ವರ್ಷಾಂತ್ಯದೊಳಗೆ ರಷ್ಯಾದಿಂದ 35 ರಫೇಲ್‌ ಭಾರತಕ್ಕೆ: ಐಎನ್‌ಎಸ್‌ ವಿಕ್ರಾಂತ್‌ ನೌಕೆಯಲ್ಲಿ ಬಳಸಲು ಪ್ಲ್ಯಾನ್‌!
ನವರಿ 2022ರ ವೇಳೆಗೆ ವೇಳೆಗೆ ಭಾರತದ ವಾಯುಪಡೆಗೆ ಎಲ್ಲಾ 35 ರಫೇಲ್‌ ಯುದ್ಧ ವಿಮಾನಗಳು ಸೇರ್ಪಡೆಯಾಗಲಿದ್ದು, ಫ್ರಾನ್ಸ್‌ನಿಂದ ರಫೇಲ್‌ ಯುದ್ಧ ವಿಮಾನ ಖರೀದಿ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ ಎಂದು ವರದಿಯಾಗಿದೆ. ಇನ್ನು ರಫೇಲ್‌ ಯುದ್ಧ ವಿಮಾನಗಳನ್ನೇ ಮುಂದಿನ ವರ್ಷದಿಂದ 'ಐಎನ್‌ಎಸ್‌ ವಿಕ್ರಾಂತ್‌' ನೌಕೆಯಲ್ಲಿ (ದೇಶೀಯ ಯುದ್ಧ ವಿಮಾನ ಕೊಂಡೊಯ್ಯಬಲ್ಲ ನೌಕೆ) ಅಳವಡಿಸಲು ನೌಕಾಪಡೆ ಗಂಭೀರ ಚಿಂತನೆ ನಡೆಸುತ್ತಿದೆ.
Admin
0
6
ಹೊಸದಿಲ್ಲಿ: ಜನವರಿ 2022ರ ವೇಳೆಗೆ ಭಾರತದ ವಾಯುಪಡೆಗೆ ಎಲ್ಲಾ 35 ರಫೇಲ್‌ ಯುದ್ಧ ವಿಮಾನಗಳು ಸೇರ್ಪಡೆಯಾಗಲಿದ್ದು, ಫ್ರಾನ್ಸ್‌ನಿಂದ ರಫೇಲ್‌ ಯುದ್ಧ ವಿಮಾನ ಖರೀದಿ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ. ಒಪ್ಪಂದದ ಭಾಗವಾಗಿ ಈಗಾಗಲೇ 26 ಯುದ್ಧ ವಿಮಾನಗಳನ್ನು ಪೂರೈಸಿದ್ದು, ಈ ಪೈಕಿ 24 ಭಾರತಕ್ಕೆ ಬಂದಿಳಿದಿವೆ.
ಇನ್ನೆರಡು ವಿಮಾನಗಳನ್ನು ವಾಯುಪಡೆ ಪೈಲಟ್‌ ಮತ್ತು ತಂತ್ರಜ್ಞರ ತರಬೇತಿಗಾಗಿ ಫ್ರಾನ್ಸ್‌ನಲ್ಲೇ ಇರಿಸಲಾಗಿದೆ. ಮುಂಬರುವ ಡಿಸೆಂಬರ್‌ ವೇಳೆಗೆ 9 ವಿಮಾನಗಳು ಭಾರತಕ್ಕೆ ತಲುಪಲಿವೆ. 2022ರ ಜನವರಿಯಲ್ಲಿ ಕೊನೆಯ ವಿಮಾನ ಫ್ರಾನ್ಸ್‌ನಿಂದ ಹಾರಲಿದ್ದು, ಸದ್ಯದಲ್ಲೇ ಉದ್ಘಾಟನೆಯಾಗಲಿರುವ ಪಶ್ಚಿಮ ಬಂಗಾಳದ ಹಾಶಿಮಾರಾ ವಾಯುನೆಲೆಯಲ್ಲಿ ಲ್ಯಾಂಡ್‌ ಆಗಲಿದೆ.
ಭಾರತದ ವಾಯುಪಡೆಗೆ ಆನೆ ಬಲ ತರಲಿವೆ ಎಂದು ಬಣ್ಣಿಸಲಾದ ರಫೇಲ್‌ ಯುದ್ಧ ವಿಮಾನಗಳನ್ನೇ ಮುಂದಿನ ವರ್ಷದಿಂದ 'ಐಎನ್‌ಎಸ್‌ ವಿಕ್ರಾಂತ್‌' ನೌಕೆಯಲ್ಲಿ (ದೇಶೀಯ ಯುದ್ಧ ವಿಮಾನ ಕೊಂಡೊಯ್ಯಬಲ್ಲ ನೌಕೆ) ಅಳವಡಿಸಲು ನೌಕಾಪಡೆ ಗಂಭೀರ ಚಿಂತನೆ ನಡೆಸುತ್ತಿದೆ. ಇದಕ್ಕಾಗಿ 'ರಫೇಲ್‌-ಎಂ' ಯುದ್ಧ ವಿಮಾನಕ್ಕೆ ನೌಕಾಪಡೆ ಬೇಡಿಕೆ ಇರಿಸಲಿದೆ. ವಾಯುಪಡೆಯು ಇನ್ನೂ 36 ರಫೇಲ್‌ಗಳಿಗೆ ಬೇಡಿಕೆ ಮಂಡಿಸಲು ನಿರ್ಧರಿಸಿದೆ.
