ಕೋವಿಡ್‌ ಸೋಂಕಿತರ ಪ್ರಾಣ ರಕ್ಷಣೆಗೆ ಇಸ್ರೋದಿಂದ 3 ವಿಧದ ವೆಂಟಿಲೇಟರ್ ಅಭಿವೃದ್ಧಿ

ಬೆಂಗಳೂರು: (ಇಸ್ರೋ) ಸೋಂಕು ನಿಯಂತ್ರಿಸುವ ನಿಟ್ಟಿನಲ್ಲಿ ಮಹತ್ವದ ಕೊಡುಗೆ ನೀಡಿದೆ. ಇದುವರೆಗೆ ಒಟ್ಟು ಮೂರು ವಿಧದ ವೆಂಟಿಲೇಟರ್‌ಗಳನ್ನು ಅಭಿವೃದ್ಧಿಪಡಿಸಿದೆ. ಅಲ್ಲದೆ ಕೈಗಾರಿಗೆಗಳಿಗೆ ಈ ತಂತ್ರಜ್ಞಾನ ವರ್ಗಾವಣೆಗೆ ಸಿದ್ಧವಿರುವುದಾಗಿ ಘೋಷಿಸಿದೆ. ಕಡಿಮೆ ವೆಚ್ಚದ ಹಾಗೂ ಸಲುಭವಾಗಿದೆ ಸಾಗಿಸಬಹುದಾದ 'ಪೋರ್ಟಬಲ್ ಕ್ರಿಟಿಕಲ್ ಕೇರ್ ' ಗೆ ಇಸ್ರೋ "ಪ್ರಾಣ" (ಪ್ರೋಗ್ರಾಮಬಲ್ ರೆಸ್ಪಿರೇಟರಿ ಅಸಿಸ್ಟೆನ್ಸ್ ಫಾರ್ ನೀಡಿ ಏಯ್ಡ್‌ ) ಎಂದು ಹೆಸರಿಸಿದೆ. ಇದು ಕೃತಕ ಮ್ಯಾನ್ಯುವಲ್ ಉಸಿರಾಟ ಘಟಕ ಚೀಲದ ಸ್ವಯಂಚಾಲಿತ ಕಂಪ್ರೆಷನ್ ಆಧಾರದಲ್ಲಿ ಕೆಲಸ ಮಾಡಲಿದೆ. ಈ ವ್ಯವಸ್ಥೆಗೆ ಅತ್ಯಾಧುನಿಕ ನಿಯಂತ್ರಣ ವ್ಯವಸ್ಥೆ ಅಳವಡಿಸಲಾಗಿದ್ದು, ಏರ್ ವೇ ಪ್ರೆಷರ್ ಸೆನ್ಸರ್, ಫ್ಲೋ, ಸೆನ್ಸರ್, ಆಕ್ಸಿಜನ್ ಸೆನ್ಸರ್, ಸರ್ವೋ ಆಕ್ಯೂವೇಟರ್ ಹಾಗೂ (ಪಾಸಿಟೀವ್ ಎಂಡ್ ಎಕ್ಸಿರೇಟರ್‌ ಪ್ರೆಷರ್) ನಿಯಂತ್ರಕ ವಾಲ್ವ್ ಗಳನ್ನು ಹೊಂದಿದೆ. ವೆಂಟಿಲೇಷನ್ ಮೋಡ್‌ಅನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದ್ದು, ಟಚ್ ಸ್ಕ್ರೀನ್ ಪ್ಯಾನಲ್ ಹಾಗೂ ಮಾನಿಟರ್ ಗಳ ಮೂಲಕ ಆಮ್ಲಜನಕ ಪೂರೈಕೆಯನ್ನು ಅಗತ್ಯಕ್ಕೆ ತಕ್ಕಂತೆ ಬಳಸಿಕೊಳ್ಳುವ ಸೌಲಭ್ಯ ಹಂದಿದೆ. ಇಸ್ರೋ ಅಭಿವೃದ್ಧಿಪಡಿಸಿರುವ ವೆಂಟಿಲೇಟರ್‌ಗಳು ಅಗತ್ಯವಿರುವ ಮಟ್ಟಕ್ಕೆ ಆಕ್ಸಿಜನ್‌ಅನ್ನು ಪೂರೈಕೆ ಮಾಡಲಿದೆ. ವಿದ್ಯುತ್ ಪೂರೈಕೆ ವ್ಯತ್ಯಯವಾದಾಗ ಬ್ಯಾಟರಿ ಬ್ಯಾಕ್ ಅಪ್ ಹೊಂದಿರುವುದು ಈ ವೆಂಟಿಲೇಟರ್‌ಗಳ ವಿಶೇಷತೆ. ಇಸ್ರೋ ಅಭಿವೃದ್ಧಿಪಡಿಸಿರುವ "ಪ್ರಾಣ" ಇನ್ವಾಸೀವ್ ಹಾಗೂ ಇನ್ವಾಸೀವ್ ರಹಿತ ವೆಂಟಿಲೇಷನ್ ಮೋಡ್ ಹೊಂದಿದೆ. ವೆಂಟಿಲೇಟರ್ ನಿಯಂತ್ರಿತ ಉಸಿರಾಟ ನೀಡುವ ಹಾಗೂ ರೋಗಿಯ ಸ್ಪಂದನೆಗೆ ತಕ್ಕಂತೆ ಉಸಿರಾಟ ನೀಡುವ ವ್ಯವಸ್ಥೆ ಹೊಂದಿದೆ. ಇಸ್ರೋ ಸಿದ್ಧಪಡಿಸಿರುವ ವೆಂಟಿಲೇಟರ್‌ಗಳಲ್ಲಿ ಬ್ಯಾಕ್ಟೀರಿಯಾ ಹಾಗೂ ವೈರಾಣು ನಿರ್ಮೂಲನೆಗೂ ವ್ಯವಸ್ಥೆ ಕಲ್ಪಿಸಲಾಗಿದೆ. ಬ್ಯಾಕ್ಟೀರಿಯಾ, ವೈರಸ್‌ ತಡೆಗಟ್ಟಲು ಫಿಲ್ಟರ್ ಗಳನ್ನು ಅಳವಡಿಕೆ ಮಾಡಲಾಗಿದೆ. ಇನ್ನು ಐಸಿಯು ಶ್ರೇಣಿಯ ಪಾಸಿಟೀವ್ ಪ್ರೆಷರ್ ಮೆಕಾನಿಕಲ್ ವೆಂಟಿಲೇಟರ್ "VaU" (ಅಬ್ರಿವೇಷನ್ ಆಫ್ ವೆಂಟಿಲೇಷನ್ ಅಸಿಸ್ಟ್ ಯೂನಿಟ್) ಉಸಿರಾಟದ ತೊಂದರೆಯಲ್ಲಿ ರೋಗಿಗಳಲ್ಲಿ ಸ್ವಾಭಾವಿಕ ಉಸಿರಾಟವನ್ನು ಕಲ್ಪಿಸಲು ಸಹಕಾರಿಯಾಗಲಿದೆ. ಇನ್ನು ಗ್ಯಾಸ್ ಚಾಲಿತ ವೆಂಟಿಲೇಟರ್ ಸ್ಪೇಸ್ ವೆಂಟಿಲೇಟರ್ ಏಡೆಡ್ ಫಾರ್ ಟ್ರಾಮಾ ಅಸಿಸ್ಟೆನ್ಸ್ (ಸ್ವಾಸ್ತ) ನಾನ್ ಇನ್ವಾಸೀವ್ ವೆಂಟಿಲೇಷನ್ ನ ಮೂಲ ವಿಧಾನದ ವೆಂಟಿಲೇಟರ್ ಆಗಿದ್ದು, ತುರ್ತು ಪರಿಸ್ಥಿತಿಗಳಲ್ಲಿ ಬಳಕೆ ಮಾಡಬಹುದಾಗಿದ್ದಾಗಿದೆ. ವಾಹನಗಳ ಒಳಗೆ ಸಂಚಾರಿ ವೆಂಟಿಲೇಟರ್‌ಗಳಾಗಿ ಬಳಕೆ ಮಾಡಿಕೊಳ್ಳಬಹುದಾಗಿದೆ ಎಂದು ಇಸ್ರೋ ಹೇಳಿದೆ.