ಹೊಂಬಾಳೆ ಫಿಲ್ಮ್ಸ್‌ನ 'ಕೆಜಿಎಫ್ 2' & 'ಸಲಾರ್‌' ಒಂದೇ ದಿನ ರಿಲೀಸ್ ಆಗಲಿವೆಯೇ? ಏನಿದು ಹೊಸ ಲೆಕ್ಕಾಚಾರ!

ಬಿಗ್ ಬಜೆಟ್ ಸಿನಿಮಾಗಳನ್ನು ನಿರ್ಮಾಣ ಮಾಡುವುದರಲ್ಲಿ ಹೊಂಬಾಳೆ ಫಿಲ್ಮ್ಸ್‌ಗೆ ಭಾರತದಲ್ಲೇ ದೊಡ್ಡ ಹೆಸರಿದೆ. ಈಗಾಗಲೇ ಈ ಬ್ಯಾನರ್‌ನಿಂದ ಐದು ಸಿನಿಮಾಗಳು ತೆರೆಕಂಡಿದ್ದರೆ, ಆರು ಸಿನಿಮಾಗಳ ಕೆಲಸಗಳು ಚಾಲ್ತಿಯಲ್ಲಿವೆ. ಯಶ್ ನಟನೆಯ '' ಮತ್ತು ಪ್ರಭಾಸ್ ನಟನೆಯ '' ಈ ಬ್ಯಾನರ್‌ನ ಸದ್ಯದ ಬಹುನಿರೀಕ್ಷಿತ ಸಿನಿಮಾಗಳು. ಈ ಎರಡೂ ಸಿನಿಮಾಗಳ ಮೇಲೆ ನೂರಾರು ಕೋಟಿ ರೂ. ಬಂಡವಾಳ ಹೂಡಲಾಗಿದೆ. ಆದರೆ, ಈ ಸಿನಿಮಾಗಳು ಒಂದೇ ದಿನ ತೆರೆಗೆ ಬರಲಿವೆಯೇ? ಇಂಥದ್ದೊಂದು ಅನುಮಾನ ಹುಟ್ಟಿಕೊಳ್ಳಲು ಕಾರಣ, ಇಂದು ಅನೌನ್ಸ್ ಆಗಿರುವ 'ಕೆಜಿಎಫ್: ಚಾಪ್ಟರ್ 2' ರಿಲೀಸ್ ಡೇಟ್! ಏಪ್ರಿಲ್ 14ರಂದು ಕೆಜಿಎಫ್ 2 ಈ ಮೊದಲೇ ಘೋಷಣೆಯಾದಂತೆ, 2021ರ ಜುಲೈ 16ರಂದು 'ಕೆಜಿಎಫ್: ಚಾಪ್ಟರ್ 2' ರಿಲೀಸ್ ಆಗಬೇಕಿತ್ತು. ಆದರೆ, ಕೋವಿಡ್ ಎರಡನೇ ಅಲೆ ಹಾಗೂ ಲಾಕ್‌ಡೌನ್‌ನಿಂದಾಗಿ ಜುಲೈ ತಿಂಗಳಿನಲ್ಲಿ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಬಿಡುಗಡೆ ಆಗಲಿಲ್ಲ. ಈಗಲೂ ಕೋವಿಡ್ ಮೂರನೇ ಅಲೆಯ ಭೀತಿ ಕಾಡುತ್ತಿದೆ. ಈ ಮಧ್ಯೆ 'ಕೆಜಿಎಫ್ 2' ಯಾವಾಗ ರಿಲೀಸ್ ಆಗಲಿದೆ ಅನ್ನೋ ಬಗ್ಗೆಯೂ ಚರ್ಚೆ ಶುರುವಾಗಿತ್ತು. ಆದಕ್ಕೀಗ ಮುಹೂರ್ತ ಕೂಡಿಬಂದಿದ್ದು, 2022ರ ಏಪ್ರಿಲ್ 14 ರಂದು 'ಕೆಜಿಎಫ್: ಚಾಪ್ಟರ್ 2' ಚಿತ್ರವನ್ನು ರಿಲೀಸ್ ಮಾಡುವುದಾಗಿ ಹೊಂಬಾಳೆ ಫಿಲ್ಸ್ಮ್‌ ಸಂಸ್ಥೆ ಅಧಿಕೃತವಾಗಿ ಘೋಷಣೆ ಮಾಡಿದೆ! ಏಪ್ರಿಲ್ 14ರಂದೇ ಸಲಾರ್ ರಿಲೀಸ್! 'ಕೆಜಿಎಫ್‌' ಸರಣಿ ನಂತರ ವಿಜಯ್ ಕಿರಗಂದೂರು ಮತ್ತು ಪ್ರಶಾಂತ್ ನೀಲ್ ಕಾಂಬಿನೇಷನ್‌ನಲ್ಲಿ ಸಿದ್ಧಗೊಳ್ಳುತ್ತಿರುವ ಸಿನಿಮಾ 'ಸಲಾರ್‌'. ಪ್ರಭಾಸ್‌ರಂತಹ ಪ್ಯಾನ್ ಇಂಡಿಯಾ ಹೀರೋ ಇರುವುದರಿಂದ ಸಹಜವಾಗಿಯೇ ದೊಡ್ಡಮಟ್ಟದ ನಿರೀಕ್ಷೆ ಇದೆ. ಈ ಸಿನಿಮಾವನ್ನು 2022ರ ಏಪ್ರಿಲ್ 14ರಂದೇ ರಿಲೀಸ್ ಮಾಡುವುದಾಗಿ ಕಳೆದ ಫೆಬ್ರವರಿಯಲ್ಲೇ ಹೊಂಬಾಳೆ ಸಂಸ್ಥೆ ಹೇಳಿಕೊಂಡಿತ್ತು. ಇದೀಗ ಅದೇ ದಿನ 'ಕೆಜಿಎಫ್: ಚಾಪ್ಟರ್ 2' ರಿಲೀಸ್ ಮಾಡುವುದಾಗಿ ಚಿತ್ರತಂಡ ಹೇಳಿಕೊಂಡಿರುವುದರಿಂದ ಗೊಂದಲ ಉಂಟಾಗಿದೆ. ಒಂದೇ ದಿನ ಬಿಡುಗಡೆ ಅಸಾಧ್ಯ! ಸಾಮಾನ್ಯವಾಗಿ ಬೇರೆ ಬೇರೆ ನಿರ್ಮಾಪಕರ ಸ್ಟಾರ್‌ ಸಿನಿಮಾಗಳನ್ನು ಒಂದೇ ದಿನ ರಿಲೀಸ್ ಮಾಡುವುದು ತೀರಾ ವಿರಳ. ಯಾಕೆಂದರೆ, ಅದರಿಂದ ಬಾಕ್ಸ್ ಆಫೀಸ್‌ ಕಲೆಕ್ಷನ್‌ಗೆ ದೊಡ್ಡ ಹೊಡೆತ ನೀಡಲಿದೆ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ, ಒಬ್ಬರೇ ನಿರ್ಮಾಣ ಮಾಡಿರುವ ಎರಡು ಬಿಗ್ ಬಜೆಟ್ ಪ್ಯಾನ್‌ ಇಂಡಿಯಾ ಸಿನಿಮಾಗಳು ಒಂದೇ ದಿನ ರಿಲೀಸ್ ಆಗಲಿವೆಯೇ? ಖಂಡಿತ ಇಲ್ಲ ಎನ್ನುವುದು ಕೇಳಿಬಂದಿರುವ ಮಾಹಿತಿ. ಸದ್ಯ 'ಕೆಜಿಎಫ್ 2' ಸಿದ್ಧವಾಗಿದ್ದು, ಅದು ಏಪ್ರಿಲ್‌ 14ರಂದು ರಿಲೀಸ್ ಆಗಲಿದೆ. 'ಸಲಾರ್‌'ಗೆ ಇನ್ನೂ ಕೆಲಸಗಳು ಬಾಕಿ ಇರುವುದರಿಂದ 'ಕೆಜಿಎಫ್ 2' ತೆರೆಕಂಡ ಬಳಿಕ, ಆ ಸಿನಿಮಾ ರಿಲೀಸ್ ಆಗುವ ಸಾಧ್ಯತೆ ಇದೆ ಎಂಬ ಮಾಹಿತಿ ಇದೆ. ಅತೀ ಶೀಘ್ರದಲ್ಲೇ 'ಸಲಾರ್‌'ಗೆ ಹೊಸ ರಿಲೀಸ್ ಡೇಟ್ ಘೋಷಣೆ ಆಗಬಹುದು.