'ರಕ್ಷಾ ಬಂಧನ'ವನ್ನು ಹೀಗೂ ಆಚರಿಸಿದ ತಾರೆಯರು: 'ವಾವ್ ಕ್ಯೂಟ್' ಎಂದ ನೆಟ್ಟಿಗರು!

ಅಣ್ಣ-ತಂಗಿಯರ ಬಾಂಧವ್ಯ ಬೆಸೆಯುವ ಹಬ್ಬ ''. ಸಹೋದರ-ಸಹೋದರಿಯ ಪ್ರೀತಿಯ ಪ್ರತೀಕವೇ 'ರಕ್ಷಾ ಬಂಧನ' ಹಬ್ಬದ ವಿಶೇಷ. 'ರಕ್ಷಾ ಬಂಧನ' ಹಬ್ಬದ ಸಂದರ್ಭದಲ್ಲಿ ಸಹೋದರಿಯರು ತನ್ನ ಸಹೋದರರಿಗೆ ಪ್ರೀತಿಯ ಶ್ರೀರಕ್ಷೆಯನ್ನು ಕಟ್ಟುವುದು ಸಂಪ್ರದಾಯ. ಆ ಮೂಲಕ ಸಹೋದರರಿಗೆ ಸಹೋದರಿಯರು ಶುಭ ಹಾರೈಸುತ್ತಾರೆ. ಸಹೋದರರ ಕೈಗೆ ಸಹೋದರಿಯರು ಕಟ್ಟುವ ರಾಖಿ ರಕ್ಷಣೆ ಮತ್ತು ಪ್ರೀತಿಯ ಸಂಕೇತ. ಇಂತಿಪ್ಪ ರಕ್ಷಾ ಬಂಧನ ಹಬ್ಬವನ್ನು ಕೆಲ ತಾರೆಯರು ವಿಶಿಷ್ಟವಾಗಿ ಆಚರಿಸಿದ್ದಾರೆ. ತಮ್ಮ ಸಹೋದರಿಯಿಂದ ನಟಿ ರಾಖಿ ಕಟ್ಟಿಸಿಕೊಂಡಿದ್ದಾರೆ. ತಮ್ಮ ಸಹೋದರಿಗೆ ನಟಿ ರಕ್ಷಾ ಬಂಧನದ ಶುಭಾಶಯಗಳನ್ನು ತಿಳಿಸಿದ್ದಾರೆ. ಇನ್ನೂ ತಮ್ಮ ಪ್ರೀತಿಯ ಶ್ವಾನಗಳಿಗೆ ರಾಖಿ ಕಟ್ಟಿ ನಟಿ ಪುತ್ರಿ ನಿಧಿ 'ರಕ್ಷಾ ಬಂಧನ' ಹಬ್ಬವನ್ನು ಆಚರಿಸಿದ್ದಾರೆ. ಮುದ್ದಿನ ಶ್ವಾನಗಳಿಗೆ ರಾಖಿ ಕಟ್ಟಿದ ನಿಧಿ ರಕ್ಷಾ ಬಂಧನ ಹಬ್ಬದ ಪ್ರಯುಕ್ತ ನಟಿ ಸುಧಾರಾಣಿ ಪುತ್ರಿ ನಿಧಿ ತಮ್ಮ ಮುದ್ದಿನ ಶ್ವಾನಗಳಿಗೆ ಆರತಿ ಮಾಡಿ, ತಿಲಕ ಇಟ್ಟು, ರಾಖಿ ಕಟ್ಟಿದ್ದಾರೆ. ಈ ವಿಡಿಯೋವನ್ನು ನಟಿ ಸುಧಾರಾಣಿ ತಮ್ಮ ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ವಾವ್ ಕ್ಯೂಟ್ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ತಾಪ್ಸಿ ಪಣ್ಣು ತಮ್ಮ ಸಹೋದರಿಯಿಂದ ರಾಖಿ ಕಟ್ಟಿಸಿಕೊಂಡು ನಟಿ ತಾಪ್ಸಿ ಪಣ್ಣು 'ರಕ್ಷಾ ಬಂಧನ' ಹಬ್ಬವನ್ನು ಆಚರಿಸಿದ್ದಾರೆ. ''ರಕ್ಷಕರಿಗೆ ಲಿಂಗ ಮುಖ್ಯವಲ್ಲ. ಹ್ಯಾಪಿ ರಕ್ಷಾ ಬಂಧನ. ನಾನು ಹಿರಿಯ ಸಹೋದರಿಯಾದ್ದರಿಂದ ನನಗೆ ರಾಖಿ ಕಟ್ಟುವಂತೆ ನಾನು ಬಲವಂತ ಮಾಡುತ್ತೇನೆ'' ಎಂದು ಇನ್ಸ್ಟಾಗ್ರಾಮ್‌ನಲ್ಲಿ ತಾಪ್ಸಿ ಪಣ್ಣು ಬರೆದುಕೊಂಡಿದ್ದಾರೆ. ಜೊತೆಗೆ ತಮ್ಮ ಸಹೋದರಿ ಶಗುನ್ ಪಣ್ಣು ಜೊತೆಗಿನ ಫೋಟೋವನ್ನೂ ಇನ್ಸ್ಟಾಗ್ರಾಮ್‌ನಲ್ಲಿ ತಾಪ್ಸಿ ಪಣ್ಣು ಹಂಚಿಕೊಂಡಿದ್ದಾರೆ. ಕಾಜಲ್ ಅಗರ್‌ವಾಲ್ ''ನಮ್ಮ ಪ್ರೀತಿ, ರಕ್ಷಣೆ ಹಾಗೂ ಒಡನಾಟದ ಬಂಧನ ಹೀಗೇ ಸಾಗಲಿ'' ಎಂದು ನಟಿ ಕಾಜಲ್ ಅಗರ್‌ವಾಲ್ ಇನ್ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡು ರಕ್ಷಾ ಬಂಧನದ ಶುಭಾಶಯಗಳನ್ನು ಸಹೋದರಿ ನಿಶಾ ಅಗರ್‌ವಾಲ್‌ಗೆ ತಿಳಿಸಿದ್ದಾರೆ. ಹಾಗೇ, ನಿಶಾ ಅಗರ್‌ವಾಲ್ ಜೊತೆಗಿರುವ ಫೋಟೋವನ್ನೂ ಕಾಜಲ್ ಅಗರ್‌ವಾಲ್ ಹಂಚಿಕೊಂಡಿದ್ದಾರೆ. ಅಣ್ಣ-ತಂಗಿಯರ ಬಾಂಧವ್ಯದ ಹಬ್ಬವನ್ನು ಅಕ್ಕ-ತಂಗಿಯರೂ ಸಂಭ್ರಮದಿಂದ ಆಚರಿಸುತ್ತಿದ್ದಾರೆ. ತಾಪ್ಸಿ ಪಣ್ಣು ಹಾಗೂ ಕಾಜಲ್ ಅಗರ್‌ವಾಲ್ ಪೋಸ್ಟ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿವೆ. ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.