'ಅಪ್ಪು ಇಲ್ಲ ಎಂಬ ನೋವು ಯಾವಾಗಲೂ ಮನಸ್ಸಿನರಲ್ಲಿತ್ತೆ, ಅದ್ರ ಜತೆಗೆ ಬದುಕಬೇಕು'- ಶಿವಣ್ಣ

'ಹ್ಯಾಟ್ರಿಕ್ ಹೀರೋ' ಶುಕ್ರವಾರ (ನ.26) ಮೈಸೂರಿನ ವುಡ್‌ಲ್ಯಾಂಡ್‌ ಚಿತ್ರಮಂದಿರಕ್ಕೆ ಭೇಟಿ ನೀಡಿ ಅಭಿಮಾನಿಗಳ ಜತೆ '' ಚಿತ್ರ ವೀಕ್ಷಿಸಿದರು. ಅವರ ಭಾವಚಿತ್ರಕ್ಕೆ ಶಿವರಾಜ್‌ಕುಮಾರ್ ಪುಷ್ಪನಮನ ಸಲ್ಲಿಸಿದರು. ಈ ವೇಳೆ ಪುನೀತ್ ರಾಜ್‌ಕುಮಾರ್ ಹಾಗೂ ನಟ ಶಿವಣ್ಣನಿಗೆ ಅಭಿಮಾನಿಗಳು ಜೈಕಾರ ಕೂಗಿದರು. ನಂತರ ಅಭಿಮಾನಿಗಳ ಜೊತೆ ನಟ ಶಿವಣ್ಣ 'ಭಜರಂಗಿ 2' ಚಿತ್ರವನ್ನು ವೀಕ್ಷಿಸಿದರು. 'ಅಪ್ಪುವಿನದ್ದು ಸುಂದರ ಆತ್ಮ. ಅವನಿಲ್ಲ ಅನ್ನೋ ನೋವು ಸದಾ ಕಾಡುತ್ತೆ. ಉತ್ತಮ ಕೆಲಸವನ್ನ ಮಾಡುವ ಮೂಲಕ ಅವನನ್ನ ಜೀವಂತವಾಗಿ ಇಟ್ಟುಕೊಳ್ಳಬೇಕು ಅಂತ ತಿಳಿಸಿದ್ರು. ಅಭಿಮಾನಿಗಳು ಧೈರ್ಯ ಕಳೆದುಕೊಳ್ಳಬಾರದು. ಪೈರಸಿ ತಡೆಯಲು ಎಲ್ಲರೂ ಒಗ್ಗಟ್ಟು ಪ್ರದರ್ಶಿಸಬೇಕು. ಜೇಮ್ಸ್ ಸಿನಿಮಾಗೆ ಡಬ್ಬಿಂಗ್ ಮಾಡುವ ಬಗ್ಗೆ ಬಗ್ಗೆ ಮಾತುಕತೆ ನಡೆದಿದೆ. ಅಪ್ಪುಗೆ ಹೊಂದಿಕೆ ಆಗುವಂತಹ ಧ್ವನಿ ಇದ್ದರೆ ನೋಡಿ ಎಂದು ಹೇಳಿರುವೆ. ಯಾರೂ ಸಿಗದೇ ಇದ್ದರೆ ನಾನು ಕೊಡುವೆ. ನನ್ನ ಧ್ವನಿ ಅಪ್ಪುಗೆ ಅಷ್ಟೊಂದು ಹೊಂದಿಕೆ ಆಗೋದಿಲ್ಲ ಎನಿಸುತ್ತದೆ' ಎಂದು ಶಿವಣ್ಣ ಹೇಳಿದ್ದಾರೆ. ಅಪ್ಪು ಅಗಲಿಕೆಯ ನೋವಿನಲ್ಲೂ ಅವರು ಅಭಿಮಾನಿಗಳ ಜೊತೆ ಬೆರೆತು ಸಿನಿಮಾ ವೀಕ್ಷಣೆ ಮಾಡಿದರು. 'ಭಜರಂಗಿ 2' ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದೆ. 'ಭಜರಂಗಿ’, ‘ವಜ್ರಕಾಯ’ ನಂತರ ನಟ ಶಿವರಾಜ್‌ಕುಮಾರ್ ಹಾಗೂ ನಿರ್ದೇಶಕ ಎ. ಹರ್ಷ ‘ಭಜರಂಗಿ 2’ಗಾಗಿ ಮತ್ತೆ ಒಂದಾಗಿದ್ದರು. ಈ ಸಿನಿಮಾ ಮೂಲಕ ಹರ್ಷ ಪ್ರೇಕ್ಷಕರ ಎದುರು ಮತ್ತೊಂದು ಫ್ಯಾಂಟಸಿ ಜಗತ್ತನ್ನು ತೆರೆದಿಟ್ಟಿದ್ದಾರೆ. ಮಂತ್ರ-ತಂತ್ರ, ಧನ್ವಂತರಿ, ಪುನರ್ಜನ್ಮ ಹೀಗೆ ನಾನಾ ವಿಚಾರಗಳನ್ನು ಈ ಸಿನಿಮಾ ಮೂಲಕ ಹೇಳುವ ಪ್ರಯತ್ನ ಮಾಡಿದ್ದಾರೆ. ಈ ಸಿನಿಮಾ ರಿಲೀಸ್ ಆದ ದಿನವೇ ನಟ ಪುನೀತ್ ರಾಜ್ ಕುಮಾರ್ ನಿಧನರಾದರು. ಅವರ ಅಗಲಿ ತಿಂಗಳು ತುಂಬುತ್ತಿದ್ದರೂ, ಅವರ ಅಗಲಿಕೆಯ ನೋವು ಇನ್ನೂ ಎಲ್ಲರನ್ನೂ ಕಾಡುತ್ತಿದೆ. ಶಕ್ತಿಧಾಮಕ್ಕೆ ಭೇಟಿ ನೀಡಿದ ಶಿವಣ್ಣನಟ ಪುನೀತ್ ರಾಜ್‌ಕುಮಾರ್ ಅವರ ನಿಧನದ ಬಳಿಕ ಮೊದಲ ಬಾರಿಗೆ ಮೈಸೂರಿನ ಶಕ್ತಿಧಾಮಕ್ಕೆ ನಟ ಶಿವರಾಜ್‌ಕುಮಾರ್ ಮತ್ತು ಅವರ ಪತ್ನಿ ಗೀತಾ ಭೇಟಿ ನೀಡಿ, ಅಲ್ಲಿನ ಮಕ್ಕಳ ಯೋಗಕ್ಷೇಮ ವಿಚಾರಿಸಿದ್ದಾರೆ. ಈ ವೇಳೆ ಟ್ರಸ್ಟ್ ಅಧ್ಯಕ್ಷೆಯೂ ಆಗಿರುವ ಗೀತಾ ಶಿವರಾಜ್‌ ಕುಮಾರ್ ನೇತೃತ್ವದಲ್ಲಿ ಶಕ್ತಿಧಾಮ ನಿರ್ವಹಣೆ ಕುರಿತಂತೆ ಧರ್ಮದರ್ಶಿಗಳ ಸಭೆ ನಡೆಯಿತು. ಸಭೆಯಲ್ಲಿ ಟ್ರಸ್ಟ್ ಉಪಾಧ್ಯಕ್ಷ, ನಿವೃತ್ತ ಐಪಿಎಸ್ ಅಧಿಕಾರಿ ಕೆಂಪಯ್ಯ, ಮ್ಯಾನೇಜಿಂಗ್ ಟ್ರಸ್ಟಿ ಜಯದೇವ್, ಖಜಾಂಚಿ ಸುಮನಾ ಸೇರಿದಂತೆ ಟ್ರಸ್ಟ್ ಪದಾಧಿಕಾರಿಗಳು ಭಾಗಿಯಾಗಿದ್ದರು.150 ಮಕ್ಕಳ ಆರೈಕೆ, ಶಿಕ್ಷಣ ಕುರಿತಂತೆ ಸಭೆಯಲ್ಲಿ ಚರ್ಚಿಸಲಾಯಿತು. ಶಕ್ತಿಧಾಮಕ್ಕೆ ನಟ ಪುನೀತ್ ರಾಜ್‌ಕುಮಾರ್ ದೊಡ್ಡಮಟ್ಟದಲ್ಲಿ ಸಹಾಯಹಸ್ತ ಚಾಚಿದ್ದರು.