ಟಿಸಿಎಸ್‌ ಈಗ $200 ಬಿಲಿಯನ್‌ ಮಾರ್ಕೆಟ್‌ ಕ್ಯಾಪ್‌ ದಾಖಲಿಸಿದ ದೇಶದ ಮೊದಲ ಕಂಪನಿ!

ಭಾರತದ ಅತಿ ದೊಡ್ಡ ಸಾಫ್ಟ್‌ವೇರ್‌ ರಫ್ತುದಾರ ಕಂಪನಿಯಾಗಿರುವ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ (ಟಿಸಿಎಸ್‌) ಇದೀಗ 200 ಬಿಲಿಯನ್‌ ಡಾಲರ್‌ ಮಾರುಕಟ್ಟೆ ಬಂಡವಾ ಮೌಲ್ಯದ ಮೈಲುಗಲ್ಲು ದಾಖಲಿಸಿದ ಭಾರತದ ಮೊಟ್ಟ ಮೊದಲ ಕಂಪನಿಯಾಗಿ ಹೊರಹೊಮ್ಮಿದೆ.

ಟಿಸಿಎಸ್‌ ಈಗ $200 ಬಿಲಿಯನ್‌ ಮಾರ್ಕೆಟ್‌ ಕ್ಯಾಪ್‌ ದಾಖಲಿಸಿದ ದೇಶದ ಮೊದಲ ಕಂಪನಿ!
Linkup
ಹೊಸದಿಲ್ಲಿ: ಭಾರತದ ಅತಿ ದೊಡ್ಡ ಸಾಫ್ಟ್‌ವೇರ್‌ ರಫ್ತುದಾರ ಕಂಪನಿಯಾಗಿರುವ () ಇದೀಗ 200 ಬಿಲಿಯನ್‌ ಡಾಲರ್‌ ಮಾರುಕಟ್ಟೆ ಬಂಡವಾಳ ಮೌಲ್ಯದ ಮೈಲುಗಲ್ಲು ದಾಖಲಿಸಿದ ಭಾರತದ ಮೊಟ್ಟ ಮೊದಲ ಕಂಪನಿಯಾಗಿ ಹೊರಹೊಮ್ಮಿದೆ. ಈ ಸಾಧನೆ ಕುರಿತ ವಿವರ ಇಲ್ಲಿದೆ. ಏನಿದು 200 ಬಿಲಿಯನ್‌ ಡಾಲರ್‌ ಕಂಪನಿ? ಷೇರು ಮಾರುಕಟ್ಟೆಯಲ್ಲಿ ಟಿಸಿಎಸ್‌ನ ಷೇರುಗಳ ಒಟ್ಟು ಮಾರುಕಟ್ಟೆ ಬಂಡವಳ ಮೌಲ್ಯ 200 ಶತಕೋಟಿ ಡಾಲರ್‌ ದಾಟಿದೆ. ಅಂದರೆ ಅಂದಾಜು 14.80 ಲಕ್ಷ ಕೋಟಿ ರೂ. 3.5 ವರ್ಷಗಳಲ್ಲಿ ಸಾಧನೆ: ಟಾಟಾ ಸಮೂಹದ ಟಿಸಿಎಸ್‌ 1968ರಲ್ಲಿ ಸ್ಥಾಪನೆಯಾದ ತಂತ್ರಜ್ಞಾನ ಕಂಪನಿ. 2004ರಲ್ಲಿ ಷೇರು ಮಾರುಕಟ್ಟೆಯಲ್ಲಿ ನೋಂದಣಿಯಾಗಿತ್ತು. 13.5 ವರ್ಷಗಳ ಅವಧಿಯಲ್ಲಿ 100 ಬಿಲಿಯನ್‌ ಡಾಲರ್‌ ಕಂಪನಿಯಾಗಿತ್ತು. ಕೇವಲ 3.5 ವರ್ಷಗಳಲ್ಲಿ 200 ಬಿಲಿಯನ್‌ ಡಾಲರ್‌ ಮೈಲುಗಲ್ಲನ್ನೂ ಕ್ರಮಿಸಿದೆ. ಹೂಡಿಕೆದಾರರು ಕಂಪನಿಯ ಬೆಳವಣಿಗೆ ಮೇಲೆ ಇಟ್ಟಿರುವ ವಿಶ್ವಾಸವನ್ನು ಇದು ಬಿಂಬಿಸಿದೆ ಎನ್ನುತ್ತಾರೆ ತಜ್ಞರು. ಪ್ರತಿಸ್ಪರ್ಧಿ ಕಂಪನಿಗಳ ಮೌಲ್ಯ ಟಿಸಿಎಸ್‌ನ ಜಾಗತಿಕ ಮಟ್ಟದ ಪ್ರತಿಸ್ಪರ್ಧಿ ಕಂಪನಿ ಅಕ್ಸೆಂಚರ್‌ 216 ಶತಕೋಟಿ ಡಾಲರ್‌ ಮಾರುಕಟ್ಟೆ ಬಂಡವಾಳ ಮೌಲ್ಯವನ್ನು ಹೊಂದಿದೆ. ಐಬಿಎಂ 122 ಶತಕೋಟಿ ಡಾಲರ್‌, ಇನ್ಫೋಸಿಸ್‌ 99 ಶತಕೋಟಿ ಡಾಲರ್‌ ಮೌಲ್ಯವನ್ನು ಹೊಂದಿದೆ. 5 ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳು: ಟಿಸಿಎಸ್‌ ಮುಂಬಯಿನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದೆ. ಚೆನ್ನೆತ್ರೖನಲ್ಲಿ ಅತಿ ದೊಡ್ಡ ಕ್ಯಾಂಪಸ್‌ ಅನ್ನು ಹೊಂದಿದೆ. 46 ರಾಷ್ಟ್ರಗಳಲ್ಲಿ 149 ಸ್ಥಳಗಳಲ್ಲಿ ಕಚೇರಿಗಳಿವೆ. ಪ್ರಸ್ತುತ ಸಿಇಒ ಆಗಿ ರಾಜೇಶ್‌ ಗೋಪಿನಾಥನ್‌ ಅವರು ಸೇವೆ ಸಲ್ಲಿಸುತ್ತಿದ್ದಾರೆ. ಟಿಸಿಎಸ್‌ನಲ್ಲಿ ಶೇ.72ಕ್ಕೂ ಹೆಚ್ಚಿನ ಷೇರುಗಳನ್ನು ಟಾಟಾ ಸನ್ಸ್‌ ಒಳಗೊಂಡಿದೆ. ಟಾಟಾ ಸನ್ಸ್‌ನ ಡಿವಿಡೆಂಡ್‌ ನಲ್ಲಿ ಶೇ.70ಕ್ಕೂ ಹೆಚ್ಚು ಪಾಲು ಟಿಸಿಎಸ್‌ನಿಂದ ಸಿಗುತ್ತಿದೆ. 5 ಲಕ್ಷಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಕಂಪನಿ ಹೊಂದಿದೆ. ಪಾಸ್‌ಪೋರ್ಟ್‌ ಸೇವೆ: ಭಾರತದಲ್ಲಿ ಪಾಸ್‌ಪೋರ್ಟ್‌ ಸೇವಾ ಯೋಜನೆಯನ್ನು ಸಾರ್ವಜನಿಕ-ಖಾಸಗಿ ಸಹಭಾಗಿತ್ವದಲ್ಲಿ ನಿರ್ವಹಿಸಲಾಗುತ್ತಿದ್ದು, ಟಿಸಿಎಸ್‌ 2008ರಿಂದ ಖಾಸಗಿ ಸಹಭಾಗಿತ್ವವನ್ನು ನಿರ್ವಹಿಸುತ್ತಿದೆ. ಭಾರತದ ಟಾಪ್‌ 5 ಐಟಿ ಕಂಪನಿಗಳು 1. ಟಾಟಾ ಕನ್ಸಕ್ಟೆನ್ಸಿ ಸರ್ವೀಸ್‌ 2. ಇನ್ಫೋಸಿಸ್‌ 3. ಎಚ್‌ಸಿಎಲ್‌ ಟೆಕ್ನಾಲಜೀಸ್‌ 4. ವಿಪ್ರೊ 5. ರೆಡಿಂಗ್ಟನ್‌ ಇಂಡಿಯಾ