ಸರ್ಕಾರ ಕ್ರಿಪ್ಟೋ ಕರೆನ್ಸಿ ನಿಷೇಧಿಸಿಬಿಟ್ಟರೆ! ನಿಮ್ಮಲ್ಲಿರುವ ಡಿಜಿಟಲ್‌ ಕರೆನ್ಸಿ ಕಥೆಯೇನು?

ಹೊಸದಿಲ್ಲಿ: ಕುರಿತು ಜಾಗತಿಕ ಮಟ್ಟದಲ್ಲಿ ಚರ್ಚೆ ನಡೆಯುತ್ತಿದೆ. ಆದರೆ, ಕ್ರಿಪ್ಟೋಕರೆನ್ಸಿಗಳನ್ನು ನಿಷೇಧಿಸುವ ಕುರಿತು ಭಾರತ ಸರ್ಕಾರ ಗಂಬೀರವಾಗಿ ಚಿಂತನೆ ನಡೆಸುತ್ತಿದೆ. ಸರಕಾರ ಈ ನಿಟ್ಟಿನಲ್ಲಿ ಕ್ರಮ ಕೈಗೊಳ್ಳುತ್ತಿರುವುದು ಇದೇ ಮೊದಲೇನಲ್ಲ. 2013 ರಲ್ಲಿ, ಬಿಟ್‌ಕಾಯಿನ್ ಚಾಲ್ತಿಗೆ ಬಂದ ಆರಂಭದಲ್ಲೇ, ನಿಯಂತ್ರಣ ಹೇರುವ ಪ್ರಯತ್ನಗಳಾಗಿದ್ದವು. ಆರಂಭದಲ್ಲಿ ಕೇವಲ ಸರ್ಕಾರಕ್ಕೆ ಮಾತ್ರವಲ್ಲ, ಉತ್ಸಾಹಿ ಹೂಡಿಕೆದಾರರಿಗೆ ಕೂಡ ಬಿಟ್‌ಕಾಯಿನ್ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ಗೊತ್ತಿರಲಿಲ್ಲ. 2016ರ ಅಂತ್ಯದ ನಂತರ, ಈ ಕ್ರಾಂತಿಕಾರಿ ಆರ್ಥಿಕ ಆಸ್ತಿಯು ಸದ್ದು ಮಾಡತೊಡಗಿತು. ಈ ಬೆನ್ನಲ್ಲೇ ಭಾರತ ಸರಕಾರ ಕೂಡ ಕ್ರಮ ಕೈಗೊಳ್ಳಲು ಮೊದಲು ಮಾಡಿತು. ಪ್ರಪಂಚದ ಯಾವುದೇ ಸರ್ಕಾರದ ಪ್ರಮುಖ ಲಕ್ಷಣವೇ ಅಧಿಕಾರ ಮತ್ತು ನಿಯಂತ್ರಣ. ಆದರೆ, ಬಿಟ್‌ಕಾಯಿನ್, ಅಥವಾ ಕ್ರಿಪ್ಟೋಕರೆನ್ಸಿ ಎಂದು ಕರೆಯುವ ಸರ್ಕಾರದಿಂದ ನಿಯಂತ್ರಣ ಶಕ್ತಿಯನ್ನೇ ಕಸಿದುಕೊಂಡಿದೆ. ಕ್ರಿಪ್ಟೋ ಕ್ಷೇತ್ರದಲ್ಲಿ ನಿಮ್ಮ ಹಣದ ಸುತ್ತ ಯಾವುದೇ ಬ್ಯಾಂಕ್, ಆರ್‌ಬಿಐ ಅಥವಾ ಪ್ರಾಧಿಕಾರದ ಪರಿಶೀಲನೆ ಇರುವುದೇ ಇಲ್ಲ. ಕ್ರಿಪ್ಟೋ ವಲಯದಲ್ಲಿ ನಿಮ್ಮ ಹಣ ಹೂಡಿಕೆ ಮಾಡುತ್ತೀರಿ. ಹೂಡಿಕೆ ತಂತ್ರವು ನಿಮಗಾಗಿ ಕೆಲಸ ಮಾಡುತ್ತದೆ ಎಂದು ಖತರಿಪಡಿಸಿಕೊಳ್ಳುತ್ತೀರಿ ಅಷ್ಟೆ. ಇದರಲ್ಲಿ ಯಾವುದೇ ಸಲಹೆಗಾರ ಮಂಡಳಿಗಳಿಲ್ಲ, ನೀತಿ ರೂಪಿಸುವವರಿಲ್ಲ, ಬ್ರೇನ್‌ ವಾಶ್‌ ಮಾಡುವವರೂ ಇಲ್ಲ. 2017ರ ಸಮಯದಲ್ಲಿ ಭಾರೀ ಪ್ರಮಾಣದಲ್ಲಿ ಬೆಳವಣಿಗೆ ಕಂಡ ಬೆನ್ನಲ್ಲೇ, ಭಾರತ ಸರಕಾರ ಕ್ರಿಪ್ಟೋ ನಿಯಂತ್ರಣಕ್ಕೆ ಮುಂದಾಗಿದೆ. ಚಕ್ರದ ಆವಿಷ್ಕಾರದ ಜತೆಗೆ ನಾಗರಿಕತೆಯ ವಿಕಾಸವೂ ಆಯಿತು. ಚಕ್ರಗಳು ಬಂದ ನಂತರ ಸೈಕಲ್‌ ಕಂಡುಹಿಡಿಯಲಾಯಿತು, ನಂತಾರ ಮೋಟಾರ್‌ ಸೈಕಲ್‌, ಭಾರೀ ವಾಹನಗಳು, ಇದೆಲ್ಲವೂ ಆದ ನಂತರ ರೈಟ್‌ ಸಹೋದರರ ಬಂದು ನಾವು ಹಾರಬಲ್ಲೆವು ಎಂದು ಸಾಬೀತುಪಡಿಸಿದರು. ಆದರೆ, ಇಂಧನ ಸಂಪನ್ಮೂಲ ಬರಿದಾರ, ಇವಾವೂ ಪ್ರಯೋಜನಕ್ಕೆ ಬಾರವು. ಬದಲಾವಣೆ ಜಗದ ನಿಯಮ ಮತ್ತೊಂದು ಉದಾಹರಣೆ ನೀಡುವುದಾದರೆ, ಮೊದಲಿಗೆ ಸಂದೇಶ ಅಥವಾ ಮಾಹಿತಿ ರವಾನೆ ಮಾಡಲು ಪತ್ರ ಬರೆಯುತ್ತಿದ್ದವು. 2000ದಲ್ಲಿ ಬಂದ ಅಂತರ್ಜಾಲ ತಂತ್ರಜ್ಞಾನ ಮಾಹಿತಿ ಕ್ರಾಂತಿಯನ್ನೇ ಮಾಡಿತು. ಕ್ಷಣಾರ್ಧದಲ್ಲಿ ಸಂವಹನನ ಏರ್ಪಡಲು ಸಾಧ್ಯವಾಯಿತು. ಹೀಗೆ ಬದಲಾವಣೆ ಎಂಬುದು ಜಗದ ನಿಯಮ ಅಲ್ಲವೇ. ಇದೀಗ ಕ್ರಿಪ್ಟೋ ತಂತ್ರಜ್ಞಾನ ಹೊಸತಾಗಿದೆ. ಆದರೆ, ಇದಕ್ಕೆ ನಿಷೇಧ ಹೇರಲು ಭಾರತ ಸರಕಾರ ಚಿಂತನೆ ನಡೆಸಿದೆ. ಒಂದು ವೇಳೆ ಕ್ರಿಪ್ಟೋಕರೆನ್ಸಿ ಮೇಲೆ ನಿಷೇಧ ಹೇರಿದರೆ, ಏನಾಗಲಿದೆ? ಈ ಕುರಿತು ಚರ್ಚಿಸೋಣ. ಕ್ರಿಪ್ಟೋ ಕರೆನ್ಸಿ ಮೇಲೆ ನಿಷೇಧ ಹೇರಿದರೆ ಆಗುವುದೇನು? ಕ್ರಿಪ್ಟೋ ನಿಷೇಧ ಎಂದರೆ, ಮೊದಲಿಗೆ ಬ್ಯಾಂಕಿಂಗ್‌ ಮತ್ತು ನಿಮ್ಮ ಕ್ರಿಪ್ಟೋ ವಿನಿಮಯಗಳ ನಡುವಿನ ವಹಿವಾಟುಗಳು ಬಂದ್‌ ಆಗುತ್ತವೆ ಎಂದರ್ಥ. ಅಂದರೆ, ನಿಮ್ಮ ಸ್ಥಳೀಯ ಕರೆನ್ಸಿಯನ್ನು ಬಳಸಿ, ಯಾವುದೇ ರೀತಿಯ ಕ್ರಿಪ್ಟೋ ಕರೆನ್ಸಿ ಖರೀದಿಸಲು ಸಾಧ್ಯವಾಗುವುದಿಲ್ಲ. ಅಲ್ಲದೆ ನಿಮ್ಮಲ್ಲಿರುವ ಕ್ರಿಪ್ಟೋಕರೆನ್ಸಿಗಳನ್ನು ಸ್ಥಳೀಯ ಕರೆನ್ಸಿಗೆ (ಉದಾಹರಣೆಗೆ ಭಾರತದಲ್ಲಿ ರೂಪಾಯಿಗೆ) ಬದಲಾಯಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ನಿಷೇಧ ಹೇರಿದರೆ ಪರಿಹಾರ ಮಾರ್ಗ ಏನು? ಕ್ರಿಪ್ಟೋ ಕರೆನ್ಸಿಗಳನ್ನು ಕಾನೂನುಬದ್ಧಗೊಳಿಸಿರುವ ದೇಶಕ್ಕೆ ಸೇರಿದ ಭಾರತೀಯ ನಿವಾಸಿಗಳಲ್ಲದವರಿಗೆ ನಿಮ್ಮ ಕ್ರಿಪ್ಟೋಗಳನ್ನು ಕಳುಹಿಸಬಹುದು. ವಿದೇಶಿ ವಿನಿಮಯದ ಮೂಲಕ ನಿಮ್ಮ ಕ್ರಿಪ್ಟೋ ಕರೆನ್ಸಿಗಳ ಮೌಲ್ಯಕ್ಕೆ ಸಮನಾದ ಸ್ಥಳೀಯ ಕರೆನ್ಸಿ ಪಡೆಯಬಹುದು. ಆದರೆ, ಈ ಪ್ರಕ್ರಿಯೆಗೆ ಒಂದಷ್ಟು ಶುಲ್ಕ ಭರಿಸಬೇಕಾಗುತ್ತದೆ. ವಿದೇಶಿ ವಿನಿಮಯ ವೆಚ್ಚ ಮತ್ತು ಪೆನಾಲ್ಟಿಗಳು ನಿಮ್ಮ ಸ್ವಂತ ದೇಶದಲ್ಲಿ ಯಾವುದೇ ನಿಷೇಧವಿಲ್ಲದೇ ಇದ್ದಲ್ಲಿ, ನಿಜವಾದ ವಿನಿಮಯ ಶುಲ್ಕಕ್ಕಿಂತ ಹೆಚ್ಚು ವೆಚ್ಚವಾಗುತ್ತದೆ. ಕ್ರಿಪ್ಟೋ ತಂತ್ರಜ್ಞಾನವನ್ನೇ ನಿಷೇಧಿಸಿದರೆ ಹೇಗೆ? ಇತ್ತೀಚೆಗಷ್ಟೇ ಟಿಕ್‌ಟಾಪ್‌, ಪಬ್‌ಜಿ ಸೇರಿದಂತೆ ಹಲವಾರು ಆಪ್‌ಗಳ ಮೇಲೆ ನಿಷೇಧ ಹೇರಲಾಯಿತು. ಹೀಗೆಯೇ ಕ್ರಿಪ್ಟೋಕರೆನ್ಸಿ ತಂತ್ರಜ್ಞಾನವನ್ನೂ ನಿಷೇಧಿಸಿಬಿಟ್ಟರೆ ಏನು ಮಾಡೋದು? ವಾಸ್ತವದಲ್ಲಿ ಟಿಕ್‌ಟಾಪ್‌, ಪಬ್‌ಜಿ ನಿಷೇಧವಾಗಿದ್ದರು, ಬೇರೊಂದು ರೀತಿಯಲ್ಲಿ ಅವುಗಳು ಬಳಕೆಗೆ ಲಭ್ಯವಿದೆ. ಪೋರ್ನೋಗ್ರಫಿ ಮೇಲೆ ನಿಷೇಧ ಹೇರಲಾಗಿದ್ದರೂ, ಇಂದಿಗೂ ಲಭ್ಯವಿದೆ. ಹೀಗೆ ಕ್ರಿಪ್ಟೋಕರೆನ್ಸಿಯಂತ ಓಪನ್‌ಸೋರ್ಸ್‌ ತಂತ್ರಜ್ಞಾನದ ಮೇಲಂತೂ ಸಂಪೂರ್ಣ ನಿಷೇಧ ಹೇರುವುದು ದೂರದ ಮಾತು.