ಐಷಾರಾಮಿ ಕಾರ್‌ ವಿಚಾರಕ್ಕೆ ನಟ ದಳಪತಿ ವಿಜಯ್‌ಗೆ ದಂಡ ವಿಧಿಸಿದ ಹೈಕೋರ್ಟ್!

ತಮಿಳುನಾಡು ಸೇರಿದಂತೆ ವಿಶ್ವದಲ್ಲೆಡೆ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ನಟ ಅವರಿಗೆ ಮದ್ರಾಸ್ 1 ಲಕ್ಷ ರೂಪಾಯಿ ದಂಡ ವಿಧಿಸಿದೆ. ಐ‍ಷಾರಾಮಿ ಕಾರ್‌ಗೆ ತೆರಿಗೆ ಕಟ್ಟದ ಕಾರಣಕ್ಕಾಗಿ ಈ ದಂಡ ವಿಧಿಸಲಾಗಿದೆ. ಇಂಗ್ಲೆಂಡ್‌ನಿಂದ ಈ ಕಾರ್‌ನ್ನು ವಿಜಯ್ ಅವರು ಆಮದು ಮಾಡಿಕೊಂಡಿದ್ದರು. ಐಷಾರಾಮಿ ಕಾರ್‌ನ್ನು ಭಾರತಕ್ಕೆ ಆಮದು ಮಾಡಿಕೊಂಡಿದ್ದಕ್ಕೆ ವಿಜಯ್ ಅವರು ತೆರಿಗೆ ನೀಡಿದ್ದಾರೆ. ವಿಜಯ್ ಅವರು ಪ್ರಾದೇಶಿಕ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಮತ್ತು ಮೋಟಾರು ವಾಹನ ನಿರೀಕ್ಷಕರನ್ನು ಸಂಪರ್ಕ ಮಾಡಿದ್ದಾರೆ ಎಂದು ಪ್ರಮಾಣಪತ್ರದಲ್ಲಿ ಇದೆ. ಆದರೂ ಕೂಡ ಅಧಿಕಾರಿಗಳು ವಾಹನಕ್ಕೆ ಪ್ರವೇಶ ತೆರಿಗೆ ನೀಡಬೇಕು ಎಂದು ಹೇಳುತ್ತಿದ್ದಾರೆ. ಈಗಾಗಲೇ ಅಧಿಕ ತೆರಿಗೆ ಹಣ ಪಾವತಿ ಮಾಡಿರೋದಾಗಿ ವಿಜಯ್ ವಾದಿಸಿದ್ದಾರೆ. ವಿಜಯ್ ಅವರ ಅರ್ಜಿ ವಜಾಗೊಳಿಸಿರುವ ಕೋರ್ಟ್ "ದಳಪತಿ ವಿಜಯ್ ಅವರು ಇಂಗ್ಲೆಂಡ್‌ನಿಂದ ಐಷಾರಾಮಿ ಕಾರ್ ತರಿಸಿಕೊಂಡಿದ್ದು ಪ್ರವೇಶ ತೆರಿಗೆ ನೀಡಿಲ್ಲ. ಇಂಗ್ಲೆಂಡ್‌ನಿಂದ ತರಿಸಿಕೊಂಡ ಕಾರ್‌ಗೆ ಪ್ರವೇಶ ತೆರಿಗೆ ನೀಡಬಾರದು ಎಂಬ ಯೋಜನೆಯಲ್ಲಿ ದೂರು ಸಲ್ಲಿಸಿದ್ದಾರೆ. ಖ್ಯಾತ ನಟನಾಗಿ ತೆರಿಗೆಯನ್ನು ಸರಿಯಾಗಿ, ಸಮಯೋಚಿತವಾಗಿ ಕಟ್ಟಬೇಕು" ಎಂದು ತೀರ್ಪು ನೀಡಿದೆ. ವಿಜಯ್ ಸಲ್ಲಿಸಿರುವ ಅರ್ಜಿಯಲ್ಲಿ ಅವರ ವೃತ್ತಿ ಯಾವುದು ಎಂದು ನಮೂದು ಮಾಡದಿರುವುದು ಕೂಡ ಕೋರ್ಟ್ ಕಣ್ಣಿಗೆ ಬಿದ್ದಿದೆ. ಸಿನಿಮಾದಲ್ಲಿ ನಟಿಸಿ ದೊಡ್ಡ ಅಭಿಮಾನಿ ಬಳಗ ಹೊಂದಿರುವ ನಟ ಸರಿಯಾಗಿ ತೆರಿಗೆ ಕಟ್ಟಿದರೆ, ಅಭಿಮಾನಿಗಳು ಅವರನ್ನು ಪಾಲಿಸುತ್ತಾರೆ. ತೆರಿಗೆ ಹಣದಿಂದ ಸರ್ಕಾರವು ಸಾಮಾಜಿಕ ಕೆಲಸ ಮಾಡುವುದು. ನಟ ವಿಜಯ್ ಅಭಿನಯದ 'ಮಾಸ್ಟರ್' ಸಿನಿಮಾಕ್ಕೆ ದೊಡ್ಡ ಮೆಚ್ಚುಗೆ ಸಿಗುತ್ತಿದೆ. ವಿಜಯ್ ಮುಂದಿನ ಸಿನಿಮಾಕ್ಕೆ 'ಬೀಸ್ಟ್' ಎಂದು ಹೆಸರಿಡಲಾಗಿದೆ. ವಿಜಯ್‌ಗೆ ಪೂಜಾ ಹೆಗ್ಡೆ ಜೊತೆಯಾಗಿ ನಟಿಸುತ್ತಿದ್ದಾರೆ. ಅನಿರುದ್ಧ್‌ ರವಿಚಂದರ್‌ ಸಂಗೀತ ನೀಡುತ್ತಿದ್ದಾರೆ. ಈ ಚಿತ್ರಕ್ಕೆ ಮನೋಜ್ ಪರಮಹಂಸ ಛಾಯಾಗ್ರಹಣ ಮಾಡುತ್ತಿದ್ದಾರೆ.