ಆನ್‌ಲೈನ್‌ ವಲಯದಲ್ಲಿ ಟಾಟಾ ಅಬ್ಬರ, ಬಿಗ್‌ ಬಾಸ್ಕೆಟ್‌ ಬಳಿಕ ಇದೀಗ '1mg' ಖರೀದಿ
ಕೆಲವೇ ವಾರ ಹಿಂದೆ ಮನೆಬಾಗಿಲಿಗೆ ದಿನಸಿ ತಲುಪಿಸುವ ಬಿಗ್‌ಬಾಸ್ಕೆಟ್‌ನ್ನು ಖರೀದಿಸಿದ್ದ ಟಾಟಾ ಗ್ರೂಪ್‌ ಸೋಮವಾರವಷ್ಟೆ ಕ್ಯೂರ್‌ಫಿಟ್‌ನಲ್ಲಿ 550 ಕೋಟಿ ರೂ. ಹೂಡುವುದಾಗಿ ಹೇಳಿತ್ತು. ಇದೀಗ 1ಎಂಜಿ ಖರೀದಿಸಿದ್ದು, ಡಿಜಿಟಲ್‌ ದುನಿಯಾದಲ್ಲಿ ವೇಗವಾಗಿ ಮುನ್ನುಗ್ಗುತ್ತಿದೆ.
Admin
0
9
ಬೆಂಗಳೂರು: ಟಾಟಾ ಸನ್ಸ್‌ ಪ್ರೈ. ಲಿ. ಡಿಜಿಟಲ್‌ ಆರೋಗ್ಯ ಕಂಪನಿ 1ಎಂಜಿ ಟೆಕ್ನಾಲಜೀಸ್‌ ಪ್ರೈ. ಲಿ. ()ಯನ್ನು ಖರೀದಿಸಿದೆ.
2015ರಲ್ಲಿ ಆರಂಭವಾದ 1ಎಂಜಿ ಇ-ಹೆಲ್ತ್‌ ವಲಯದ ಪ್ರಮುಖ ಕಂಪನಿಯಾಗಿದ್ದು, ಔಷಧ, ಆರೋಗ್ಯ ಸಂಬಂಧಿ ಉತ್ಪನ್ನಗಳ ಮಾರಾಟ, ಟೆಲಿ ಕನ್ಸಲ್ಟೇಷನ್‌, ಡಯಾಗ್ನಾಸ್ಟಿಕ್‌ ಸೇವೆಗಳನ್ನು ಗ್ರಾಹಕರಿಗೆ ನೀಡುತ್ತಿದೆ. ಇದೀಗ ಈ ಕಂಪನಿಯನ್ನು ತನ್ನ ಅಂಗ ಸಂಸ್ಥೆ ಟಾಟಾ ಡಿಜಿಟಲ್‌ ಲಿ. ಮೂಲಕ ಖರೀದಿಸಿದೆ.
ಮೂರು ರಾಜ್ಯಗಳಲ್ಲಿ ಡಯಾಗ್ನಾಸ್ಟಿಕ್‌ ಲ್ಯಾಬ್‌ಗಳನ್ನು ಹೊಂದಿರುವ , 20,000ಕ್ಕೂ ಹೆಚ್ಚು ಪಿನ್‌ಕೋಡ್‌ಗಳಿಗೆ ಔಷಧವನ್ನು ತಲುಪಿಸುವ ವಿಸ್ತೃತ ಜಾಲ ಹೊಂದಿದೆ.
ಡಿಜಿಟಲ್‌ ಉದ್ಯಮದಲ್ಲಿ ಬಲವಾಗಿ ಕಾಲೂರಲು ನಿರ್ಧರಿಸಿರುವ ಟಾಟಾ ಗ್ರೂಪ್‌ ಕೆಲವೇ ವಾರ ಹಿಂದೆ ಮನೆಬಾಗಿಲಿಗೆ ದಿನಸಿ ತಲುಪಿಸುವ ಬಿಗ್‌ಬಾಸ್ಕೆಟ್‌ನ್ನು ಖರೀದಿಸಿತ್ತು. ಜತೆಗೆ ಸೋಮವಾರವಷ್ಟೆ ಫಿಟ್‌ನೆಸ್‌ ಸಂಸ್ಥೆ ಕ್ಯೂರ್‌ಫಿಟ್‌ ಹೆಲ್ತ್‌ಕೇರ್‌ನಲ್ಲಿ 550 ಕೋಟಿ ರೂ. (75 ಮಿಲಿಯನ್‌ ಡಾಲರ್‌) ಹೂಡಿಕೆ ಮಾಡುವುದಾಗಿ ಹೇಳಿತ್ತು.
ಇದೀಗ 1 ಎಂಜಿ ಖರೀದಿಯೊಂದಿಗೆ ಅಮೆಜಾನ್‌ (ಅಮೆಜಾನ್‌ ಫಾರ್ಮಸಿ), ರಿಲಯನ್ಸ್‌ (ನೆಟ್‌ಮೆಡ್ಸ್‌) ಸೇರಿದಂತೆ ಖ್ಯಾತನಾಮ ಕಂಪನಿಗಳೊಂದಿಗೆ ಟಾಟಾ ಗ್ರೂಪ್‌ ತೀವ್ರ ಸ್ಪರ್ಧೆಗೆ ಇಳಿದಿದೆ.
ಆದರೆ 1ಎಂಜಿಯಲ್ಲಿ ಎಷ್ಟು ಪ್ರಮಾಣದ ಷೇರುಗಳನ್ನು ಟಾಟಾ ಗ್ರೂಪ್‌ ಖರೀದಿಸಲಿದೆ, ಡೀಲ್‌ ಒಟ್ಟು ಮೊತ್ತದ್ದು ಎಂಬುದನ್ನು ಎರಡೂ ಕಂಪನಿಗಳು ಬಹಿರಂಗಪಡಿಸಿಲ್ಲ.
