ಕ್ರಿಪ್ಟೋ ನಾಣ್ಯ ಕರೆನ್ಸಿಯಲ್ಲ! ಒಂದು ಆಸ್ತಿಯಾಗಿ ಪರಿಗಣಿಸಲು ಕೇಂದ್ರ ನಿರ್ಧಾರ?
ಭಾರತದಲ್ಲಿ ಕ್ರಿಪ್ಟೋಕರೆನ್ಸಿಗಳಿಗೆ ಅಧಿಕೃತ ಮಾನ್ಯತೆ ನೀಡಲಾಗುವುದೇ ಎಂಬ ಕುರಿತು ವ್ಯಾಪಕ ಚರ್ಚೆ ನಡೆಯುತ್ತಿದೆ. ಸರ್ಕಾರವು ಕ್ರಿಪ್ಟೋಕರೆನ್ಸಿಗಳ ಮೇಲೆ ಪೂರ್ಣ ನಿಷೇಧ ಹೇರಲು ಸಾಧ್ಯವಿಲ್ಲ. ಬದಲಿಗೆ ಜಾಣತನದ ಕ್ರಮ ಅನುಸರಿಸಲಿದೆ ಎನ್ನಲಾಗಿದೆ.
Admin
0
5
ಬೆಂಗಳೂರು: ಭಾರತದಲ್ಲಿ ಕ್ರಿಪ್ಟೋಕರೆನ್ಸಿಗಳಿಗೆ ಅಧಿಕೃತ ಮಾನ್ಯತೆ ನೀಡಲಾಗುವುದೇ ಎಂಬ ಕುರಿತು ವ್ಯಾಪಕ ಚರ್ಚೆ ನಡೆಯುತ್ತಿದೆ. ಸರ್ಕಾರವು ಕ್ರಿಪ್ಟೋಕರೆನ್ಸಿಗಳ ಮೇಲೆ ಪೂರ್ಣ ನಿಷೇಧ ಹೇರಲು ಸಾಧ್ಯವಿಲ್ಲ. ಬದಲಿಗೆ ಜಾಣತನದ ಕ್ರಮ ಅನುಸರಿಸಲಿದೆ ಎನ್ನಲಾಗಿದೆ.
ಕ್ರಿಪ್ಟೋ ನಾಣ್ಯಗಳಿಗೆ ದೇಶದ ಕರೆನ್ಸಿಯಾಗಿ ಅಧಿಕೃತ ಮಾನ್ಯತೆ ನೀಡದೇ ಇದ್ದರೂ, ಇವುಗಳನ್ನು ಷೇರು, ಚಿನ್ನ ಅಥವಾ ಬಾಂಡ್‌ಗಳಂತೆ ಒಂದು ಆಸ್ತಿಯಾಗಿ ಪರಿಗಣಿಸಲು ಅವಕಾಶ ದೊರೆಯಲಿದೆ.
ಆರ್‌ಬಿಐ ಸೇರಿದಂತೆ ಭಾರತದ ಸರಕಾರವು ಮೊದಲಿನಿಂದಲೂ ಕ್ರಿಪ್ಟೋ ಕಂಪನಿಗಳನ್ನು ನಿಲ್ಲಿಸುವ ಕುರಿತು ಪ್ರಯತ್ನಿಸಿವೆ. ಆದರೆ, ಕ್ರಿಪ್ಟೋ ಹೂಡಿಕೆದಾರರು ಕ್ರಿಪ್ಟೋ ಕರೆನ್ಸಿಗಳನ್ನು ಬ್ಯಾನ್ ಮಾಡದಂತೆ ಕೇಳಿಕೊಂಡಿದ್ದಾರೆ. ಕ್ರಿಪ್ಟೋ ನಾಣ್ಯಗಳನ್ನು ಕರೆನ್ಸಿ ಎಂದು ಪರಿಗಣಿಸದಿದ್ದರೂ, ಇವುಗಳನ್ನು ಒಂದು ಆಸ್ತಿಯಾಗಿ ಪರಿಗಣಿಸುವಂತೆ ಮನವಿ ಮಾಡಿಕೊಳ್ಳಲಾಗಿದೆ. ಈ ಹಿನ್ನೆಲೆಯಲ್ಲಿ ಕ್ರಿಪ್ಟೋಕರೆನ್ಸಿಗಳನ್ನು ವರ್ಚುವಲ್‌ ಹಣವಾಗಿ ಬಳಸಬೇಕೆ? ವಸ್ತುವಾಗಿ ಅಥವಾ ಆಸ್ತಿಯಾಗಿ ಪರಿಗಣಿಸಬೇಕೆ? ಎಂಬ ಕುರಿತು ಸರಕಾರ ನಿರ್ಧರಿಸಲಿದೆ.
ದೇಶದಲ್ಲಿ ಪ್ರಸ್ತುತ ಕ್ರಿಪ್ಟೋಕರೆನ್ಸಿಗಳ ಮೇಲೆ ಯಾವುದೇ ನಿಯಂತ್ರಣಗಳಿಲ್ಲ. ಇದರಿಂದ ಇದು ಅಕ್ರಮ ಹಣ ವರ್ಗಾವಣೆ (ಮನಿ ಲಾಂಡರಿಂಗ್‌), ಹಾಗೂ ಭಯೋತ್ಪಾದನೆ, ಮಾದಕ ವಸ್ತುಗಳ ಸರಬರಾಜಿನಂತಹ ಚಟುವಟಿಕೆಗಳಿಗೆ ಹಣ ಪೂರೈಕೆಯ ಮಾರ್ಗವಾಗಬಹುದು ಎಂಬ ಆರೋಪಗಳೂ ಕೇಳಿಬರುತ್ತಿವೆ. ಈ ಸಂಬಂಧ ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಚರ್ಚೆಗಳೂ ನಡೆದಿವೆ.
ವಹಿವಾಟುಗಳಿಗೆ ಅಥವಾ ಪಾವತಿಗಳನ್ನು ಮಾಡಲು ಕ್ರಿಪ್ಟೋಕರೆನ್ಸಿಗಳ ಬಳಕೆಯನ್ನು ಕೇಂದ್ರ ಸರ್ಕಾರ ನಿರ್ಬಂಧಿಸಬಹುದು. ಆದರೆ ಅವುಗಳನ್ನು ಚಿನ್ನ, ಷೇರುಗಳು ಅಥವಾ ಬಾಂಡ್‌ಗಳಂತಹ ಸ್ವತ್ತುಗಳಾಗಿ ಇರಿಸಿಕೊಳ್ಳಲು ಅವಕಾಶ ನೀಡುತ್ತದೆ ಎಂದು ಎಕನಾಮಿಕ್ ಟೈಮ್ಸ್ ಬುಧವಾರ ವರದಿ ಮಾಡಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಇದುವರೆಗೆ ಕ್ರಿಪ್ಟೋ ಕರೆನ್ಸಿಗಳನ್ನು ಸ್ವೀಕರಿಸಲು ಸಿದ್ಧವಿರಲಿಲ್ಲ. ಆರ್ಥಿಕ ಸ್ಥಿರತೆ ಮತ್ತು ಬಂಡವಾಳ ನಿಯಂತ್ರಣಗಳ ಸಂಭವನೀಯ ಅಪಾಯಗಳ ಬಗ್ಗೆ ಆರ್‌ಬಿಐ ಕಳವಳ ವ್ಯಕ್ತಪಡಿಸಿದೆ. ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಅವರು, ಕ್ರಿಪ್ಟೋಕರೆನ್ಸಿಗಳ ವಿಷಯದ ಬಗ್ಗೆ ಭಾರತಕ್ಕೆ ಹೆಚ್ಚು ಆಳವಾದ ಚರ್ಚೆಗಳ ಅಗತ್ಯವಿದೆ ಎಂದು ಹೇಳಿದ್ದಾರೆ.
ಸಂಪುಟದ ಅನುಮೋದನೆಗಾಗಿ ಸರ್ಕಾರವು ಕ್ರಿಪ್ಟೋ ಮಸೂದೆಯನ್ನು ತರಬಹುದು. ನವೆಂಬರ್ 29ರಂದು ಆರಂಭವಾಗಲಿರುವ ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಹೊಸ ಮಸೂದೆಯನ್ನು ಮಂಡಿಸಬಹುದು ಎಂದು ವರದಿ ಹೇಳಿದೆ.
ಆರ್‌ಬಿಐ ಮತ್ತು ಕ್ರಿಪ್ಟೋ ವಹಿವಾಟುದಾರರ ಸಭೆ
ಭಾರತದಲ್ಲಿ ಕ್ರಿಪ್ಟೋ ಕರೆನ್ಸಿಗಳ ಬಳಕೆ ಹೆಚ್ಚುತ್ತಿರುವಂತೆ, ಇದರ ಬಗ್ಗೆ ಆರ್‌ಬಿಐ ಹಾಗೂ ಕ್ರಿಪ್ಟೋ ಕರೆನ್ಸಿ ವಹಿವಾಟುದಾರರ ನಡುವೆ ಇತ್ತೀಚೆಗಷ್ಟೇ ಸಭೆ ನಡೆದಿದೆ.
ಈ ಸಭೆಯಲ್ಲಿ ಕ್ರಿಪ್ಟೋ ಕರೆನ್ಸಿಗಳ ಬಗ್ಗೆ ಹಲವು ಆಯಾಮಗಳಲ್ಲಿ ಚರ್ಚಿಸಲಾಗಿದೆ. ಕ್ರಿಪ್ಟೋ ಕರೆನ್ಸಿಗಳನ್ನು ಪೂರೈಸುತ್ತಿರುವವರು ಯಾರು? ಭಾರತದಲ್ಲಿಇದರ ಮೈನಿಂಗ್‌ ನಡೆಯುತ್ತಿದೆಯೇ? ಭಾರತದಲ್ಲಿಎಷ್ಟು ಕ್ರಿಪೊ್ಟಕರೆನ್ಸಿಗಳು ಇವೆ? ಅವುಗಳಲ್ಲಿಯಾವುದಕ್ಕೆ ಮಾನ್ಯತೆ ನೀಡಬುದು? ಹೂಡಿಕೆದಾರರ ರಕ್ಷಣೆಗೆ ಏನು ಕ್ರಮಗಳಿವೆ? ಇತ್ಯಾದಿ ಪ್ರಶ್ನೆಗಳನ್ನು ಕೇಳಲಾಯಿತು. ಒಂದು ವೇಳೆ ಕ್ರಿಪೊ್ಟ ಕರೆನ್ಸಿಗಳನ್ನು ನಿಯಂತ್ರಕ ವ್ಯವಸ್ಥೆಗೆ ತಂದರೆ ಏನು ಮಾಡಬೇಕು ಎಂಬುದರ ಬಗ್ಗೆ ಚರ್ಚಿಸಲಾಯಿತು.
