ಜನವರಿ-ಮಾರ್ಚ್‌ನಲ್ಲಿ ಷೇರು ಮಾರುಕಟ್ಟೆ ಪ್ರವೇಶಿಸಿದ 22 ಕಂಪನಿಗಳು, 18,250 ಕೋಟಿ ರೂ. ಸಂಗ್ರಹ
ಜನವರಿ - ಮಾರ್ಚ್‌ ಅವಧಿಯಲ್ಲಿ ಒಟ್ಟು 22 ಕಂಪನಿಗಳು ದೇಶದಲ್ಲಿ ಐಪಿಒ ಮೂಲಕ ಷೇರು ಮಾರುಕಟ್ಟೆಯನ್ನು ಪ್ರವೇಶಿಸಿದ್ದು, ಒಟ್ಟು ಬರೋಬ್ಬರಿ 18,250 ಕೋಟಿ ರೂ. ಗಳಿಸಿವೆ. ಈ ಐಪಿಒ ಟ್ರೆಂಡ್‌ ಮುಂದುವರಿಯುವ ಸಾಧ್ಯತೆ ಇದೆ.
Admin
0
6
ಹೊಸದಿಲ್ಲಿ: ಕಳೆದ ಜನವರಿ - ಮಾರ್ಚ್‌ ಅವಧಿಯಲ್ಲಿ 22 ಕಂಪನಿಗಳು ಮೂಲಕ ಷೇರು ಮಾರುಕಟ್ಟೆಯನ್ನು ಪ್ರವೇಶಿಸಿವೆ. ಈ ಐಪಿಒಗಳಲ್ಲಿ ಕಂಪನಿಗಳು ಒಟ್ಟು ಬರೋಬ್ಬರಿ 18,250 ಕೋಟಿ ರೂ. ಗಳಿಸಿವೆ. ಈ ಐಪಿಒ ಟ್ರೆಂಡ್‌ ಈ ವರ್ಷ ಪೂರ್ತಿ ಮುಂದುವರಿಯುವ ಸಾಧ್ಯತೆ ಇದೆ.
ಕಾರ್ಪೊರೇಟ್‌ ವಲಯದ ಕಂಪನಿಗಳು ಬಂಡವಾಳ ಸಂಗ್ರಹಕ್ಕಾಗಿ ಷೇರು ಮಾರುಕಟ್ಟೆಯನ್ನು ಅವಲಂಬಿಸುವ ಪ್ರವೃತ್ತಿ ಹೆಚ್ಚುತ್ತಿರುವುದನ್ನು ಇದು ಬಿಂಬಿಸಿದೆ.
ಕನ್‌ಸ್ಯೂಮರ್‌ ಪ್ರಾಡಕ್ಸ್ಟ್‌, ರಿಟೇಲ್‌, ಆಟೊಮೋಟಿವ್‌, ಸಾರಿಗೆ ವಲಯದಲ್ಲಿ ಅತಿ ಹೆಚ್ಚಿನ ಐಪಿಒಗಳು ಸಂಭವಿಸಿವೆ. ಭಾರಿ ಉದ್ದಿಮೆಗಳು ಮತ್ತು ಸಣ್ಣ ಮತ್ತು ಮಧ್ಯಮ ವಲಯದ ಕಂಪನಿಗಳು ಷೇರು ಮಾರುಕಟ್ಟೆಯನ್ನು ಪ್ರವೇಶಿಸಿವೆ. ಏಪ್ರಿಲ್‌ - ಜೂನ್‌ ತ್ರೈಮಾಸಿಕದಲ್ಲೂ ಐಪಿಒ ಹೆಚ್ಚಳವಾಗುವ ಸಾಧ್ಯತೆ ಇದೆ.
2020ನೇ ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕದಲ್ಲಿ 1 ಬೃಹತ್‌ ಐಪಿಒ ಪ್ರವೇಶಿಸಿದ್ದರೆ, 2021ರ ಮೊದಲ ತ್ರೈಮಾಸಿಕದಲ್ಲಿ ಬರೋಬ್ಬರಿ 17 ಬೃಹತ್‌ ಕಂಪನಿಗಳು ಷೇರು ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿವೆ. 2020ರ 4ನೇ ತ್ರೈಮಾಸಿಕದಲ್ಲಿ 10 ದೊಡ್ಡ ಕಂಪನಿಗಳು ಐಪಿಒ ಪ್ರವೇಶಿಸಿದ್ದವು.
ಮೊದಲ ತ್ರೈಮಾಸಿಕದಲ್ಲಿ ಭಾರತೀಯ ರೈಲ್ವೆ ಫೈನಾನ್ಸ್‌ ಕಾರ್ಪ್‌ನ ಐಪಿಒ ಅತಿ ದೊಡ್ಡದಾಗಿತ್ತು. ಭಾರತೀಯ ರೈಲ್ವೆ ಫೈನಾನ್ಸ್‌ ಕಾರ್ಪ್‌ ಐಪಿಒ ಮೂಲಕ 4,787 ಕೋಟಿ ರೂ. ಸಂಗ್ರಹಿಸಿತ್ತು. ಆನ್‌ಲೈನ್‌ ಆಹಾರ ವಲಯದ ಜೊಮ್ಯಾಟೊ ಈ ವರ್ಷ ಐಪಿಒಗೆ ಸಜ್ಜಾಗುತ್ತಿದೆ.
