ಚಿನ್ನದ ಬಾಂಡ್‌ ಯೋಜನೆ ಸೋಮವಾರ ಬಿಡುಗಡೆ, ಪ್ರತಿ ಗ್ರಾಂಗೆ 4,889 ರೂ. ನಿಗದಿ
ಸಾವರಿನ್‌ ಗೋಲ್ಡ್‌ ಬಾಂಡ್‌ ಯೋಜನೆಯ 2021-22 ಸಾಲಿನ 3ನೇ ಚಂದಾದಾರಿಕೆ ಮೇ 31ರಿಂದ ಜೂನ್‌ 4ರ ತನಕ ಜನತೆಗೆ ಲಭ್ಯವಿದೆ. ಪ್ರತಿ ಗ್ರಾಂ ಚಿನ್ನದ ದರವನ್ನು 4,889 ರೂ.ಗೆ ನಿಗದಿಪಡಿಸಲಾಗಿದೆ.
Admin
0
8
ಮುಂಬಯಿ: ಯೋಜನೆಯ 2021-22ರ ಸಾಲಿನ ಮೂರನೇ ಕಂತಿನ ಚಂದಾದಾರಿಕೆಯ ಅವಧಿ ಮೇ 31ರಿಂದ 5 ದಿನಗಳ ಕಾಲ ನಡೆಯಲಿದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ ತಿಳಿಸಿದೆ.
ಸಾವರಿನ್‌ ಗೋಲ್ಡ್‌ ಬಾಂಡ್‌ ಸ್ಕೀಮ್‌ 2021-22 ಸೀರೀಸ್‌-3ರ ಚಂದಾದಾರಿಕೆ ಮೇ 31ರಿಂದ ಜೂನ್‌ 4ರ ತನಕ ಜನತೆಗೆ ಲಭ್ಯವಿದೆ. ಸರಕಾರದ ಪರ ಚಿನ್ನದ ಬಾಂಡ್‌ಗಳನ್ನು ಬಿಡುಗಡೆಗೊಳಿಸುತ್ತದೆ.
ಪ್ರತಿ ಗ್ರಾಮ್‌ ಚಿನ್ನದ ದರವನ್ನು 4,889 ರೂ.ಗೆ ನಿಗದಿಪಡಿಸಲಾಗಿದೆ. ಕಿರು ಹಣಕಾಸು ಬ್ಯಾಂಕ್‌ ಮತ್ತು ಪೇಮೆಂಟ್‌ ಬ್ಯಾಂಕ್‌ ಹೊರತುಪಡಿಸಿ, ಉಳಿದ ಬ್ಯಾಂಕ್‌ಗಳಲ್ಲಿ ಈ ಬಾಂಡ್‌ಗಳು ಮಾರಾಟವಾಗಲಿವೆ. ನಿಯೋಜಿತ ಅಂಚೆ ಕಚೇರಿಗಳು, ಎನ್‌ಎಸ್‌ಇ, ಬಿಎಸ್‌ಇಗಳಲ್ಲೂ ಬಾಂಡ್‌ ದೊರೆಯುತ್ತದೆ.
ಇನ್ನು ಆನ್‌ಲೈನ್‌ ಮೂಲಕ ಬಾಂಡ್‌ ಖರೀದಿಸುವವರಿಗೆ ಸರಕಾರ 50 ರೂ. ರಿಯಾಯಿತಿ ಘೋಷಿಸಿದೆ. ಆನ್‌ಲೈನ್‌ ಮೂಲಕ ಚಿನ್ನದ ಬಾಂಡ್‌ಗೆ ಅರ್ಜಿ ಸಲ್ಲಿಸಿ, ಡಿಜಿಟಲ್‌ ಮಾದರಿಯಲ್ಲಿ ಹಣ ಪಾವತಿಸುವವರಿಗೆ ಈ ರಿಯಾಯಿತಿ ಸಿಗಲಿದೆ. ಇವರಿಗೆ ಪ್ರತಿ ಗ್ರಾಂ ಬಾಂಡ್‌ಗೆ 4,839 ರೂಪಾಯಿ ನಿಗದಿಪಡಿಸಲಾಗಿದೆ.
ಭೌತಿಕ ಚಿನ್ನದ ಬದಲಿಗೆ ಚಿನ್ನದ ಬಾಂಡ್‌ಗಳಲ್ಲಿ ಹೂಡಿಕೆ ಮಾಡುವುದರಿಂದ ಹಲವು ಪ್ರಯೋಜನಗಳಿವೆ. ಭೌತಿಕ ಚಿನ್ನಕ್ಕಿಂತ ಸ್ವಲ್ಪ ಕಡಿಮೆ ದರದಲ್ಲಿ ಸಿಗುತ್ತದೆ. ಎರಡನೆಯದಾಗಿ ನಿಶ್ಚಿತ ಬಡ್ಡಿ ದರ ಸಿಗುತ್ತದೆ. ಸ್ಟೋರೇಜ್‌ ವೆಚ್ಚ ಕೂಡ ಇರುವುದಿಲ್ಲ.
