ಹೆದ್ದಾರಿಗಳನ್ನು ಹೇಗೆ ಪದೇ ಪದೇ ತಡೆಯಲು ಸಾಧ್ಯ?: ರೈತರ ಪ್ರತಿಭಟನೆ ಕುರಿತು ಸುಪ್ರೀಂಕೋರ್ಟ್ ಪ್ರಶ್ನೆ

ಹೊಸದಿಲ್ಲಿ: ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವ ರೈತರು ರಾಜಧಾನಿ ದಿಲ್ಲಿಗೆ ಸಂಪರ್ಕಿಸುವ ಹೆದ್ದಾರಿಗಳನ್ನು ಪದೇ ಪದೇ ತಡೆಯುತ್ತಿರುವ ಬಗ್ಗೆ ಗುರುವಾರ ಅಸಮಾಧಾನ ವ್ಯಕ್ತಪಡಿಸಿದೆ. ಹೀಗೆ ನಿರಂತರವಾಗಿ ಹೆದ್ದಾರಿಗಳನ್ನು ತಡೆಯಲು ಹೇಗೆ ಸಾಧ್ಯ? ನ್ಯಾಯಾಲಯ ರೂಪಿಸಿದ ಕಾನೂನನ್ನು ಅನುಷ್ಠಾನಗೊಳಿಸುವುದು ಕಾರ್ಯಾಂಗದ ಕರ್ತವ್ಯ ಎಂದು ಹೇಳಿದೆ. 'ನ್ಯಾಯಾಂಗದ ಮೂಲಕ, ಪ್ರತಿಭಟನೆ ಅಥವಾ ಸಂಸದೀಯ ಚರ್ಚೆಗಳ ಮೂಲಕ ಪರಿಹಾರಗಳನ್ನು ಕಂಡುಕೊಳ್ಳಬಹುದು. ಆದರೆ ಹೆದ್ದಾರಿಗಳನ್ನು ಹೇಗೆ ತಡೆಯಬಹುದು? ಅದೂ ನಿರಂತರವಾಗಿ ನಡೆಯುತ್ತಿದೆ? ಇದಕ್ಕೆ ಕೊನೆ ಎಂದು? ಎಂದು ನ್ಯಾಯಮೂರ್ತಿ ಎಸ್‌ಕೆ ಕೌಲ್ ನೇತೃತ್ವದ ದ್ವಿಸದಸ್ಯ ಪೀಠ ಗುರುವಾರ ಪ್ರಶ್ನಿಸಿದೆ. ಕಾರಣದಿಂದ ಸಂಚಾರ ಮಾಡುವುದು ಬಹಳ ಕಷ್ಟವಾಗುತ್ತಿದೆ. ದಿಲ್ಲಿಗೆ ತಲುಪಲು ಈ ಮುಂಚೆ ಕೇವಲ 20 ನಿಮಿಷ ಸಾಲುತ್ತಿತ್ತು. ಆದರೆ ಗಡಿಯಲ್ಲಿನ ಯುಪಿ ಗೇಟ್‌ನಲ್ಲಿ ರಸ್ತೆ ತಡೆಗಳಿಂದ ಎರಡು ಗಂಟೆಗೂ ಹೆಚ್ಚು ಸಮಯ ಬೇಕಾಗುತ್ತಿದೆ ಎಂದು ನೋಯ್ಡಾ ನಿವಾಸಿಯೊಬ್ಬರು ಸಲ್ಲಿಸಿದ್ದ ಅರ್ಜಿ ವಿಚಾರಣೆ ವೇಳೆ ಅದು ಈ ಹೇಳಿಕೆ ನೀಡಿದೆ. ಸಂಚಾರಕ್ಕೆ ಮುಕ್ತಗೊಳಿಸಲು ರಸ್ತೆಗಳನ್ನು ಸರ್ಕಾರ ಹೇಗೆ ತೆರವುಗೊಳಿಸುತ್ತಿದೆ ಎಂಬ ಬಗ್ಗೆ ಸರ್ಕಾರದಿಂದ ವಿವರಣೆ ಬಯಸಿರುವುದಾಗಿ ನ್ಯಾಯಮೂರ್ತಿ ಎಂಎಂ ಸುಂದರೇಶ್ ಅವರನ್ನು ಒಳಗೊಂಡ ನ್ಯಾಯಪೀಠ ಕೇಳಿದೆ. ದಿಲ್ಲಿಯ ಯುಪಿ ಗೇಟ್ ಗಡಿಯಲ್ಲಿ ದಿಲ್ಲಿ-ಉತ್ತರ ಪ್ರದೇಶ ರಸ್ತೆ ತಡೆಯನ್ನು ತೆರವುಗೊಳಿಸುವ ಸಂಬಂಧ ಸಲ್ಲಿಸಿದ್ದ ಅರ್ಜಿ ವಿಚಾರವಾಗಿ ರೈತ ಸಂಘಟನೆಗಳನ್ನು ಎದುರಾಳಿಗಳನ್ನಾಗಿಸಿ ಔಪಚಾರಿಕ ಅರ್ಜಿ ಸಲ್ಲಿಸುವಂತೆ ಕೇಂದ್ರ ಸರ್ಕಾರಕ್ಕೆ ಸುಪ್ರೀಂಕೋರ್ಟ್ ಸೂಚಿಸಿತು. ಈ ವಿಚಾರವಾಗಿ ಸರ್ಕಾರ ಏನು ಮಾಡುತ್ತಿದೆ ಎಂದು ಹೆಚ್ಚುವರಿ ಸಾಲಿಸಿಟರ್ ಜನರಲ್ ಕೆಎಂ ನಟರಾಜ್ ಅವರನ್ನು ನ್ಯಾಯಪೀಠ ಪ್ರಶ್ನಿಸಿತು. ಪ್ರತಿಭಟನಾ ನಿರತ ರೈತರಿಗೆ ಈ ಬಗ್ಗೆ ಸಭೆ ಮೂಲಕ ಈಗಾಗಲೇ ಮನವರಿಕೆ ಮಾಡಲಾಗಿತ್ತು. ಅದರ ವಿವರಗಳನ್ನು ಅಫಿಡವಿಟ್‌ನಲ್ಲಿ ಉಲ್ಲೇಖಿಸಲಾಗಿದೆ ಎಂದು ಅವರು ತಿಳಿಸಿದರು. 'ನಾವು ಕಾನೂನೊಂದನ್ನು ರೂಪಿಸಿದ್ದೇವೆ. ಆದರೆ ಅದನ್ನು ಹೇಗೆ ಜಾರಿಗೊಳಿಸಬೇಕು ಎನ್ನುವುದು ನಿಮಗೆ ಬಿಟ್ಟ ಸಂಗತಿ. ಅದನ್ನು ಜಾರಿಗೊಳಿಸುವುದು ನ್ಯಾಯಾಲಯದ ಕೆಲಸವಲ್ಲ. ಅದನ್ನು ಅನುಷ್ಠಾನಕ್ಕೆ ತರುವುದು ಕಾರ್ಯಾಂಗದ ಕರ್ತವ್ಯ' ಎಂದು ನ್ಯಾಯಮೂರ್ತಿ ಕೌಲ್ ಹೇಳಿದರು. 'ನಾವು ಕಾನೂನು ರೂಪಿಸಿದಾಗ ಅದು ಅತಿಕ್ರಮಣವಾಗುತ್ತದೆ ಮತ್ತು ಕಾರ್ಯಾಂಗದ ಅಧಿಕಾರದಲ್ಲಿ ಹಸ್ತಕ್ಷೇಪ ಮಾಡುತ್ತಿದ್ದೇವೆ ಎಂದು ನೀವು ಆರೋಪಿಸುತ್ತೀರಿ. ಇದರಲ್ಲಿ ಹಲವು ವಿಭಾಗಗಳಿವೆ ನಿಜ. ಆದರೆ ಪರಿಹರಿಸಬೇಕಾದ ಸಮಸ್ಯೆಗಳಿವೆ. ಇದು ಪದೇ ಪದೇ ತಲೆದೋರುವ ಸಮಸ್ಯೆಯಾಗಬಾರದು' ಎಂದು ಅವರು ಸೂಚಿಸಿದರು. ಮೂವರು ಸದಸ್ಯರ ಉನ್ನತ ಮಟ್ಟದ ಸಮಿತಿಯನ್ನು ರಚಿಸಲಾಗಿತ್ತು. ಅದರ ಕುರಿತು ಚರ್ಚಿಸಲು ರೈತರನ್ನು ಆಹ್ವಾನಿಸಲಾಗಿತ್ತು. ಆದರೆ ಅವರು ಸಭೆಯಲ್ಲಿ ಪಾಲ್ಗೊಳ್ಳಲು ನಿರಾಕರಿಸಿದ್ದಾರೆ ಎಂದು ಸಾಲಿಸಿಟರ್ ಜನರಲ್ ತುಷಾರ್ ಮೆಹ್ತಾ ಹೇಳಿದರು. ಈ ಸಮಸ್ಯೆ ಪರಿಹರಿಸಲು ಯಾವ ಕ್ರಮಗಳನ್ನು ತೆಗೆದುಕೊಂಡಿದ್ದೀರಿ ಎಂಬ ವಿವರಗಳನ್ನು ನೀಡಿ ಎಂದಿರುವ ಕೋರ್ಟ್, ಅಕ್ಟೋಬರ್ 4ಕ್ಕೆ ವಿಚಾರಣೆಯನ್ನು ಮುಂದೂಡಿತು.