ಬಾಕ್ಸ್ ಆಫೀಸ್‌ನಲ್ಲಿ 'ಕಿಚ್ಚ' ಸುದೀಪ್ ಜಾದೂ; 'ಕೋಟಿಗೊಬ್ಬ 3' ಕಲೆಕ್ಷನ್ ರಿಪೋರ್ಟ್ ಇಲ್ಲಿದೆ!
ಕಿಚ್ಚ ಸುದೀಪ್, ಮಾಡೋನಾ, ರವಿಶಂಕರ್, ನವಾಬ್ ಶಾ ಮುಂತಾದವರು ನಟಿಸಿರುವ 'ಕೋಟಿಗೊಬ್ಬ 3' ಚಿತ್ರವು ರಾಜ್ಯಾದ್ಯಂತ ತೆರೆಕಂಡು ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಚಿತ್ರದ ಬಾಕ್ಸ್ ಆಫೀಸ್‌ ಕಲೆಕ್ಷನ್ ರಿಪೋರ್ಟ್ ಇಲ್ಲಿದೆ.
Admin
0
7
'ಕಿಚ್ಚ' ಅಭಿನಯದ '' ಸಿನಿಮಾವು ರಾಜ್ಯಾದ್ಯಂತ ತೆರೆಕಂಡಿದೆ. ಗುರುವಾರ ತೆರೆಗೆ ಬರಬೇಕಿದ್ದ ಈ ಸಿನಿಮಾ ಕಾರಣಾಂತರಗಳಿಂದ ಶುಕ್ರವಾರ (ಅ.15) ತೆರೆಗೆ ಬಂತು. ಹೀಗಿದ್ದರೂ ಕೂಡ ಸಿನಿಮಾ ಮೇಲಿನ ಕ್ರೇಜ್‌ ಅಭಿಮಾನಿಗಳಿಗೆ ಕಮ್ಮಿ ಆಗಿರಲಿಲ್ಲ. ಮೊದಲ ದಿನವೇ ಎಲ್ಲ ಕಡೆ ಕೋಟಿಗೊಬ್ಬ ಹೌಸ್ ಫುಲ್ ಪ್ರದರ್ಶನ ಕಂಡಿತು. ಸಿನಿಮಾ ವೀಕ್ಷಿಸಿದ ಅಭಿಮಾನಿಗಳು ಕೂಡ ಖುಷಿಪಟ್ಟರು. ದಸರಾ ಹಬ್ಬದ ಸಾಲು ಸಾಲು ರಜೆಗಳು ಚಿತ್ರಕ್ಕೆ ವರವಾಯಿತು. ಹಾಗಾದರೆ, ಈ ಸಿನಿಮಾ ಗಳಿಸಿರುವುದು ಎಷ್ಟು? ಬಾಕ್ಸ್ ಆಫೀಸ್‌ ಕಲೆಕ್ಷನ್ ಕುರಿತು ಮುಂದೆ ಓದಿ.
ಮೊದಲ ದಿನವೇ 12.50 ಕೋಟಿ ರೂ.!ರಾಜ್ಯಾದ್ಯಂತ ಸುಮಾರು 300ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ತೆರೆಕಂಡಿದೆ. ಮೊದಲ ದಿನವೇ ಎಲ್ಲ ಕಡೆ ಹೌಸ್ ಫುಲ್ ಪ್ರದರ್ಶನ ಕಂಡಿದ್ದರಿಂದ ಸುಮಾರು 12.50 ಕೋಟಿ ರೂ. ಗಲ್ಲಾಪೆಟ್ಟಿಗೆಯಲ್ಲಿ ಕಲೆಕ್ಷನ್ ಆಗಿದೆ ಎಂಬ ಮಾಹಿತಿ ಸಿಕ್ಕಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲವಾದರೂ, ಈ ಕುರಿತ ಪೋಸ್ಟರ್‌ವೊಂದು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಇನ್ನು, ಶನಿವಾರ ಕೂಡ ಯಥಾಸ್ಥಿತಿ ಕಾಯ್ದುಕೊಂಡಿರುವ 'ಕೋಟಿಗೊಬ್ಬ 3' ಎರಡನೇ ದಿನವೂ ಇದೇ ಪ್ರಮಾಣದ ಕಲೆಕ್ಷನ್ ಮಾಡಿರುವ ಸಾಧ್ಯತೆ ಇದೆ. ಭಾನುವಾರದ ಗಳಿಕೆಯೂ ಸೇರಿದರೆ, ವಾರಾಂತ್ಯದ ಗಳಿಕೆ ಅಂದಾಜು 30 ಕೋಟಿ ರೂ. ದಾಟುವ ಸಾಧ್ಯತೆ ಇದೆ.
ವಿತರಕರ ಮೇಲೆ ನಿರ್ಮಾಪಕರ ಕೋಪಇನ್ನು, ಗುರುವಾರವೇ ಸಿನಿಮಾ ರಿಲೀಸ್ ಆಗಿದ್ದರೆ, ನಿರ್ಮಾಪಕರಿಗೆ ಒಳ್ಳೆಯ ಕಲೆಕ್ಷನ್ ಸಿಗುತ್ತಿತ್ತು. ಆ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದ ನಿರ್ಮಾಪಕ ಸೂರಪ್ಪ ಬಾಬು, 'ಸಿನಿಮಾ ರಿಲೀಸ್ ಮಾಡದಿರಲು ಕೆಲವರು ಷಡ್ಯಂತ್ರ ಮಾಡಿದ್ದಾರೆ, ಅದರ ಹಿಂದೆ ಹಲವಾರು ಕಾರಣಗಳಿವೆ, ಅದು ಕಿಚ್ಚ ಸುದೀಪ್‌ಗೂ ಗೊತ್ತು. ವಿತರಕರು ಮೋಸ ಮಾಡಿದ್ದಾರೆ. ವಿತರಕರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುತ್ತೇನೆ. ಮಾನನಷ್ಟ ಮೊಕದ್ದಮೆ ದಾಖಲು ಮಾಡುತ್ತೇನೆ. ವಿತರಕರಿಂದ ನನಗೆ 7-10 ಕೋಟಿ ನಷ್ಟ ಉಂಟಾಗಿದೆ' ಎಂದು ಗರಂ ಆಗಿದ್ದರು.
ವಿತರಕರಿಂದ ದೂರು ದಾಖಲುಆದರೆ, ಈ ನಡುವೆ ಸೂರಪ್ಪ ಬಾಬು ವಿರುದ್ಧವೇ ವಿತರಕರು ದೂರು ದಾಖಲು ಮಾಡಿರುವ ಘಟನೆಯೂ ನಡೆದಿದೆ. ವಿತರಕ ಖಾಜಾಪೀರ್ ಅವರು ಈಗ ಸೂರಪ್ಪ ಬಾಬು ವಿರುದ್ಧ ದೂರು ನೀಡಿದ್ದು, ಎಫ್‌ಐಆರ್ ದಾಖಲಾಗಿದೆ. 'ಸೂರಪ್ಪ ಬಾಬು ನಮಗೆ ಧಮ್ಕಿ ಹಾಕಿ, ಬೆದರಿಸಿದ್ದಾರೆ. ಅವರು ತುಂಬಾ ಕೆಟ್ಟ ಭಾಷೆಯಲ್ಲಿ ಮಾತನಾಡಿದ್ದಾರೆ. ನನಗೆ, ನನ್ನ ಕುಟುಂಬಕ್ಕೆ ಏನಾದರೂ ತೊಂದರೆ ಆದರೆ ಅದಕ್ಕೆ 'ಕೋಟಿಗೊಬ್ಬ 3' ಸಿನಿಮಾ ನಿರ್ಮಾಪಕ ಸೂರಪ್ಪ ಬಾಬು ಅವರೇ ಕಾರಣ' ಎಂದಿದ್ದರು ಖಾಜಾಪೀರ್. ಇದೀಗ ಅವರು ಚಿತ್ರದುರ್ಗ ನಗರ ಪೊಲೀಸ್ ಠಾಣೆಯಲ್ಲಿ ಸೂರಪ್ಪ ಬಾಬು (ಎಂ.ಬಿ. ಬಾಬು) ವಿರುದ್ಧವೇ ದೂರು ದಾಖಲಿಸಿದ್ದಾರೆ. ಐಪಿಸಿ ಕಲಂ 504, 506 ಅಡಿಯಲ್ಲಿ ಪೊಲೀಸರು ಸೂರಪ್ಪ ಬಾಬು ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದಾರೆ.
