'ಗರುಡ ಗಮನ ವೃಷಭ ವಾಹನ' ಡಬ್ಬಿಂಗ್ & ರಿಮೇಕ್ ಹಕ್ಕುಗಳಿಗೆ ಭಾರಿ ಬೇಡಿಕೆ! ರಾಜ್ ಬಿ. ಶೆಟ್ಟಿ ಹೇಳಿದ್ದೇನು?
ವೀಕ್ಷಕರಿಂದ, ವಿಮರ್ಶಕರಿಂದ ಉತ್ತಮ ರೆಸ್ಪಾನ್ಸ್ ಪಡೆದುಕೊಂಡಿರುವ 'ಗರುಡ ಗಮನ ವೃಷಭ ವಾಹನ' ಚಿತ್ರಕ್ಕೆ ಪರಭಾಷೆಯಿಂದಲೂ ಬೇಡಿಕೆ ಬರುತ್ತಿದೆ. ಚಿತ್ರದ ಡಬ್ಬಿಂಗ್ ಮತ್ತು ರಿಮೇಕ್ ಹಕ್ಕುಗಳನ್ನು ನೀಡುವಂತೆ ಕೋರಿ ಹಲವರು ಮುಂದೆ ಬಂದಿದ್ದಾರಂತೆ!
Admin
0
7
ವಿಭಿನ್ನ ಚಿತ್ರಕಥೆಯುಳ್ಳ '' ಚಿತ್ರದ ಡಬ್ಬಿಂಗ್ ರೈಟ್ಸ್‌ಗೆ ಬೇರೆ ಬೇರೆ ಭಾಷೆಗಳಿಂದ ಬೇಡಿಕೆ ಬರುತ್ತಿದೆ. ತೆಲುಗು, ತಮಿಳು ಸೇರಿದಂತೆ ಅನ್ಯ ಭಾಷೆಯವರು ರಿಮೇಕ್, ಸ್ಟೋರಿ ರೈಟ್ಸ್ ಕೊಡುವಂತೆ ಬಗ್ಗೆ ಮಾತನಾಡುತ್ತಿದ್ದಾರೆ. ಈ ವಾರದಲ್ಲಿ ಅಂತಿಮ ನಿರ್ಧಾರಕ್ಕೆ ಬರುತ್ತೇವೆ' ಎಂದು ಚಿತ್ರದ ನಿರ್ದೇಶಕ/ನಟ ತಿಳಿಸಿದ್ದಾರೆ.
ಉಡುಪಿಯ ಕಲ್ಪನಾ ಥಿಯೇಟರ್‌ಗೆ ಶನಿವಾರ (ನ.27) ಆಗಮಿಸಿದ್ದ ರಾಜ್ ಬಿ. ಶೆಟ್ಟಿ, ಚಿತ್ರಕ್ಕೆ ಸಿಕ್ಕ ಸಕ್ಸಸ್ ಬಗ್ಗೆ ಮಾತನಾಡಿದರು. 'ರಾಜ್ಯದ ಹೊರಗಡೆಯೂ ಚಿತ್ರಕ್ಕೆ ಒಳ್ಳೆಯ ಸ್ಪಂದನೆ ಇದೆ. ಹೀರೋಯಿನ್, ಪಂಚ್ ಡೈಲಾಗ್ ಇಲ್ಲದೇ, ಮಂಗಳೂರು ಸುತ್ತಮುತ್ತಲೂ ಮಾಡಿರುವ ಗ್ಯಾಂಗ್‌ಸ್ಟರ್ ಚಿತ್ರವನ್ನು ಜನ ಹೇಗೆ ಒಪ್ಪಿಕೊಂಡಿದ್ದಾರೆ ಎಂಬುದೇ ಖುಷಿ. ನಾವು ಬಹಳಷ್ಟು ಕಷ್ಟಪಟ್ಟು ಪರಿಶ್ರಮ ಹಾಕಿ ಚಿತ್ರ ಮಾಡುತ್ತೇವೆ. ಕೆಲ ವ್ಯಕ್ತಿಗಳು ಪೈರಸಿ ಮಾಡಿಬಿಟ್ಟಿದ್ದಾರೆ. ಚಿತ್ರ ಬಿಡುಗಡೆಗೆ ಮುನ್ನವೇ ನಾವು ಕಾನೂನು ರೀತಿಯಲ್ಲಿ ಎಲ್ಲಾ ಸಿದ್ಧತೆಗಳನ್ನು ಮಾಡಿದ್ದೇವೆ. ಸಿನಿಮಾ ಪ್ರೀತಿಸುವವರು ಥಿಯೇಟರ್‌ಗೆ ಹೋಗಿ ಚಿತ್ರ ನೋಡುತ್ತಾರೆ ಅಂದುಕೊಂಡಿದ್ದೇವೆ. ಪೈರಸಿ ಬಗ್ಗೆ ನಾವು ಆಲೋಚನೆ ಮಾಡಲ್ಲ. ನಾವು ಕೆಲಸ ಮಾಡಿದ್ದೇವೆ. ವೀಕ್ಷಕರನ್ನು ನಂಬಿದ್ದೇವೆ. ದಯವಿಟ್ಟು ಪೈರಸಿ ಚಿತ್ರಗಳನ್ನು ನೋಡಬೇಡಿ. ಥಿಯೇಟರ್‌ಗೆ ಬಂದು ನಮ್ಮ ಶ್ರಮಕ್ಕೆ ಬೆಲೆ ಕೊಡಿ. ಬೆಳೆ ಇದ್ದಾಗ ಕಳೆ ಸಾಮಾನ್ಯ' ಎಂದು ರಾಜ್ ಬಿ. ಶೆಟ್ಟಿ ಹೇಳಿದ್ದಾರೆ.
ಚಿತ್ರದ ಮತ್ತೋರ್ವ ಹೀರೋ ರಿಷಬ್ ಶೆಟ್ಟಿ ಮಾತನಾಡಿ, 'ಚಿತ್ರಕ್ಕೆ ಅದ್ಭುತ ಸ್ಪಂದನೆ ಸಿಕ್ಕಿದೆ. ಎರಡನೇ ವಾರದಲ್ಲಿ ಥಿಯೇಟರ್‌ಗಳ ಸಂಖ್ಯೆ ಜಾಸ್ತಿಯಾಗಿದೆ. ರಾಜ್ಯ ಮಾತ್ರವಲ್ಲ ದೇಶದ ಬೇರೆ ಬೇರೆ ರಾಜ್ಯಗಳಲ್ಲೂ ಚಿತ್ರ ತೆರೆಕಾಣುತ್ತಿದೆ. ಬೇರೆ ರಾಜ್ಯಗಳಲ್ಲಿ ರಿಲೀಸ್ ಆಗಿ ಹೌಸ್‍ಪುಲ್ ಆಗುವುದು ನಿಜಕ್ಕೂ ಗ್ರೇಟ್. ಮೈಸೂರು, ಬೆಂಗಳೂರು, ಕರಾವಳಿಯಲ್ಲಿ ಹೌಸ್‍ಫುಲ್ ಪ್ರದರ್ಶನ ಖುಷಿ ಕೊಟ್ಟಿದೆ. ವೀಕ್ಷಕರು ವಿಭಿನ್ನ ರೀತಿಯ ಚಿತ್ರವನ್ನು ಇಷ್ಟಪಡುತ್ತಾರೆ ಎಂಬುದು ಸಾಬೀತಾಗಿದೆ. ಆದರೆ ಚಿತ್ರ ಪೈರಸಿ ಆಗಿರುವ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ವೀಕ್ಷಕರು ನಮಗೆ ಲಿಂಕ್ ಕಳುಹಿಸಿ ಡಿಲಿಟ್ ಮಾಡಿಸಿ ಎನ್ನುತ್ತಿದ್ದಾರೆ. ಚಿತ್ರ ಬಿಡುಗಡೆಗೂ ಮುನ್ನವೇ ಆ್ಯಂಟಿ ಪೈರಸಿ ತಂಡ ರಚನೆ ಮಾಡಿದ್ದು, ಆ ತಂಡ ನಿಗಾ ಇಟ್ಟಿದೆ. ಈಗಾಗಲೇ ಸೈಬರ್ ಕ್ರೈಂಗೆ ದೂರು ಕೊಟ್ಟಿದ್ದೇವೆ. ತಪ್ಪಿಸ್ಥತರಿಗೆ ಶಿಕ್ಷೆ ಆಗಿಯೇ ಆಗುತ್ತದೆ' ಎಂದು ಹೇಳಿದರು.
'ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲೂ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ. ಮೈಸೂರು, ಬೆಂಗಳೂರು, ಕಲಬುರಗಿ, ದಾವಣಗೆರೆ, ಹುಬ್ಬಳ್ಳಿಯಲ್ಲೂ ಹೌಸ್‍ಫುಲ್ ಪ್ರದರ್ಶನ ಕಂಡಿದೆ. ಬೇರೆ ಬೇರೆ ಚಿತ್ರಕಥೆಗಳಿಗೆ ವೀಕ್ಷಕರು ತೆರೆದುಕೊಂಡಿದ್ದಾರೆ. ಆದರೆ ನಾವು ಫಿಲ್ಮ್ ಮೇಕರ್‌ಗಳೇ ಪೂರ್ಣ ಪ್ರಮಾಣದಲ್ಲಿ ತೆರೆದುಕೊಂಡಿಲ್ಲ' ಎಂದು ನಟ ರಾಜ್ ಶೆಟ್ಟಿ ತಿಳಿಸಿದರು. ಚಿತ್ರದ ನಿರ್ಮಾಪಕರುಗಳಾದ ರವಿ ರೈ ಬಿ.ವಿ. ಕಳಸ, ವಚನ್ ಶೆಟ್ಟಿ, ಶ್ರೀಕಾಂತ್, ವಿಕಾಸ್, ಸಂಗೀತ ನಿರ್ದೇಶಕ ಮಿಥುನ್ ಮುಕುಂದನ್, ಛಾಯಾಗ್ರಾಹಕ ಪ್ರವೀಣ್ ಶ್ರೀಯಾನ್ ಸುದ್ದಿಗೋಷ್ಠಿಯಲ್ಲಿ ಹಾಜರಿದ್ದರು.
