ರಾಜ್ಯ ಸಾರಿಗೆ ನೌಕರರಿಗೆ ಏಪ್ರಿಲ್‌ನಲ್ಲಿ 37% ಸಂಬಳ ಕಟ್‌, ಮೇನಲ್ಲೂ ಕಡಿತ ಸಾಧ್ಯತೆ
ಸಾರಿಗೆ ನಿಗಮಗಳ ನೌಕರರ ಏಪ್ರಿಲ್‌, ಮೇ ತಿಂಗಳ ವೇತನಕ್ಕೆ ಸರಕಾರ 325 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿದ್ದು, ಏಪ್ರಿಲ್‌ ತಿಂಗಳಿಗೆ ಶೇ.50ರಷ್ಟು ಅನುದಾನ ಮಾತ್ರ ನೀಡಿದೆ. ಹೀಗಾಗಿ ನಿವ್ವಳ ವೇತನದ ಶೇ.63 ರಷ್ಟನ್ನು ಮಾತ್ರ ಪಾವತಿಸಲು ನಿರ್ಧರಿಸಲಾಗಿದೆ.
Admin
0
6
ಬೆಂಗಳೂರು: ಸಾರಿಗೆ ನಿಗಮಗಳ ಅಧಿಕಾರಿ, ನೌಕರರ ಏಪ್ರಿಲ್‌, ಮೇ ತಿಂಗಳ ವೇತನಕ್ಕೆ ಸರಕಾರ 325 ಕೋಟಿ ರೂ. ಅನುದಾನ ಬಿಡುಗಡೆ ಮಾಡಿದೆ. ಏಪ್ರಿಲ್‌ ತಿಂಗಳಿಗೆ ಶೇ.50ರಷ್ಟು ಅನುದಾನ ನೀಡಿರುವ ಹಿನ್ನೆಲೆಯಲ್ಲಿ ನಿವ್ವಳ ವೇತನದ ಶೇ.63 ರಷ್ಟನ್ನು ಪಾವತಿಸಲು ನಿರ್ಧರಿಸಲಾಗಿದೆ.
ಸರಕಾರ ಏಪ್ರಿಲ್‌ ತಿಂಗಳಿನಲ್ಲಿ 15 ದಿನಗಳ ವೇತನಕ್ಕೆ ಕೇವಲ 81.25 ಕೋಟಿ ರೂ.ಗಳನ್ನು ಒದಗಿಸಿದೆ. ಹಾಗಾಗಿ, ಸಾರಿಗೆ ಸಂಸ್ಥೆಗಳು ನೌಕರರಿಗೆ ನಿವ್ವಳ ವೇತನದಲ್ಲಿ ಶೇ.37ರಷ್ಟು ಕತ್ತರಿ ಹಾಕಿ, ಪಾವತಿಸಲು ತೀರ್ಮಾನಿಸಿವೆ. 6ನೇ ವೇತನ ಆಯೋಗದ ಶಿಫಾರಸು ಜಾರಿಗೆ ಒತ್ತಾಯಿಸಿ ನಾಲ್ಕೂ ನಿಗಮಗಳ ನೌಕರರು ಏ.8 ರಿಂದ 21ರವರೆಗೆ ಮುಷ್ಕರ ಹೂಡಿದ್ದರು. ಈ ವೇಳೆ ಕರ್ತವ್ಯಕ್ಕೆ ಗೈರಾಗಿದ್ದವರಿಗೆ ಕೇವಲ 15 ದಿನಗಳ ಅವಧಿಯ ವೇತನವನ್ನಷ್ಟೇ ನೀಡಲಾಗುತ್ತಿದೆ.
ಅದರಲ್ಲೂ 15 ದಿನಗಳ ಒಟ್ಟು ವೇತನದಲ್ಲಿ ಶೇ.63ರಷ್ಟು ಅಂದರೆ, 8 ದಿನಗಳ ಸಂಬಳವನ್ನು ಮಾತ್ರ ಪಾವತಿಸಲಾಗುತ್ತದೆ. ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳದೆ ಕೆಲಸಕ್ಕೆ ಹಾಜರಾಗಿದ್ದವರಿಗೂ ಶೇ.63 ರಷ್ಟು ವೇತನ ನೀಡಲು ನಿರ್ಧರಿಸಲಾಗಿದೆ.
ಮೇ ತಿಂಗಳಿಗೆ ಶೇ.75ರಷ್ಟು ಅಂದರೆ, 243.75 ಕೋಟಿ ರೂ. ಅನುದಾನವನ್ನು ಬಿಡುಗಡೆ ಮಾಡಲಾಗಿದ್ದು, ಆಗಲೂ ಮಾಡುವ ಸಾಧ್ಯತೆಗಳಿವೆ. , , ವಾಯವ್ಯ ಮತ್ತು ಈಶಾನ್ಯ ಸಾರಿಗೆ ಸಂಸ್ಥೆಯ 1.25 ಲಕ್ಷ ಅಧಿಕಾರಿ, ಸಿಬ್ಬಂದಿಯ ವೇತನಕ್ಕೆ ತಿಂಗಳಿಗೆ 324 ಕೋಟಿ ರೂ. ಅಗತ್ಯವಿದೆ.
2020ರ ಏಪ್ರಿಲ್‌ನಿಂದ ನವೆಂಬರ್‌ವರೆಗೂ ಸರಕಾರವೇ ಅನುದಾನ ಕೊಟ್ಟಿತ್ತು. ಆನಂತರ ಡಿಸೆಂಬರ್‌ನಿಂದ ಮಾರ್ಚ್‌ವರೆಗೆ ಸಾರಿಗೆ ಸಂಸ್ಥೆಗಳು ತಮ್ಮ ಸ್ವಂತ ಸಂಪನ್ಮೂಲದಲ್ಲಿ ವೇತನ ವೆಚ್ಚವನ್ನು ಭರಿಸಿದ್ದವು.
