ಕನ್ನಡದ ಯಾವ ಚಾನೆಲ್‌ನಲ್ಲಿ ಪ್ರಸಾರವಾಗಲಿದೆ 'RRR' ಚಿತ್ರ! ಇಲ್ಲಿದೆ ಕಂಪ್ಲೀಟ್ ರಿಪೋರ್ಟ್!
ಜೂ. ಎನ್‌ಟಿಆರ್ ಮತ್ತು ರಾಮ್ ಚರಣ್ ಅಭಿನಯದ 'ಆರ್ಆರ್ಆರ್' ಚಿತ್ರದ ಡಿಜಿಟಲ್ ಮತ್ತು ಸ್ಯಾಟಲೈಟ್ ಹಕ್ಕುಗಳು 325 ಕೋಟಿ ರೂ.ಗಳಿಗೆ ಮಾರಾಟವಾಗಿ ದಾಖಲೆ ಸೃಷ್ಟಿಯಾಗಿದೆ. ಇದೀಗ ಆ ಸಿನಿಮಾವು ಯಾವೆಲ್ಲ ಭಾಷೆಗಳಲ್ಲಿ ರಿಲೀಸ್ ಆಗಲಿದೆ ಮತ್ತು ಯಾವ ಪ್ಲಾಟ್‌ಫಾರ್ಮ್‌ಗಳಲ್ಲಿ ಪ್ರಸಾರವಾಗಲಿದೆ ಎಂಬ ಬಗ್ಗೆ ಮಾಹಿತಿ ಸಿಕ್ಕಿದೆ.
Admin
0
6
'ಬಾಹುಬಲಿ' ಸಿನಿಮಾಗಳ ನಂತರ ಇಡೀ ವಿಶ್ವವೇ ರಾಜಮೌಳಿಯತ್ತ ಕಣ್ಣಿಟ್ಟಿದೆ. ಅವರ ಮುಂದಿನ ಸಿನಿಮಾ 'ಆರ್ಆರ್ಆರ್' ಸಿನಿಮಾದ ಮೇಲೆ ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಳ್ಳಲಾಗಿದೆ. ಜೂನಿಯರ್ ಎನ್‌ಟಿಆರ್, ರಾಮ್ ಚರಣ್, ಅಜಯ್ ದೇವ್‌ಗನ್, ಆಲಿಯಾ ಭಟ್ ಹೀಗೆ ಪಾತ್ರವರ್ಗದಿಂದಲೇ ನಿರೀಕ್ಷೆಯನ್ನು ದ್ವಿಗುಣಗೊಳಿಸಿಕೊಂಡಿದೆ ಈ ಸಿನಿಮಾ. ಸದ್ಯ ಈ ಚಿತ್ರದ ಡಿಜಿಟಲ್ ಮತ್ತು ಸ್ಯಾಟಲೈಟ್ ಹಕ್ಕುಗಳ ಕುರಿತು ದೊಡ್ಡ ಚರ್ಚೆ ಆಗುತ್ತಿದೆ. ಸುಮಾರು 325 ಕೋಟಿ ರೂಪಾಯಿಗಳಿಗೆ ಚಿತ್ರದ ಡಿಜಿಟಲ್ ಮತ್ತು ಸ್ಯಾಟಲೈಟ್ ಹಕ್ಕುಗಳು ಮಾರಾಟಗೊಂಡಿವೆ. ಇದೀಗ ಆ ಕುರಿತ ಮತ್ತೊಂದಿಷ್ಟು ಅಪ್‌ಡೇಟ್ ಹೊರಬಿದ್ದಿದೆ.
ಸ್ಟಾರ್ ಸುವರ್ಣದಲ್ಲಿ 'ಆರ್ಆರ್ಆರ್'
ಬಹುಭಾಷೆಯಲ್ಲಿ ಸಿನಿಮಾ ನಿರ್ಮಾಣಗೊಂಡಿರುವುದರಿಂದ ಯಾವ ವಾಹಿನಿಯಲ್ಲಿ ಸಿನಿಮಾ ಪ್ರಸಾರವಾಗಲಿದೆ ಎಂಬ ಬಗ್ಗೆ ಮಾಹಿತಿ ಸಿಕ್ಕಿದೆ. ಸದ್ಯ ಅಕ್ಟೋಬರ್ 13ರಂದು ಚಿತ್ರವನ್ನು ತೆರೆಕಾಣಿಸೋಕೆ ಚಿತ್ರತಂಡ ನಿರ್ಧಾರ ಮಾಡಿದೆ. ಒಂದುವೇಳೆ ಆ ದಿನಾಂಕದಲ್ಲಿ ವ್ಯತ್ಯಾಸವಾದರೂ ಅಚ್ಚರಿ ಇಲ್ಲ. ಮೊದಲು ಚಿತ್ರಮಂದಿರದಲ್ಲಿ ದೊಡ್ಡಮಟ್ಟದಲ್ಲಿ ತೆರೆಗೆ ಬರಲಿರುವ ಆರ್ಆರ್ಆರ್ ಆ ಬಳಿಕ ಟಿವಿಯಲ್ಲಿ ಪ್ರಸಾರವಾಗಲಿದೆ. 'ಆರ್ಆರ್ಆರ್'ನ ಕನ್ನಡ ವರ್ಷನ್ ಸ್ಟಾರ್ ಸುವರ್ಣ ಚಾನೆಲ್‌ನಲ್ಲಿ ಪ್ರಸಾರವಾಗಲಿದೆ.
ಡಿಜಿಟಲ್ ಹಕ್ಕು ಜೀ5 & ನೆಟ್ಫ್ಲಿಕ್ಸ್ ಪಾಲಿಗೆ
'ಆರ್ಆರ್ಆರ್' ಸಿನಿಮಾದ ಓಟಿಟಿ ಹಕ್ಕಗಳು ಜೀ5 ಮತ್ತು ನೆಟ್ಫ್ಲಿಕ್ಸ್ ಪಾಲಾಗಿವೆ. ಆರ್ಆರ್ಆರ್ ಸಿನಿಮಾದ ಕನ್ನಡ, ತೆಲುಗು, ಮಲಯಾಳಂ ಮತ್ತು ತಮಿಳು ವರ್ಷನ್ ಜೀ5ರಲ್ಲಿ ಪ್ರೀಮಿಯರ್ ಆಗಲಿದೆ. ಹಿಂದಿ ವರ್ಷನ್ ಮಾತ್ರ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರೀಮಿಯರ್ ಆಗಲಿದೆ. ಉಳಿದಂತೆ, 'ಆರ್ಆರ್ಆರ್' ಚಿತ್ರದ ತೆಲುಗು ವರ್ಷನ್ ಸ್ಟಾರ್ ಮಾ, ಹಿಂದಿ ವರ್ಷನ್ ಜೀ ಸಿನಿಮಾ, ತಮಿಳು ವರ್ಷನ್ ಸ್ಟಾರ್ ವಿಜಯ್, ಮಲಯಾಳಂ ವರ್ಷನ್ ಏಷ್ಯಾ ನೆಟ್‌ನಲ್ಲಿ ಪ್ರಸಾರವಾಗಲಿದೆ.
ನೆಟ್ಫ್ಲಿಕ್ಸ್ ಪಾಲಾಯ್ತು ವಿದೇಶಿ ಭಾಷೆಗಳ ಹಕ್ಕು!
ಇನ್ನು, 'ಆರ್ಆರ್ಆರ್' ಸಿನಿಮಾವು ತೆಲುಗು, ಕನ್ನಡ, ಹಿಂದಿ, ಮಲಯಾಳಂ ಮತ್ತು ತಮಿಳು ಭಾಷೆಗಳಿಗೆ ಮಾತ್ರವಲ್ಲದೆ, ವಿದೇಶಿ ಭಾಷೆಗಳಿಗೂ ಡಬ್ ಆಗಲಿದೆ. ಹಾಗೇ ವಿದೇಶಿ ಭಾಷೆಗಳಿಗೆ ಡಬ್ ಆದ ವರ್ಷನ್ ಅನ್ನು ಪ್ರಸಾರ ಮಾಡುವ ಹಕ್ಕನ್ನು ನೆಟ್ಫ್ಲಿಕ್ಸ್ ಪಡೆದುಕೊಂಡಿದೆ. 'ಆರ್ಆರ್ಆರ್' ಚಿತ್ರವು ಇಂಗ್ಲಿಷ್, ಪೋರ್ಚುಗೀಸ್, ಕೊರಿಯನ್, ಟರ್ಕಿಷ್, ಸ್ಪ್ಯಾನಿಶ್‌ ಭಾಷೆಗಳಿಗೆ ಡಬ್ ಆಗಲಿದೆ. ಅಂದ್ಹಾಗೆ, ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲುರಿ ಸೀತಾರಾಮರಾಜು ಹಾಗೂ ಕೋಮರಾಮ್ ಭೀಮ್ ಸುತ್ತ ಹೆಣೆದಿರುವ 1920 ಕಾಲಘಟ್ಟದ ಕಥೆ 'ಆರ್ಆರ್ಆರ್' ಚಿತ್ರದಲ್ಲಿದೆ.
