‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿ ಸುಬ್ಬುಲಕ್ಷ್ಮಿ ಆದ ಸುಮನ್ ರಂಗನಾಥ್
ವಿಜಯ್ ಪ್ರಸಾದ್ ನಿರ್ದೇಶನ ಮಾಡಿರುವ ‘ಸಿದ್ಲಿಂಗು’, ‘ನೀರ್‌ ದೋಸೆ’, ‘ತೋತಾಪುರಿ’ ಸಿನಿಮಾಗಳಲ್ಲಿ ಸುಮನ್ ರಂಗನಾಥ್ ನಟಿಸಿದ್ದಾರೆ. ಈಗ ‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿಯೂ ನಟಿಸುವ ಮೂಲಕ ಅವರಿಬ್ಬರ ಕಾಂಬಿನೇಷನ್‌ ಮುಂದುವರಿದಿದೆ.
Admin
0
6
ಹರೀಶ್‌ ಬಸವರಾಜ್‌
ನೀನಾಸಂ ಸತೀಶ್‌ () ಮತ್ತು ವಿಜಯ್ ಪ್ರಸಾದ್ () ಕಾಂಬಿನೇಷನ್‌ನ ‘ಪೆಟ್ರೋಮ್ಯಾಕ್ಸ್’ (Petromax) ಸಿನಿಮಾಗೆ ಹೊಸ ಕಲಾವಿದರ ಆಗಮನವಾಗಿದ್ದು, ಆ ಬಗೆಗಿನ ವಿವರ ಇಲ್ಲಿದೆ.
ನೀನಾಸಂ ಸತೀಶ್‌, () ನಟಿಸಿರುವ ‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿ ಹಲವು ಕಲಾವಿದರು ನಟಿಸಿದ್ದಾರೆ. ಇನ್ನೇನು ಸಿನಿಮಾ ಬಿಡುಗಡೆಯಾಗುತ್ತಿದೆ ಎನ್ನುವ ಹೊತ್ತಿಗೆ ‘ಪೆಟ್ರೊಮ್ಯಾಕ್ಸ್‌’ ತಂಡಕ್ಕೆ ಅತಿಥಿ ಕಲಾವಿದೆಯಾಗಿ ನಟಿ ಸುಮನ್ ರಂಗನಾಥ್ ಎಂಟ್ರಿಯಾಗಿದ್ದಾರೆ.
ವಿಜಯ್ ಪ್ರಸಾದ್ ನಿರ್ದೇಶನ ಮಾಡಿರುವ ‘ಸಿದ್ಲಿಂಗು’, ‘ನೀರ್‌ ದೋಸೆ’, ‘ತೋತಾಪುರಿ’ ಸಿನಿಮಾಗಳಲ್ಲಿ ಸುಮನ್ ರಂಗನಾಥ್ () ನಟಿಸಿದ್ದಾರೆ. ಈಗ ‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿಯೂ ನಟಿಸುವ ಮೂಲಕ ಅವರಿಬ್ಬರ ಕಾಂಬಿನೇಷನ್‌ ಮುಂದುವರಿದಿದೆ.
‘ಸುಮನ್ ರಂಗನಾಥ್ ‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿ ಸುಬ್ಬುಲಕ್ಷ್ಮಿ ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದುರ್ಗ ಮೂಲದ ಮಹಿಳೆಯ ಪಾತ್ರ ಇದಾಗಿದ್ದು, ಒಂದೇ ಒಂದು ಹಾಡಿನಲ್ಲಿ ಬಂದು ಹೋಗುತ್ತಾರೆ. ವೃದ್ಧಾಶ್ರಮದಲ್ಲಿ ವಿಜಯಲಕ್ಷ್ಮೀ ಸಿಂಗ್‌ ಅವರ ಜತೆಗಿನ ಸೀನ್‌ಗಳಿರುತ್ತವೆ. ಗುರುವಾರದಿಂದ ಚಿತ್ರೀಕರಣ ಆರಂಭವಾಗಿದೆ’ ಎಂದು ಮಾಹಿತಿ ನೀಡಿದ್ದಾರೆ ನಿರ್ದೇಶಕ ವಿಜಯ್ ಪ್ರಸಾದ್.
‘ಸುಮನ್ ರಂಗನಾಥ್ ಈ ಸಿನಿಮಾದಲ್ಲಿ ಕಂಪ್ಲೀಟ್‌ ಡಿಗ್ಲಾಮರ್‌ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರೊಬ್ಬ ಅತ್ಯುತ್ತಮ ಕಲಾವಿದೆ. ಅವರಿಗೆ ಒಂದೇ ರೀತಿಯ ಪಾತ್ರಗಳು ಸಿಗುತ್ತವೆ. ಅದನ್ನು ಬ್ರೇಕ್‌ ಮಾಡಬೇಕು ಎಂಬ ಉದ್ದೇಶದಿಂದ ಬೇರೆ ರೀತಿಯ ಪಾತ್ರ ಬರೆದಿದ್ದೇನೆ. ಯಾವುದೇ ಪಾತ್ರ ಕೊಟ್ಟರೂ ಅವರು ಜಸ್ಟಿಫೈ ಮಾಡುತ್ತಾರೆ’ ಎನ್ನುತ್ತಾರೆ ನಿರ್ದೇಶಕ .
‘ನಟಿ ಸುಮನ್ ರಂಗನಾಥ್ ನಮ್ಮ ‘ಪೆಟ್ರೋಮ್ಯಾಕ್ಸ್’ ಸಿನಿಮಾದಲ್ಲಿ ಬಹಳ ಒಳ್ಳೆಯ ಪಾತ್ರ ಮಾಡುತ್ತಿದ್ದಾರೆ. ಅವರ ಕಾಸ್ಟ್ಯೂಮ್‌, ಲುಕ್‌ ಎಲ್ಲವೂ ಹಿಂದಿನ ಸಿನಿಮಾಗಿಂತಲೂ ವಿಭಿನ್ನವಾಗಿವೆ’ ಎಂದು ನಿರ್ದೇಶಕ ವಿಜಯ್ ಪ್ರಸಾದ್ ಹೇಳಿದ್ದಾರೆ.
ಮಾಡೆಲ್ ಕಮ್ ನಟಿ ಸುಮನ್ ರಂಗನಾಥ್ ಕನ್ನಡ, ಬೆಂಗಾಲಿ, ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ಚಿತ್ರಗಳಲ್ಲೂ ಅಭಿನಯಿಸಿದ್ದಾರೆ. 1989ರಲ್ಲಿ ತೆರೆಕಂಡ ಸಿಬಿಐ ಶಂಕರ್ ಸಿನಿಮಾದ ಮೂಲಕ ಬಣ್ಣದ ಪ್ರಪಂಚಕ್ಕೆ ನಟಿ ಸುಮನ್ ರಂಗನಾಥ್ ಕಾಲಿಟ್ಟರು. ಶಂಕರ್ ನಾಗ್ ನಟನೆಯ ಸಿಬಿಐ ಶಂಕರ್ ಸೂಪರ್ ಹಿಟ್ ಆಗುತ್ತಿದ್ದಂತೆಯೇ, ಸುಮನ್ ರಂಗನಾಥ್‌ಗೆ ಅವಕಾಶಗಳು ಹುಡುಕಿಕೊಂಡು ಬರಲಾರಂಭಿಸಿದವು. ‘ಬಾಳಾ ಹೊಂಬಾಳೆ’, ‘ಡಾಕ್ಟರ್ ಕೃಷ್ಣ’, ‘ಸಂತ ಶಿಶುನಾಳ ಶರೀಫ’, ‘ನಮ್ಮೂರ ಹಮ್ಮೀರ’, ‘ಕೆಂಪು ಸೂರ್ಯ’ ಮುಂತಾದ ಕನ್ನಡ ಚಿತ್ರಗಳಲ್ಲಿ ಸುಮನ್ ರಂಗನಾಥ್ ನಟಿಸಿದರು. ಬಳಿಕ ಟಾಲಿವುಡ್, ಮಾಲಿವುಡ್ ಹಾಗೂ ಕಾಲಿವುಡ್‌ನಲ್ಲಿ ಸುಮನ್ ರಂಗನಾಥ್ ಮಿಂಚಲು ಆರಂಭಿಸಿದರು. ‘ಫರೇಬ್’ ಸಿನಿಮಾದ ಮೂಲಕ ನಟಿ ಸುಮನ್ ರಂಗನಾಥ್ ಬಾಲಿವುಡ್‌ಗೂ ಕಾಲಿಟ್ಟರು. ಲಾಂಗ್ ಗ್ಯಾಪ್‌ನ ಬಳಿಕ ‘ಬಿಂದಾಸ್’ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಸುಮನ್ ರಂಗನಾಥ್ ವಾಪಸ್ ಆದರು. ನಂತರ ‘ಬುದ್ಧಿವಂತ’, ‘ಸವಾರಿ’, ‘ಸಿದ್ಲಿಂಗು’, ‘ಶಿವ’, ‘ಮೈನಾ’, ‘ಕವಲುದಾರಿ’, ‘ದಂಡುಪಾಳ್ಯ 4’ ಚಿತ್ರಗಳಲ್ಲಿ ಸುಮನ್ ರಂಗನಾಥ್ ಕಾಣಿಸಿಕೊಂಡರು.
