ಮತ್ತೆ ತೆರೆಮೇಲೆ ಶಿವಗಾಮಿ & ಬಾಹುಬಲಿ; ಪ್ರಭಾಸ್ ಚಿತ್ರದಲ್ಲಿ ರಮ್ಯಾ ಕೃಷ್ಣಗೆ ಡಿಫರೆಂಟ್ ರೋಲ್!

'ಬಾಹುಬಲಿ' ಸರಣಿಯ ಸಿನಿಮಾಗಳು ಭಾರತೀಯ ಚಿತ್ರರಂಗದಲ್ಲಿ ಮಾಡಿದ ಮೋಡಿ ಸಾಮಾನ್ಯದ್ದೇನಲ್ಲ! ಇದುವರೆಗೂ ಯಾವ ಸಿನಿಮಾಗಳು ಮಾಡಲಾರದಂತಹ ದಾಖಲೆಗಳನ್ನು ಸೃಷ್ಟಿಸಿತ್ತು ಆ ಸಿನಿಮಾ. 'ಬಾಹುಬಲಿ' ಸಿನಿಮಾದ ಎಂದಕೂಡಲೇ ನೆನಪಾಗುವುದು ಪ್ರಭಾಸ್, ರಾಣಾ ದಗ್ಗುಬಾಟಿ, ಅನುಷ್ಕಾ ಶೆಟ್ಟಿ ನಂತರ ನೆನಪಾಗುವುದೇ ನಟಿ ರಮ್ಯಾಕೃಷ್ಣ. ಚಿತ್ರದಲ್ಲಿ ಶಿವಗಾಮಿ ಎಂಬ ಪವರ್‌ಫುಲ್ ಪಾತ್ರಕ್ಕೆ ರಮ್ಯಾ ಜೀವ ತುಂಬಿದ್ದರು. ಆ ಸಿನಿಮಾದ ನಂತರ ರಮ್ಯಾ ಮತ್ತು ಒಟ್ಟಿಗೆ ನಟಿಸಿರಲಿಲ್ಲ. ಇದೀಗ ಅದಕ್ಕೂ ಕಾಲ ಕೂಡಿಬಂದಿದೆ. ಪ್ರಭಾಸ್‌ಗೆ ಅಕ್ಕನಾದ ಸ್ಟಾರ್ ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಮುಂದಿನ ಸಿನಿಮಾ ''ನಲ್ಲಿ ಪ್ರಭಾಸ್ ಹೀರೋ ಆಗಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಒಂದು ಹಂತದ ಶೂಟಿಂಗ್ ಕೂಡ ಮುಕ್ತಾಯವಾಗಿದೆ. ಇದೀಗ ಆ ಸಿನಿಮಾಗೆ ರಮ್ಯಾ ಕೃಷ್ಣ ಹೆಸರು ಸೇರ್ಪಡೆ ಆಗಿದೆ ಎಂಬ ಮಾತು ಕೇಳಿಬಂದಿದೆ. ಸದ್ಯ ಸಿಕ್ಕಿರುವ ಮಾಹಿತಿ ಪ್ರಕಾರ, 'ಸಲಾರ್‌'ನಲ್ಲಿ ಪ್ರಭಾಸ್ ಅವರ ಹಿರಿಯ ಅಕ್ಕನ ಪಾತ್ರದಲ್ಲಿ ರಮ್ಯಾ ಕೃಷ್ಣ ನಟಿಸುವುದು ಖಚಿತವಾಗಿದೆ. ಆದರೆ, ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬೀಳಬೇಕಿದೆ. ಪ್ರಭಾಸ್‌ಗೆ ದ್ವಿಪಾತ್ರ? ರಮ್ಯಾ ಕೃಷ್ಣ ಸಲಾರ್‌ಗೆ ಸೇರ್ಪಡೆ ಆಗುತ್ತಿರುವ ಸುದ್ದಿಯ ಜೊತೆಗೆ ಮತ್ತೊಂದು ಸುದ್ದಿ ಕೂಡ ಹರಿದಾಡುತ್ತಿದೆ. ಅದೇನೆಂದರೆ, ಪ್ರಭಾಸ್ ಈ ಸಿನಿಮಾದಲ್ಲಿ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದು. ಈ ಹಿಂದೆ 'ಸಲಾರ್‌' ಸಿನಿಮಾವು ಕನ್ನಡದ ಉಗ್ರಂನ ರಿಮೇಕ್ ಎನ್ನಲಾಗಿತ್ತು. ಆದರೆ, ಉಗ್ರಂನಲ್ಲಿ ದ್ವಿಪಾತ್ರವಾಗಲಿ, ಅಕ್ಕನ ಪಾತ್ರವಾಗಲಿ ಇರಲಿಲ್ಲ. ಆದರೆ, ಈ ಕೇಳಿ ಬರುತ್ತಿರುವ ಮಾಹಿತಿಗಳು ಸಿನಿಮಾದ ಬಗ್ಗೆ ಇನ್ನಷ್ಟು ಕುತೂಹಲವನ್ನು ಹೆಚ್ಚಿಸುತ್ತಿವೆ! ಶ್ರುತಿ ಹಾಸನ್ ನಾಯಕಿ ಪ್ರಭಾಸ್ ನಟನೆಯ ಈ ಬಿಗ್ ಬಜೆಟ್ ಸಿನಿಮಾವನ್ನು ಸ್ಯಾಂಡಲ್‌ವುಡ್‌ನ ಹೊಂಬಾಳೆ ಫಿಲ್ಮ್ಸ್‌ ಅದ್ದೂರಿಯಾಗಿ ನಿರ್ಮಾಣ ಮಾಡುತ್ತಿದೆ. ಪ್ರಭಾಸ್‌ಗೆ ಇಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಕೆಜಿಎಫ್ ನಂತರ ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದಾಗಿರುವುದರಿಂದ, ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಚಿತ್ರಕ್ಕೆ ರವಿ ಬಸ್ರೂರ್ ಸಂಗೀತ ನಿರ್ದೇಶನ ಮಾಡುತ್ತಿದ್ದು, 'ಕೆಜಿಎಫ್' ಖ್ಯಾತಿಯ ಭುವನ್‌ ಗೌಡ ಛಾಯಾಗ್ರಹಣದ ಹೊಣೆ ಹೊತ್ತುಕೊಂಡಿದ್ದಾರೆ.