ಬಂಪರ್‌ ಐಪಿಒ ಎಫೆಕ್ಟ್‌, 350 ಪೇಟಿಎಂ ಉದ್ಯೋಗಿಗಳೀಗ ಕೋಟ್ಯಧಿಪತಿಗಳು!

ಹೊಸದಿಲ್ಲಿ: ದೇಶದ ಪ್ರಮುಖ ಮೊಬೈಲ್‌ ಪೇಮೆಂಟ್ ಪ್ಲಾಟ್‌ಫಾರ್ಮ್‌ ಪೇಟಿಎಂನ (ಆರಂಭಿಕ ಷೇರು ಕೊಡುಗೆ) ಪರಿಣಾಮ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ ಹಾಗೂ ಮಾಜಿ ಉದ್ಯೋಗಿಗಳು ಸೇರಿದಂತೆ 350 ಮಂದಿ ಏಕಾಏಕಿ ಮಿಲಿಯನೇರ್‌ಗಳಾಗುತ್ತಿದ್ದಾರೆ. ಆರಂಭಿಕ ಷೇರು ಕೊಡುಗೆ ರೂಪದಲ್ಲಿ 18,300 ಕೋಟಿ ರೂ. ಮೊತ್ತದ ಷೇರುಗಳನ್ನು ಪೇಟಿಯಂ ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದು, ನವೆಂಬರ್‌ 18 ರಂದು ಗುರುವಾರ ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್‌ ಆಗಲಿದೆ. ಇದರೊಂದಿಗೆ ಪೇಟಿಎಂನಲ್ಲಿನ ಈ 350 ಉದ್ಯೋಗಿಗಳು ಹೊಂದಿರುವ ಷೇರುಗಳ ಮೌಲ್ಯ ಕನಿಷ್ಠ 1 ಕೋಟಿ ರೂ. ಆಗಲಿದೆ ಎಂದು ವರದಿಯಾಗಿದೆ. ಎಲೆಕ್ಟ್ರಾನಿಕ್ಸ್‌ ಎಂಜಿನಿಯರ್‌ ಸಿದ್ಧಾರ್ಥ್‌ ಪಾಂಡೆ ಅವರು 9 ವರ್ಷಗಳ ಹಿಂದೆ ಅನ್ನು ಸೇರಿದ್ದರು. ಆಗ ಅವರ ತಂದೆ ಇದಕ್ಕೆ ಆಕ್ಷೇಪಿಸಿದ್ದರು. ಕಾರಣ ಅಂದು ಪೇಟಿಎಂ ಒಂದು ಸಣ್ಣ ಸಂಸ್ಥೆಯಾಗಿತ್ತು. ಆಗ 1000 ಚಿಲ್ಲರೆ ಉದ್ಯೋಗಿಗಳ ಈ ಕಂಪನಿಯಲ್ಲಿದ್ದರು. ಇಷ್ಟು ಸಣ್ಣ ಕಂಪನಿ ಸೇರಿಕೊಳ್ಳುವುದು ಯಾಕೆ ಎನ್ನುವುದು ಸಿದ್ಧಾರ್ಥ್‌ ಪಾಂಡೆ ತಂದೆಯ ಆಕ್ಷೇಪಣೆಯಾಗಿತ್ತು. ಆದರೆ ಈಗ ಪೇಟಿಎಂ ದಿಗ್ಗಜ ಕಂಪನಿಯಾಗಿದೆ. ಜತೆಗೆ ಇದೇ ಸಿದ್ಧಾರ್ಥ್‌ ಪಾಂಡೆ ಮಿಲಿಯನೇರ್‌ ಕೂಡ ಆಗುತ್ತಿದ್ದಾರೆ. ಸಿದ್ಧಾರ್ಥ್‌ ಈಗ ಪೇಟಿಎಂನ ಮಾಜಿ ಉದ್ಯೋಗಿಯಾಗಿದ್ದರೂ ಪೇಟಿಎಂನಲ್ಲಿ ಅವರು ಒಂದಿಷ್ಟು ಷೇರುಗಳನ್ನು ಹೊಂದಿದ್ದಾರೆ. ಸಿದ್ಧಾರ್ಥ್‌ ರೀತಿ ಪೇಟಿಎಂ ಸಂಸ್ಥೆ ತೊರೆದಿರುವ ಹಾಗೂ ಇನ್ನೂ ಅಲ್ಲೇ ಉದ್ಯೋಗ ಮಾಡುತ್ತಿರುವ ಸುಮಾರು 350 ಮಂದಿ ಈಗ ಕೋಟ್ಯಧಿಪತಿಗಳಾಗುತ್ತಿದ್ದಾರೆ. ಷೇರು ಮಾರುಕಟ್ಟೆಯಲ್ಲಿ ಈ ವಾರ ಪೇಟಿಎಂ, ಪಾಲಿಸಿ ಬಾಜಾರ್‌ ಹಾಗೂ ಇನ್ನೂ ಕೆಲ ಕಂಪನಿಗಳು ಐಪಿಒ ನಡೆಸುತ್ತಿವೆ.