ಹಣಕಾಸು ವಲಯಕ್ಕೆ 'ಸಾರ್ವಜನಿಕ ಉದ್ದಿಮೆ', ಖಾಸಗೀಕರಣಕ್ಕೆ ಮತ್ತಷ್ಟು ವೇಗ
ಸಾರ್ವಜನಿಕ ವಲಯದ ಉದ್ದಿಮೆಗಳ ಇಲಾಖೆಯನ್ನು ಕೇಂದ್ರ ಸರಕಾರ ಹಣಕಾಸು ಸಚಿವಾಲಯದ ವ್ಯಾಪ್ತಿಗೆ ತಂದಿದ್ದು, ಸಾರ್ವಜನಿಕ ಉದ್ದಿಮೆಗಳ ಖಾಸಗೀಕರಣವನ್ನು ತ್ವರಿತಗೊಳಿಸಲು ಇದರಿಂದ ಸಹಕಾರಿಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.
Admin
0
5
ಹೊಸದಿಲ್ಲಿ: ಸಾರ್ವಜನಿಕ ವಲಯದ ಉದ್ದಿಮೆಗಳ ಇಲಾಖೆಯನ್ನು (ಡಿಪಿಇ) ಹಣಕಾಸು ಸಚಿವಾಲಯದ ವ್ಯಾಪ್ತಿಗೆ ತಂದಿದೆ. ಬುಧವಾರದ ಸಂಪುಟ ವಿಸ್ತರಣೆಗೂ ಮುನ್ನ ಈ ಬೆಳವಣಿಗೆ ನಡೆದಿದೆ. ಸಾರ್ವಜನಿಕ ಉದ್ದಿಮೆಗಳ ಖಾಸಗೀಕರಣವನ್ನು ತ್ವರಿತಗೊಳಿಸಲು ಇದರಿಂದ ಸಹಕಾರಿಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.
ಹಲವು ವರ್ಷಗಳಿಂದ ಡಿಪಿಇ ಭಾರಿ ಕೈಗಾರಿಕೆ ಮತ್ತು ಇಲಾಖೆಯ ಭಾಗವಾಗಿತ್ತು. ಇದೀಗ ಡಿಪಿಇಯನ್ನು ನೇರವಾಗಿ ಹಣಕಾಸು ಇಲಾಖೆಯ ನಿಯಂತ್ರಣ ವ್ಯಾಪ್ತಿಗೆ ತರಲಾಗಿದೆ.
ಈ ಬದಲಾವಣೆಯೊಂದಿಗೆ ಹಣಕಾಸು ಸಚಿವಾಲಯವು ವೆಚ್ಚ, ಕಂದಾಯ, ಆರ್ಥಿಕ ವ್ಯವಹಾರ, ಹಣಕಾಸು ಸೇವೆ, ಸಾರ್ವಜನಿಕ ಉದ್ದಿಮೆ, ಸಾರ್ವಜನಿಕ ಹೂಡಿಕೆ ಮತ್ತು ಆಸ್ತಿ ನಿರ್ವಹಣೆ ಇಲಾಖೆಯನ್ನು ಹೊಂದಿದಂತೆ ಆಗಿದೆ.
ಸಾರ್ವಜನಿಕ ವಲಯದ ಉದ್ದಿಮೆಗಳ ಇಲಾಖೆ ವ್ಯಾಪ್ತಿಗೆ 36 ಸಾರ್ವಜನಿಕ ಉದ್ದಿಮೆಗಳು ಬರುತ್ತವೆ. ಇವುಗಳು ಹಾಗೂ ಈ ಕಂಪನಿಗಳ ಸಬ್ಸಿಡರಿಗಳಿಗೆ ಸಂಬಂಧಿಸಿದ ನೀತಿ ನಿರೂಪಣೆ, ಉತ್ಪಾದನೆಯ ಮೇಲುಸ್ತುವಾರಿ ಇದೀಗ ನೇರವಾಗಿ ವ್ಯಾಪ್ತಿಗೆ ಬರಲಿದೆ. ಈಗಾಗಲೇ ಈ ವಲಯದಲ್ಲಿ ಕೇಂದ್ರ ಸರಕಾರ ತನ್ನ ಹೂಡಿಕೆಯನ್ನು ಹಿಂತೆಗೆದುಕೊಳ್ಳಲು ಆರಂಭಿಸಿದ್ದು, ಈ ಬೆಳವಣಿಗೆ ಬಳಿಕ ಇದು ಮತ್ತಷ್ಡು ವೇಗ ಪಡೆದುಕೊಳ್ಳಲಿದೆ.
