ತೈಲ ದರ ಹೆಚ್ಚಳದ ಪರಿಣಾಮ: ಸಗಟು ಗಣದುಬ್ಬರ ಶೇ.11.39ಕ್ಕೆ ಏರಿಕೆ!

ಹೊಸದಿಲ್ಲಿ: ಸಗಟು ಹಣದುಬ್ಬರದ ಪ್ರಮಾಣವು ಕಳೆದ ಆಗಸ್ಟ್‌ನಲ್ಲಿ ಶೇ.11.39ಕ್ಕೆ ಏರಿಕೆಯಾಗಿದೆ. ರಿಟೇಲ್‌ ಇಳಿಮುಖವಾಗಿದ್ದು, ಇದಕ್ಕೆ ವ್ಯತಿರಿಕ್ತವಾಗಿ ಆಗಸ್ಟ್‌ನಲ್ಲಿ ಹೋಲ್‌ಸೇಲ್‌ ಹಣದುಬ್ಬರ ಏರಿಕೆಯಾಗಿದೆ. ಆಹಾರೇತರ ವಸ್ತುಗಳು, ಖನಿಜಗಳು, ತೈಲ ದರ ಹೆಚ್ಚಳದ ಪರಿಣಾಮ ಏರುಗತಿಯಲ್ಲಿದೆ. 2021ರ ಜುಲೈನಲ್ಲಿ ಸಗಟು ಹಣದುಬ್ಬರ ಶೇ.11.16ರಷ್ಟಿದೆ. ತರಕಾರಿಗಳ ದರ ಇಳಿಕೆಯ ಪರಿಣಾಮ, ರಿಟೇಲ್‌ ಹಣದುಬ್ಬರ ಆಗಸ್ಟ್‌ನಲ್ಲಿ ಶೇ.5.3ಕ್ಕೆ ಇಳಿಕೆಯಾಗಿತ್ತು. '' ಲೋಹಗಳು, ವಾಹನಗಳು, ರಾಸಾಯನಿಕ, ಎಲೆಕ್ಟ್ರಿಕಲ್‌ ಸಾಧನಗಳ ದರಗಳ ದರಗಳು ಆಗಸ್ಟ್‌ನಲ್ಲಿ ಏರಿಕೆಯಾಗಿವೆ'' ಎಂದು ಐಸಿಆರ್‌ಎ ಮುಖ್ಯಸ್ಥರಾದ ಅದಿತಿ ನಾಯರ್‌ ತಿಳಿಸಿದ್ದಾರೆ. ಚಿಲ್ಲರೆ ಹಣದುಬ್ಬರ ಇಳಿಕೆ ಭಾರತದ ಚಿಲ್ಲರೆ ಹಣದುಬ್ಬರ ಕಳೆದ ಆಗಸ್ಟ್‌ನಲ್ಲಿ ಶೇ.5.3ಕ್ಕೆ ಇಳಿಮುಖವಾಗಿದೆ. ಆಗಸ್ಟ್ನ ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ)ದ ಆಧಾರದಲ್ಲಿ ಚಿಲ್ಲರೆ ಹಣದುಬ್ಬರವನನ್ನು ಅಳೆಯಲಾಗುತ್ತದೆ. ಆಹಾರ ವಸ್ತುಗಳ ಬೆಲೆಗಳು ಇಳಿಕೆಯಾದ ಕಾರಣ ಚಿಲ್ಲರೆ ಹಣದುಬ್ಬರವೂ ಇಳಿಕೆಯಾಗಿದೆ. ಕೋವಿಡ್‌ ಬಿಕ್ಕಟ್ಟಿನ ನಂತರ ಕುಸಿತಕ್ಕೀಡಾಗಿದ್ದ ಆರ್ಥಿಕ ಚಟುವಟಿಕೆಗಳ ಬೇಡಿಕೆಯು ಲಾಕ್‌ಡೌನ್‌ ತೆರವಿನ ನಂತರ ಚೇತರಿಸಿಕೊಳ್ಳುತ್ತಿದೆ. ಪೂರೈಕೆ ಕೂಡ ಸುಗಮವಾಗುತ್ತಿದ್ದು, ಚಿಲ್ಲರೆ ಹಣದುಬ್ಬರ ಜುಲೈನಲ್ಲಿದ್ದ ಶೇ.5.59ರಿಂದ ಶೇ.5.3ಕ್ಕೆ ತಗ್ಗಿದೆ. ಸತತ ಎರಡು ತಿಂಗಳಿನಿಂದ ಹಣದುಬ್ಬರ ಶೇ.4 ಮತ್ತು 6ರ ನಡುವೆ ಇದ್ದು, ಆರ್‌ಬಿಐ ಪ್ರಕಾರ ಸುರಕ್ಷತೆಯ ಮಟ್ಟದಲ್ಲಿದೆ. ಆಹಾರ ದರಗಳು ಈ ತಿಂಗಳು ಶೇ.3.11ರಷ್ಟು ತಗ್ಗಿದೆ. ಇದು ಚಿಲ್ಲರೆ ಹಣದುಬ್ಬರದ ಇಳಿಕೆಗೂ ಕಾರಣವಾಗಿದೆ. ಆರ್‌ಬಿಐ ಗವರ್ನರ್‌ ಶಕ್ತಿಕಾಂತ ದಾಸ್‌ ಪ್ರಕಾರ, ಶೇ. 2-6ರ ನಡುವಣ ಹಣದುಬ್ಬರ ಸುರಕ್ಷತೆಯ ಮಟ್ಟವಾಗಿದೆ. ಕಾಲ ಕ್ರಮೇಣ ಶೇ.4ಕ್ಕೆ ಹಣದುಬ್ಬರವನ್ನು ನಿಯಂತ್ರಿಸುವ ಗುರಿ ಹೊಂದಲಾಗಿದೆ. ಜುಲೈನಲ್ಲಿ ಶೇ.5.59ಕ್ಕೆ ತಗ್ಗಿದ್ದ ಚಿಲ್ಲರೆ ಹಣದುಬ್ಬರ ಕಳೆದ ಜುಲೈನಲ್ಲಿ ಚಿಲ್ಲರೆ ಹಣದುಬ್ಬರ ಶೇ.5.59ಕ್ಕೆ ಇಳಿಕೆಯಾಗಿದ್ದು, ಮುಖ್ಯವಾಗಿ ಆಹಾರ ವಸ್ತುಗಳ ದರ ಇಳಿಕೆ ಇದಕ್ಕೆ ಕಾರಣವಾಗಿದೆ ಎಂದು ಸರಕಾರ ಬಿಡುಗಡೆಗೊಳಿಸಿದ ಅಂಕಿ ಅಂಶಗಳು ತಿಳಿಸಿವೆ. ಮತ್ತೊಂದು ಕಡೆ ಕಾರ್ಖಾನೆಗಳಲ್ಲೂ ಜೂನ್‌ನಲ್ಲಿ ಉತ್ಪಾದನೆಯ ಪ್ರಮಾಣ ಶೇ.13.6ರಷ್ಟು ಏರಿಕೆಯಾಗಿದ್ದು, ಆರ್ಥಿಕ ಚಟುವಟಿಕೆಗಳು ಚೇತರಿಸಿರುವುದನ್ನು ಬಿಂಬಿಸಿದೆ. ಉತ್ಪಾದನೆ, ಗಣಿಗಾರಿಕೆ, ವಿದ್ಯುತ್‌ ವಲಯದಲ್ಲಿ ಪ್ರಗತಿ ದಾಖಲಾಗಿದೆ. ಗ್ರಾಹಕ ದರ ಆಧಾರಿತ ಹಣದುಬ್ಬರ ಸೂಚ್ಯಂಕ ಕಳೆದ ಜೂನ್‌ನಲ್ಲಿ ಶೇ.6.26 ಹಾಗೂ 2020ರ ಜುಲೈನಲ್ಲಿ ಶೇ.6.73ರಷ್ಟಿತ್ತು. ರಾಷ್ಟ್ರೀಯ ಅಂಕಿ ಅಂಶಗಳ ಕಚೇರಿ ಬಿಡುಗಡೆಗೊಳಿಸಿದ ಅಂಕಿ ಅಂಶಗಳ ಪ್ರಕಾರ, ಆಹಾರ ವಸ್ತುಗಳ ಹಣದುಬ್ಬರ ಕಳೆದ ಜುಲೈನಲ್ಲಿ ಶೇ.3.96ಕ್ಕೆ ತಗ್ಗಿದೆ. ಈ ಹಿಂದೆ ಆರ್‌ಬಿಐ 2020-22ಕ್ಕೆ ಚಿಲ್ಲರೆ ಹಣದುಬ್ಬರ ಅಂದಾಜನ್ನು ಶೇ.5.70ಕ್ಕೆ ನಿಗದಿಪಡಿಸಿತ್ತು. ಇದಕ್ಕೆ ಹೋಲಿಸಿದರೆ ಜುಲೈನಲ್ಲಿ ಹಣದುಬ್ಬರ ನಿಯಂತ್ರಣಕ್ಕೆ ಬಂದಂತಾಗಿದೆ. ರಿಸರ್ವ್‌ ಬ್ಯಾಂಕ್‌ ಪ್ರಕಾರ ಹಣದುಬ್ಬರವು ಶೇ.4ಕ್ಕಿಂತ 2 ಪರ್ಸೆಂಟ್‌ ಹೆಚ್ಚು ಅಥವಾ ಕಡಿಮೆ ಮಟ್ಟದಲ್ಲಿ ಇರಬಹುದು. ಅದಕ್ಕಿಂತ ಹೆಚ್ಚು ಅಥವಾ ಕಡಿಮೆ ಸೂಕ್ತವಲ್ಲ. ಹೀಗಾಗಿ ಹಣದುಬ್ಬರ ಸುರಕ್ಷಿತ ಮಟ್ಟಕ್ಕೆ ತಲುಪಿದಂತಾಗಿದೆ. ಈ ವರ್ಷ ಉಕ್ಕು, ಸಿಮೆಂಟ್‌, ಕಚ್ಚಾ ತೈಲ ದರ ಹೆಚ್ಚಳದ ಪರಿಣಾಮ ಹಣದುಬ್ಬರ ಏರಿಕೆಯಾಗಿತ್ತು.