'ನಾನು ಮತ್ತೊಮ್ಮೆ ಸಾನ್ವಿ ಪಾತ್ರ ಮಾಡಲ್ಲ' ಎಂದಿದ್ದೇಕೆ 'ಕಿರಿಕ್ ಪಾರ್ಟಿ' ರಶ್ಮಿಕಾ ಮಂದಣ್ಣ?

ನಟಿ ಈಗ ಬಹುಭಾಷಾ ನಟಿ. ಚಿತ್ರರಂಗಕ್ಕೆ ಕಾಲಿಟ್ಟ ಐದೇ ವರ್ಷದಲ್ಲಿ 4 ಭಾಷೆಗಳ ಸ್ಟಾರ್ ನಟರ ಜೊತೆಗೆ ಬಣ್ಣದ ಹೆಚ್ಚುಗಾರಿಕೆ ಅವರದ್ದು. ಅಂದಹಾಗೆ, ಅವರು ಬಣ್ಣದ ಲೋಕ್ಕೆ ಕಾಲಿಟ್ಟಿದ್ದು 2016ರಲ್ಲಿ ತೆರೆಕಂಡ '' ಚಿತ್ರದಿಂದ. ಅದರಲ್ಲಿ ಅವರು ಸಾನ್ವಿ ಎಂಬ ಕ್ಯೂಟ್ ಆದ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಅದರಿಂದ ಅವರಿಗೆ ಭಾರಿ ಜನಪ್ರಿಯತೆಯೇ ಸಿಕ್ಕಿತ್ತು. ಇದೀಗ ಅವರು ಮತ್ತೊಮ್ಮೆ ಸಾನ್ವಿ ಪಾತ್ರ ಮಾಡಲ್ಲ ಎಂದಿದ್ದಾರಂತೆ. ಅದಕ್ಕೆ ಕಾರಣವೇನು? ಅವರೇಕೆ ಮತ್ತೊಮ್ಮೆ ಸಾನ್ವಿ ಪಾತ್ರ ಮಾಡಬೇಕು? ಇಲ್ಲಿದೆ ಉತ್ತರ! ಹಿಂದಿಗೆ ಕಿರಿಕ್ ಪಾರ್ಟಿ ರಿಮೇಕ್‌ ಕಿರಿಕ್ ಪಾರ್ಟಿ ಹಿಟ್ ಆಗುತ್ತಿದ್ದಂತೆಯೇ, ತೆಲುಗಿಗೆ ಅದನ್ನು ರಿಮೇಕ್ ಮಾಡಲಾಯ್ತು. ಕನ್ನಡದಲ್ಲಿ ನಟಿಸಿದ್ದ ಸಂಯುಕ್ತಾ ಹೆಗ್ಡೆ ತೆಲುಗು ರಿಮೇಕ್‌ನಲ್ಲೂ ಬಣ್ಣ ಹಚ್ಚಿದ್ದರು. ನಂತರ ಈ ಸಿನಿಮಾ ಹಿಂದಿಗೂ ರಿಮೇಕ್ ಆಗುವ ಕುರಿತು ಮಾತು ಕೇಳಿಬಂತು. ಕಾರ್ತಿಕ್ ಆರ್ಯನ್ ಹಿಂದಿ ರಿಮೇಕ್‌ನಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಿದ್ದರು. ಆನಂತರ ಅದ್ಯಾಕೋ ಮುಂದುವರಿಯಲಿಲ್ಲ. ಸದ್ಯ ರಶ್ಮಿಕಾ ಹಿಂದಿಗೂ ಕಾಲಿಟ್ಟಿರುವುದರಿಂದ, ಒಂದುವೇಳೆ ಕಿರಿಕ್ ಪಾರ್ಟಿ ಹಿಂದಿ ರಿಮೇಕ್‌ಗೆ ನೀವು ಆಯ್ಕೆಯಾದರೆ ನಟಿಸುತ್ತೀರಾ ಎಂಬ ಪ್ರಶ್ನೆ ಅವರಿಗೆ ಎದುರಾಗಿದೆ. ಅದಕ್ಕೆ ರಶ್ಮಿಕಾ ನೀಡಿದ ಉತ್ತರ ಏನು ಗೊತ್ತಾ? ನಾನು ರಿಮೇಕ್‌ನಲ್ಲಿ ನಟಿಸಲ್ಲ 'ನಾನು ಕಿರಿಕ್ ಪಾರ್ಟಿ' ರಿಮೇಕ್‌ನಲ್ಲಿ ನಟಿಸಲ್ಲ. ಒಮ್ಮೆ ಆ ಪಾತ್ರದಲ್ಲಿ ಅಭಿನಯಿಸುವ ಮೂಲಕ ಅದರ ಭಾವನೆಗಳನ್ನು ಫೀಲ್ ಮಾಡಿದ್ದೇನೆ. ಮತ್ತೆ ಅದನ್ನೇ ಮಾಡಿದರೆ ಹೊಸತನ ನೀಡಲು ನನ್ನ ಬಳಿ ಏನೂ ಇರುವುದಿಲ್ಲ. ಹೊಸ ಹೊಸ ಕಥೆಗಳ ಮೂಲಕ ಹೊಸ ಅನುಭವವನ್ನು ಪಡೆಯುವ ಅವಕಾಶ ಎದುರು ಇರುವಾಗ ನಾನೇಕೆ ಮತ್ತೆ ಹಳೆಯ ಅನುಭವಕ್ಕೆ ಗಂಟುಬೀಳಲಿ? ಒಂದು ಸಲ ಆ ಪಾತ್ರ ಮಾಡಿದ ಮೇಲೆ ಅಲ್ಲಿಂದ ಮುಂದೆ ಸಾಗುತ್ತೇನೆ. ಹೊಸ ಕಥೆಗಳನ್ನು ಹೇಳುತ್ತ, ಹೊಸ ಪಾತ್ರಗಳನ್ನು ಮಾಡಬೇಕು. ಕಿರಿಕ್ ಪಾರ್ಟಿ ಮಾತ್ರವಲ್ಲದೆ, ನನ್ನದೇ ಬೇರೆ ಯಾವ ಸಿನಿಮಾಗಳ ರಿಮೇಕ್ನಲ್ಲಿಯೂ ನಾನು ನಟಿಸುವುದಿಲ್ಲ' ಎಂದು ರಶ್ಮಿಕಾ ಹೇಳಿದ್ದಾರೆ. ಸದ್ಯ ರಶ್ಮಿಕಾ ಹಿಂದಿಯಲ್ಲಿ 'ಮಿಷನ್ ಮಜ್ನು' ಸಿನಿಮಾ ಒಪ್ಪಿಕೊಂಡಿದ್ದಾರೆ. ಅದರಲ್ಲಿ ಅವರೊಂದಿಗೆ ಸಿದ್ದಾರ್ಥ್‌ ಮಲ್ಹೋತ್ರ ನಟಿಸುತ್ತಿದ್ದಾರೆ. ಅಮಿತಾಭ್ ಬಚ್ಚನ್ ಜೊತೆಗೆ ಗುಡ್ ಬೈ ಅನ್ನೋ ಸಿನಿಮಾವನ್ನು ಕೂಡ ರಶ್ಮಿಕಾ ಒಪ್ಪಿಕೊಂಡಿದ್ದಾರೆ. ಇನ್ನುಳಿದಂತೆ ಅಲ್ಲು ಅರ್ಜುನ್ ಜೊತೆಗೆ 'ಪುಷ್ಪ' ಕೂಡ ರಶ್ಮಿಕಾ ಖಾತೆಯಲ್ಲಿದೆ.