ಪ್ರಭಾಸ್ 'ಸಲಾರ್‌' ಅಡ್ಡದಲ್ಲಿ ಕಾಣಿಸಿಕೊಂಡ ಈ 'ರಾಜಮನಾರ್‌' ಯಾರು? ಕುತೂಹಲ ಹುಟ್ಟಿಸಿದ ಚಿತ್ರತಂಡ!

ಮತ್ತು ಕಾಂಬಿನೇಷನ್‌ನ '' ಸಿನಿಮಾಗೆ ಸದ್ದಿಲ್ಲದೇ ಶೂಟಿಂಗ್ ಕೆಲಸಗಳು ನಡೆಯುತ್ತಿವೆ. ಚಿತ್ರತಂಡ ಕೂಡ ಬಹುತೇಕ ಶೂಟಿಂಗ್ ಮುಗಿಸಿಕೊಂಡು, 2022ರ ಏಪ್ರಿಲ್‌ನಲ್ಲಿ ಸಿನಿಮಾವನ್ನು ತೆರೆಗೆ ತರಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಇದೀಗ ಚಿತ್ರದ ಕುರಿತು ಒಂದು ಅಪ್‌ಡೇಟ್ ಹೊರಬಿದ್ದಿದ್ದು, 'ರಾಜಮನಾರ್' ಅನ್ನೋ ಹೆಸರೊಂದು ಸಿನಿಪ್ರಿಯರ ತಲೆ ಕೆಡಿಸಿದೆ! ಅಷ್ಟಕ್ಕೂ ಏನಿದು ರಾಜಮನಾರ್? ಸೋಮವಾರ 'ರಾಜಮನಾರ್' ಪರಿಚಯ! 'ಸಲಾರ್' ಸಿನಿಮಾ ಮೇಲೆ ದೊಡ್ಡ ನಿರೀಕ್ಷೆ ಇಟ್ಟುಕೊಂಡಿರುವವರಿಗೆಲ್ಲ ಸೋಮವಾರ (ಆ.23) 'ರಾಜಮನಾರ್'ನ ಪರಿಚಯ ಮಾಡಿಕೊಡುವುದಾಗಿ ಚಿತ್ರತಂಡ ಹೇಳಿಕೊಂಡಿದೆ. ಹಲವು ದಿನಗಳಿಂದ 'ಸಲಾರ್‌' ಕುರಿತ ಅಪ್‌ಡೇಟ್‌ಗಾಗಿ ಕಾದುಕುಳಿತಿದ್ದ ಸಿನಿಪ್ರಿಯರಿಗೆ ಇದು ಸಖತ್ ಸುದ್ದಿಯಾಗಿದೆ. ಆದರೆ, ಎಲ್ಲರಿಗೂ ಕಾಡುತ್ತಿರುವ ಒಂದೇ ವಿಚಾರ ಏನೆಂದರೆ, ಏನಿದು 'ರಾಜಮನಾರ್' ಅನ್ನೋದು! ಇದು ಹೀರೋ ಪಾತ್ರವಾ? ಅಥವಾ ವಿಲನ್ನಾ? ಸದ್ಯ ಹೀಗೊಂದು ಚರ್ಚೆ ಶುರುವಾಗಿದೆ. ಇದುವರೆಗೂ 'ಸಲಾರ್'ನಲ್ಲಿ ಪ್ರಭಾಸ್ ಪಾತ್ರದ ಹೆಸರೇನು ಎಂಬುದನ್ನು ಎಲ್ಲಿಯೂ ಬಹಿರಂಗಪಡಿಸಿಲ್ಲ. ಬಹುಶಃ 'ಸಲಾರ್'ನಲ್ಲಿ ಪ್ರಭಾಸ್ ಪಾತ್ರದ ಹೆಸರು 'ರಾಜಮನಾರ್‌' ಇರಬಹುದಾ ಎಂಬ ಕುತೂಹಲ ಇದೆ. ಅಥವಾ ಈ ಸಿನಿಮಾದಲ್ಲಿ ಪ್ರಭಾಸ್ ಹೀರೋ ಎಂದಮೇಲೆ, ಅವರಿಗೆ ಸರಿಸಮಾನದ ವಿಲನ್ ಇರಲೇಬೇಕು. ಬಹುಶಃ ಆ ವಿಲನ್ ಪಾತ್ರದ ಹೆಸರು 'ರಾಜಮನಾರ್' ಎಂಬ ಚರ್ಚೆಯೂ ಜೋರಾಗಿ ಕೇಳಿಬಂದಿದೆ. ಇದೆಲ್ಲದಕ್ಕೂ ನಾಳೆ ಬೆಳಗ್ಗೆ 10.30ಕ್ಕೆ ಉತ್ತರ ಸಿಗಲಿದೆ. ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ, ಬಾಲಿವುಡ್‌ ನಟ ಮನೋಜ್ ಬಾಜ್‌ಪೇಯಿ 'ಸಲಾರ್'ನಲ್ಲಿ ಖಳನಾಯಕನ ಪಾತ್ರ ಮಾಡಲಿದ್ದಾರೆ ಎನ್ನಲಾಗಿದೆ. ಸದ್ಯ ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲವಾದರೂ, ಹೀಗೊಂದು ಮಾಹಿತಿ ಕೇಳಿಬಂದಿದೆ. ಈ ಹಿಂದೆ ಜಾನ್ ಅಬ್ರಾಹಂ ಹೆಸರು ಕೂಡ ಕೇಳಿಬಂದಿತ್ತು. ಇನ್ನು, ವಿಲನ್ ಪಾತ್ರಕ್ಕಾಗಿ ವಿಶೇಷವಾಗಿ ಬೃಹತ್ ಮನೆಯ ಸೆಟ್‌ ಅನ್ನು ನಿರ್ಮಿಸಲಾಗುತ್ತಿದೆ. ಇದೇ ಸೆಟ್‌ನಲ್ಲೇ ವಿಲನ್ ಭಾಗದ ಪ್ರಮುಖ ದೃಶ್ಯಗಳನ್ನು ಚಿತ್ರೀಕರಿಸಲಾಗುತ್ತದೆ. ಈ ಬೃಹತ್ ಮನೆಯ ಸೆಟ್‌ಗಾಗಿ ಭಾರೀ ಹಣವನ್ನು ಖರ್ಚು ಮಾಡಲಾಗುತ್ತಿದೆ. ವಿಜಯ್ ಕಿರಗಂದೂರು ನಿರ್ಮಾಣದ 'ಸಲಾರ್‌'ಗೆ ರವಿ ಬಸ್ರೂರ್ ಸಂಗೀತ ನೀಡುತ್ತಿದ್ದಾರೆ. ಭುವನ್ ಗೌಡ ಛಾಯಾಗ್ರಹಣವಿರುವ 'ಸಲಾರ್'ಗೆ ಬಹುತೇಕ ಹೈದರಾಬಾದ್‌ನಲ್ಲೇ ಶೂಟಿಂಗ್ ನಡೆಯುತ್ತಿದೆ. ಪ್ರಭಾಸ್‌ಗೆ ನಾಯಕಿಯಾಗಿ ಶ್ರುತಿ ಹಾಸನ್ ಅಭಿನಯಿಸುತ್ತಿದ್ದಾರೆ.