ನಯನತಾರಾ ಜೊತೆಗೆ ಕಿಸ್ ಮಾಡುವ ಫೋಟೋ ಹಂಚಿಕೊಳ್ಳಿ ಎಂದವನಿಗೆ ವಿಘ್ನೇಶ್ ಹೀಗಾ ಹೇಳೋದು?
ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ ವಿಘ್ನೇಶ್ ಶಿವನ್ ನೀಡಿರುವ ಉತ್ತರ ಎಲ್ಲರ ಕಣ್ಣರಳಿಸಿದೆ.
Admin
0
6
ಕಾಲಿವುಡ್‌ನ ಲೇಡಿ ಸೂಪರ್ ಸ್ಟಾರ್ ಹಾಗೂ ನಿರ್ದೇಶಕ ಪರಸ್ಪರ ಪ್ರೀತಿಸುತ್ತಿರುವ ಸಂಗತಿ ಗುಟ್ಟಾಗಿ ಉಳಿದಿಲ್ಲ. ಎಲ್ಲಾ ಕಡೆ ಕೈ-ಕೈ ಹಿಡಿದುಕೊಂಡು ಓಡಾಡುತ್ತಿರುವ ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಸದ್ಯದಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.
ಕೊರೊನಾ ವೈರಸ್ ಸೋಂಕು ತಗ್ಗಿದ ಬಳಿಕ ಮದುವೆಯಾಗುವುದಾಗಿ ಹಾಗೂ ಮದುವೆಯಾಗಲು ಹಣ ಕೂಡಿಡುತ್ತಿರುವುದಾಗಿ ಇತ್ತೀಚೆಗಷ್ಟೇ ನಿರ್ದೇಶಕ ವಿಘ್ನೇಶ್ ಶಿವನ್ ಹೇಳಿದ್ದರು. ಇದೀಗ ಮತ್ತೊಂದು ವಿಷಯಕ್ಕೆ ವಿಘ್ನೇಶ್ ಶಿವನ್ ಸುದ್ದಿಯಾಗಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ ವಿಘ್ನೇಶ್ ಶಿವನ್ ನೀಡಿರುವ ಉತ್ತರ ಎಲ್ಲರ ಕಣ್ಣರಳಿಸಿದೆ.
ಅಭಿಮಾನಿ ಕೇಳಿದ ಪ್ರಶ್ನೆ ಏನು?
''ನೀವು ಮತ್ತು ನಯನತಾರಾ ಕಿಸ್ ಮಾಡುತ್ತಿರುವ ಫೋಟೋವನ್ನು ಹಂಚಿಕೊಳ್ಳಿ'' ಎಂದು ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಯೊಬ್ಬ ಬೇಡಿಕೆ ಇಟ್ಟಿದ್ದ. ಈ ಪ್ರಶ್ನೆಗೆ ನಯನತಾರಾ ಬಾಯ್‌ಫ್ರೆಂಡ್ ಹಾಗೂ ನಿರ್ದೇಶಕ ವಿಘ್ನೇಶ್ ಶಿವನ್ ಕೊಟ್ಟಿರುವ ಉತ್ತರವೇನು ಗೊತ್ತಾ?
ವಿಘ್ನೇಶ್ ಶಿವನ್ ನೀಡಿದ ಉತ್ತರ...
''ನಯನತಾರಾ ಜೊತೆಗೆ ನೀವು ಕಿಸ್ ಮಾಡುತ್ತಿರುವ ಫೋಟೋ ಹಂಚಿಕೊಳ್ಳಿ'' ಎಂದವನಿಗೆ, ''ಆ ಸಮಯದಲ್ಲಿ ನಾನು ಬಿಜಿಯಿರುತ್ತೇನೆ. ಮುತ್ತು ಕೊಡುವ ವೇಳೆ ಬೇರೊಬ್ಬರು ಫೋಟೋ ಕ್ಲಿಕ್ ಮಾಡಬೇಕಾಗುತ್ತದೆ'' ಎಂದು ವಿಘ್ನೇಶ್ ಶಿವನ್ ಉತ್ತರಿಸಿದ್ದಾರೆ.
ಅಂದ್ಹಾಗೆ, 'ನಾನುಮ್ ರೌಡಿ ಧಾನ್' ಚಿತ್ರದಲ್ಲಿ ಕೆಲಸ ಮಾಡುವ ವೇಳೆ ನಿರ್ದೇಶಕ ವಿಘ್ನೇಶ್ ಶಿವನ್ ಹಾಗೂ ನಯನತಾರಾ ಮಧ್ಯೆ ಪ್ರೀತಿ ಚಿಗುರಿತು. ಈಗಾಗಲೇ ವಿಘ್ನೇಶ್ ಶಿವನ್ ಮತ್ತು ನಯನತಾರಾ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರಂತೆ ಎಂಬ ಅಂತೆ-ಕಂತೆಯೂ ಕೇಳಿಬರುತ್ತಿದೆ. ಆದರೆ, ಈ ಬಗ್ಗೆಯೂ ವಿಘ್ನೇಶ್ ಶಿವನ್ ಆಗಲಿ, ನಯನತಾರಾ ಆಗಲಿ ತುಟಿಕ್ ಪಿಟಿಕ್ ಎಂದಿಲ್ಲ.
