿಯಲ್ಲಿ ತಮ್ಮ ರಾಜಕೀಯ ಕೆಲಸಗಳಲ್ಲಿ ಬ್ಯುಸಿ ಇದ್ದರೂ ಸಿನಿಮಾಗಾಗಿ ಕಥೆಗಳನ್ನೂ ಕೇಳಿದ್ದಾರೆ. ಅವುಗಳಲ್ಲಿ ಅವರು ಒಂದನ್ನು ಓಕೆ ಮಾಡಿದ್ದಾರೆ. ಆ ಸಿನಿಮಾವನ್ನು ಎಂಬವವರು ನಿರ್ದೇಶನ ಮಾಡುತ್ತಿದ್ದಾರೆ. ಕಳೆದ ಏಳು ವರ್ಷಗಳಿಂದ ಚಿತ್ರರಂಗದಲ್ಲಿರುವ ಮಂಜು ಅಥರ್ವ, ತಮಿಳಿನ ಕದಿರನ್‌ ಜತೆ ಕೆಲಸ ಮಾಡಿದ್ದಾರೆ. 'ಮಾಸ್ಟರ್‌ಪೀಸ್‌', 'ಮಫ್ತಿ' ಸಿನಿಮಾಗಳಿಗೆ ಅಸೋಸಿಯೇಟ್‌ ಆಗಿ ಕೆಲಸ ಮಾಡಿದ್ದಾರೆ. ನೆನಪಿರಲಿ ಪ್ರೇಮ್‌ ಅವರ 25ನೇ ಸಿನಿಮಾ 'ಪ್ರೇಮಂ ಪೂಜ್ಯಂ' ಸಿನಿಮಾಗೆ ಕೋ-ಡೈರೆಕ್ಟರ್‌ ಕೂಡ ಆಗಿದ್ದರು. ಇದೀಗ ಮಂಜು ಅಥರ್ವ, ನಿಖಿಲ್ ಅವರ ಸಿನಿಮಾ ಮೂಲಕ ಅವರ ನಿರ್ದೇಶಕರಾಗಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.
ಸ್ಕ್ರಿಪ್ಟ್‌ಗೆ ನಿಖಿಲ್ ಅವರೇ ಸೂಕ್ತ 'ನಾನು ಈ ಸ್ಕ್ರಿಪ್ಟ್‌ ಮಾಡಿಕೊಂಡ ನಂತರ ಇದಕ್ಕೆ ನಿಖಿಲ್ ಅವರೇ ಸೂಕ್ತ ಎಂದು ನಿರ್ಧರಿಸಿಕೊಂಡೆ. ಅವರಿಗೆ ಕಥೆ ಹೇಳಿದಾಗ ಬಹಳ ಖುಷಿಯಾದರು. ಈಗಾಗಲೇ ಮೂರ್ನಾಲ್ಕು ಬಾರಿ ಒಟ್ಟಿಗೆ ಕುಳಿತು ಚರ್ಚೆ ಮಾಡಿದ್ದೇವೆ. ಕಥೆಯ ಬಗ್ಗೆ ಅವರು ಎಕ್ಸೈಟ್‌ ಆಗಿದ್ದಾರೆ' ಎಂದು ಹೇಳುತ್ತಾರೆ ಮಂಜು ಅಥರ್ವ.
ಆ್ಯಕ್ಷನ್‌ ಕಮ್‌ ಫ್ಯಾಮಿಲಿ'ಈ ಸಿನಿಮಾದಲ್ಲಿ ನಿಖಿಲ್ ಅವರ ಅಭಿಮಾನಿ ಬಳಗ ಸೇರಿದಂತೆ ಎಲ್ಲ ವರ್ಗದವರಿಗೂ ಇಷ್ಟವಾಗುವಂತಹ ಕಥೆ ಇದೆ. ಆ್ಯಕ್ಷನ್‌, ಫ್ಯಾಮಿಲಿ ಕಂಟೆಂಟ್‌ ಜತೆಗೆ ಸಮಾಜಕ್ಕೆ ಬೇಕಾದ ವಸ್ತುವೂ ಇದೆ. ಮೇಕಿಂಗ್‌ ವಿಚಾರದಲ್ಲಿ ಎಲ್ಲಿಯೂ ಕಾಂಪ್ರಮೈಸ್‌ ಆಗುವುದಿಲ್ಲ. ಈ ಸಿನಿಮಾವನ್ನು ಕೆವಿಎನ್‌ ಪ್ರೊಡಕ್ಷನ್‌ ಬ್ಯಾನರ್‌ ಅಡಿಯಲ್ಲಿ ನಿಶಾ ವೆಂಕಟ್ ಕೊನಂಕಿ ಮತ್ತು ಸುಪ್ರೀತ್ ನಿರ್ಮಾಣ ಮಾಡುತ್ತಿದ್ದು, ಯಾವುದಕ್ಕೂ ಕೊರತೆಯಾಗದಂತೆ ಎಲ್ಲವನ್ನೂ ನೀಡಲು ಸಿದ್ಧವಿದೆ. ಆಗಸ್ಟ್‌ ಕೊನೇ ಅಥವಾ ಸೆಪ್ಟೆಂಬರ್‌ ಮೊದಲ ವಾರದಲ್ಲಿ ಚಿತ್ರೀಕರಣ ಮಾಡಲು ಎಲ್ಲ ರೀತಿಯ ಪ್ಲಾನ್‌ ಮಾಡಿಕೊಳ್ಳುತ್ತಿದ್ದೇವೆ. ಸದ್ಯಕ್ಕೆ ಇದನ್ನಷ್ಟೇ ಹೇಳುತ್ತೇವೆ. ಮುಂದಿನ ದಿನಗಳಲ್ಲಿ ನಿಖಿಲ್ ಅವರ ಪಾತ್ರ ಎಂಥದ್ದು, ನಾಯಕಿ, ಉಳಿದ ಕಲಾವಿದರಾರ‍ಯರು ಎಂಬುದನ್ನು ರಿವೀಲ್‌ ಮಾಡುತ್ತೇವೆ' ಎಂದು ಹೇಳಿದರು ನಿರ್ದೇಶಕ ಮಂಜು.
ನಿಖಿಲ್ ಇಮೇಜ್‌ಗೆ ಸೂಕ್ತವಾಗುವ ಸಿನಿಮಾಈ ಚಿತ್ರಕ್ಕೆ ಅಜನೀಶ್‌ ಲೋಕನಾಥ್‌ ಸಂಗೀತ ನೀಡುತ್ತಿದ್ದು, ಮಫ್ತಿ, ಮದಗಜ ಸಿನಿಮಾಗಳ ಸಿನಿಮಾಟೋಗ್ರಾಫರ್‌ ನವೀನ್‌ ಕ್ಯಾಮೆರಾ ಹಿಡಿಯಲಿದ್ದಾರೆ. ದೊಡ್ಡ ದೊಡ್ಡ ತಂತ್ರಜ್ಞರು ಮತ್ತು ಕಲಾವಿದರು ಈ ಚಿತ್ರದಲ್ಲಿ ಇರಲಿದ್ದಾರೆ. 'ಚಿಕ್ಕ ಹುಡುಗನಿಂದ ಹಿಡಿದು, ವಯಸ್ಸಾದವರೂ ಇಷ್ಟಪಡುವಂತಹ ಸಿನಿಮಾ ಇದಾಗಲಿದೆ. ನಿಖಿಲ್ ಅವರ ಇಮೇಜ್‌ಗೆ ಪಕ್ಕಾ ಹೊಂದಿಕೆಯಾಗುವಂತಹ ಸಿನಿಮಾವಿದು. ಮೊದಲ ಸಿನಿಮಾದಲ್ಲಿಯೇ ನನಗೆ ಇಂತಹ ದೊಡ್ಡ ಹೀರೋ, ಒಳ್ಳೆಯ ನಿರ್ಮಾಣ ಸಂಸ್ಥೆ ಸಿಕ್ಕಿರುವುದು ಖುಷಿಯ ವಿಚಾರ' ಎಂದು ಮಂಜು ಅಥರ್ವ ಹೇಳುತ್ತಾರೆ.
ತಂದೆಯಾಗುವ ಖುಷಿಯಲ್ಲಿರುವ ನಿಖಿಲ್ ಕುಮಾರಸ್ವಾಮಿ ಸದ್ಯ ತಮ್ಮ ಪಕ್ಷವನ್ನು ಸಂಘಟನೆ ಮಾಡುತ್ತಿದ್ದಾರೆ. ಇದರ ನಡುವೆ ಹೊಸ ನಿರ್ದೇಶಕರೊಬ್ಬರ ಬಳಿ ನಿಖಿಲ್ ಕಥೆ ಬರೆಸುತ್ತಿದ್ದಾರೆ ಎಂಬ ಮಾಹಿತಿಯೂ ಸಿಕ್ಕಿದೆ. ಈಗ ಹೊಸ ಸಿನಿಮಾವನ್ನು ಒಪ್ಪಿಕೊಂಡಿದ್ದಾರೆ. ಒಟ್ಟಾರೆ ಸಿನಿಮಾ ಮತ್ತು ರಾಜಕೀಯ ಎರಡೂ ಕ್ಷೇತ್ರಗಳಲ್ಲಿ ಸಮಾನವಾಗಿ ತೊಡಗಿಸಿಕೊಂಡಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ.
