ಫ್ಯೂಚರ್ ಗ್ರೂಪ್ ಒಪ್ಪಂದ ವಿವಾದ: ರಿಲಯನ್ಸ್ ವಿರುದ್ಧದ ಕಾನೂನು ಕದನದಲ್ಲಿ ಅಮೆಜಾನ್‌ಗೆ ಗೆಲುವು
ರಿಲಯನ್ಸ್ ರೀಟೇಲ್ ಮತ್ತು ಫ್ಯೂಚರ್ ಗ್ರೂಪ್ ನಡುವಿನ 24,731 ಕೋಟಿ ರೂಪಾಯಿ ಒಪ್ಪಂದ ವಿರೋಧಿಸಿ ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ದ ಅಮೆಜಾನ್‌ಗೆ ಕಾನೂನು ಸಮರದಲ್ಲಿ ಜಯ ಸಿಕ್ಕಿದೆ.
Admin
0
7
ಹೊಸದಿಲ್ಲಿ: ಸಂಸ್ಥೆ ಹಾಗೂ ಇ-ಕಾಮರ್ಸ್ ದಿಗ್ಗಜ ನಡುವಿನ ಕಾನೂನು ಸಮರದಲ್ಲಿ ಅಮೆಜಾನ್ ಗೆಲುವಿನ ನಗೆ ಬೀರಿದೆ. ಫ್ಯೂಚರ್ ಸಮೂಹದ ರೀಟೇಲ್ ಆಸ್ತಿಗಳನ್ನು ಖರೀದಿಸುವ 3.4 ಬಿಲಿಯನ್ ಡಾಲರ್ ಒಪ್ಪಂದವನ್ನು ರಿಲಯನ್ಸ್ ಮುಂದುವರಿಸುವಂತಿಲ್ಲ ಎಂದು ಶುಕ್ರವಾರ ತೀರ್ಪಿತ್ತಿದೆ.
ತನ್ನ ಪಾಲುದಾರನಾಗಿರುವ ಫ್ಯೂಚರ್ ಗ್ರೂಪ್, ರೀಟೇಲ್ ಆಸ್ತಿಯನ್ನು ಚಿಲ್ಲರೆ ಮಾರುಕಟ್ಟೆ ದಿಗ್ಗಜ ರಿಲಯನ್ಸ್ ಇಂಡಸ್ಟ್ರೀಸ್‌ಗೆ 24,731 ಕೋಟಿ ರೂಪಾಯಿಗೆ ಮಾರಾಟ ಮಾಡಲು ಕಳೆದ ವರ್ಷ ಮಾಡಿಕೊಂಡಿದ್ದ ಒಪ್ಪಂದಕ್ಕೆ ಆಕ್ಷೇಪ ವ್ಯಕ್ತಪಡಿಸಿ ಅಮೆಜಾನ್ ಕೋರ್ಟ್ ಮೆಟ್ಟಿಲೇರಿತ್ತು. ಈ ಒಪ್ಪಂದದಲ್ಲಿ ಯಾವುದೇ ತಪ್ಪೂ ನಡೆದಿಲ್ಲ ಎಂದು ವಾದಿಸಿತ್ತು.
ರಿಲಯನ್ಸ್ ರೀಟೇಲ್ ಜತೆ ವಿಲೀನವಾಗುವ ಪ್ರಕ್ರಿಯೆಯನ್ನು ಮುಂದುವರಿಸದಂತೆ ಫ್ಯೂಚರ್ ಸಮೂಹಕ್ಕೆ 2020ರ ಅಕ್ಟೋಬರ್‌ನಲ್ಲಿ ಸಿಂಗಪುರ ತುರ್ತು ನ್ಯಾಯಪ್ರಾಧಿಕಾರ ನಿರ್ಬಂಧ ವಿಧಿಸಿತ್ತು. ಈ ನಿರ್ದೇಶನ ಸೂಕ್ತವಾಗಿದೆ ಎಂದು ಸುಪ್ರೀಂಕೋರ್ಟ್ ಹೇಳಿದೆ. ಸಿಂಗಪುರ ನ್ಯಾಯಮಂಡಳಿ ಇನ್ನೂ ಅಂತಿಮ ತೀರ್ಪು ಪ್ರಕಟಿಸಿಲ್ಲ.
ಈ ಆದೇಶವು ಜಾರಿಯಾಗಬಹುದು ಎಂದು ದಿಲ್ಲಿ ಹೈಕೋರ್ಟ್ ಏಕಸದಸ್ಯ ಪೀಠ ಹೇಳಿತ್ತು. ಅಲ್ಲದೆ, ಫ್ಯೂಚರ್ ಸಮೂಹದ ಕಿಶೋರ್ ಬಿಯಾನಿ ಅವರ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಬಹುದು ಹಾಗೂ ಅವರಿಗೆ ಮೂರು ತಿಂಗಳ ಜೈಲು ಶಿಕ್ಷೆ ಏಕೆ ವಿಧಿಸಬಾರದು ಎಂದು ಕೇಳಿತ್ತು. ಆದರೆ, ಏಕ ಸದಸ್ಯ ಪೀಠದ ತೀರ್ಪಿಗೆ ವಿಭಾಗೀಯ ಪೀಠ ಫೆಬ್ರವರಿಯಲ್ಲಿ ತಡೆ ನೀಡಿತ್ತು. ಇದನ್ನು ಅಮೆಜಾನ್ ಸುಪ್ರೀಂಕೋರ್ಟ್‌ನಲ್ಲಿ ಪ್ರಶ್ನಿಸಿತ್ತು.
ತಾನು 2019ರಲ್ಲಿ ಫ್ಯೂಚರ್ ಜತೆ ಮಾಡಿಕೊಂಡಿದ್ದ ಒಪ್ಪಂದದ ಪ್ರಕಾರ ಅದು ತನ್ನ ರೀಟೇಲ್ ಆಸ್ತಿಗಳನ್ನು ರಿಲಯನ್ಸ್ ಸೇರಿದಂತೆ ನಿರ್ಬಂಧದ ಪಟ್ಟಿಯಲ್ಲಿರುವ ವ್ಯಕ್ತಿಗಳಿಗೆ ಮಾರಾಟ ಮಾಡುವಂತಿಲ್ಲ ಎಂದು ವಾದಿಸಿತ್ತು. 2019ರಲ್ಲಿ ಫ್ಯೂಚರ್ ಗ್ರೂಪ್‌ನಲ್ಲಿ ಅಮೆರಿಕದ ಅಮೆಜಾನ್ ಹೂಡಿಕೆ ಮಾಡಿತ್ತು. ಈ ಮೂಲಕ ಫ್ಯೂಚರ್ ಕೂಪನ್ಸ್ ಲಿಮಿಟೆಡ್‌ನ ಶೇ 49ರಷ್ಟು ಪಾಲನ್ನು ಪಡೆದಿತ್ತು. ಇದರಲ್ಲಿ ಫ್ಯೂಚರ್ ರೀಟೇಲ್‌ನಲ್ಲಿ ಶೇ 9.82ರಷ್ಟು ಷೇರು ಒಳಗೊಂಡಿತ್ತು.
1,700ಕ್ಕೂ ಅಧಿಕ ಮಳಿಗೆಗಳನ್ನು ಹೊಂದಿರುವ ಭಾರತದ ಎರಡನೇ ಅತಿ ದೊಡ್ಡ ಚಿಲ್ಲರೆ ಮಾರಾಟಗಾರ ಫ್ಯೂಚರ್, ಮುರಿದುಬಿದ್ದರೆ ತಾನು ದಿವಾಳಿಯಾಗುವುದಾಗಿ ಹೇಳಿತ್ತು.
