‘ಇದೇ ಮೊದಲ ಬಾರಿಗೆ ಅಪ್ಪು ನಗ್ತಿದ್ರೆ, ಫ್ಯಾನ್ಸ್ ಅಳ್ತಿದ್ದಾರೆ’: ‘ಗಂಧದ ಗುಡಿ’ ಬಗ್ಗೆ ಅಭಿಮಾನಿ ದೇವರುಗಳ ಪ್ರತಿಕ್ರಿಯೆ

ಪವರ್ ಸ್ಟಾರ್ ಅವರ ಕನಸಿನ ಕೂಸು ‘’ ಸಾಕ್ಷ್ಯಚಿತ್ರದ ಟೈಟಲ್ ಟೀಸರ್ ಇಂದು ಬಿಡುಗಡೆಯಾಗಿದೆ. ಪಾರ್ವತಮ್ಮ ರಾಜ್‌ಕುಮಾರ್ ಅವರ ಜನ್ಮದಿನದ ಪ್ರಯುಕ್ತ ಇಂದು (ಡಿಸೆಂಬರ್ 6) ‘ಗಂಧದ ಗುಡಿ’ ಟೈಟಲ್ ಟೀಸರ್ ನಿಮ್ಮೆಲ್ಲರ ಮುಂದೆ ಬಂದಿದೆ. ನಿರ್ದೇಶನದ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ನಿರ್ಮಾಣ ಮಾಡಿರುವ ಬಿ.ಅಜನೀಶ್ ಲೋಕನಾಥ್ ಸಂಗೀತ ನೀಡಿರುವ ‘ಗಂಧದ ಗುಡಿ’. ಇದರಲ್ಲಿ ಪುನೀತ್ ರಾಜ್‌ಕುಮಾರ್ ಕೂಡ ಕಾಣಿಸಿಕೊಂಡಿದ್ದಾರೆ. ‘ಗಂಧದ ಗುಡಿ’ ಸಾಕ್ಷ್ಯಚಿತ್ರಕ್ಕಾಗಿ ಪುನೀತ್ ರಾಜ್‌ಕುಮಾರ್ ಕಾಡು ಮೇಡು ಸುತ್ತಿದ್ದರು. ಅರಬ್ಬಿ ಸಮುದ್ರದಲ್ಲಿ ಸ್ಕೂಬಾ ಡೈವಿಂಗ್ ಕೂಡ ಮಾಡಿದ್ದರು. ರಾಜ್ಯದ ವನ್ಯ ಸಂಪತ್ತು, ಸಮುದ್ರ ಜೀವಿಗಳ ಕುರಿತಾದ ಸಾಕ್ಷ್ಯಚಿತ್ರ ‘ಗಂಧದ ಗುಡಿ’. 90 ನಿಮಿಷಗಳ ಈ ಸಾಕ್ಷ್ಯಚಿತ್ರ ಮುಂದಿನ ವರ್ಷ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಅಭಿಮಾನಿ ದೇವರುಗಳ ಪ್ರತಿಕ್ರಿಯೆ ಹೀಗಿದೆ ‘ಗಂಧದ ಗುಡಿ’ ಟೈಟಲ್ ಟೀಸರ್‌ ನೋಡಿ ಪುನೀತ್ ರಾಜ್‌ಕುಮಾರ್ ಅಭಿಮಾನಿಗಳು ಭಾವುಕರಾಗಿದ್ದಾರೆ. ಅಪ್ಪು ಫ್ಯಾನ್ಸ್ ಕೊಟ್ಟಿರುವ ಪ್ರತಿಕ್ರಿಯೆ ಹೀಗಿದೆ ನೋಡಿ… ‘’ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಅಪ್ಪು ನಗ್ತಿದ್ರೆ, ಫ್ಯಾನ್ಸ್ ಅಳ್ತಿದ್ದಾರೆ. ನಿಮ್ಮನ್ನ ಎಷ್ಟು ಮಿಸ್ ಮಾಡಿಕೊಳ್ತಿದ್ದೀವಿ ಅಂತ ಪದಗಳಲ್ಲಿ ಹೇಳಲು ಸಾಧ್ಯವಿಲ್ಲ’’ ಎಂದು ಅಭಿಮಾನಿಯೊಬ್ಬರು ಟ್ವೀಟ್ ಮಾಡಿದ್ದಾರೆ. ‘’ಈಗಷ್ಟೇ ಟೀಸರ್ ನೋಡಿದೆ. ಜೋಗ ಜಲಪಾತದ ತುಣುಕು ಅದ್ಬುತವಾಗಿ ಮೂಡಿಬಂದಿದೆ. ಅಪ್ಪು ಅವರ ನಗುವನ್ನು ಮರೆಯಲು ಸಾಧ್ಯವೇ ಇಲ್ಲ’’ ಎಂದು ಓರ್ವ ಫ್ಯಾನ್ ಟ್ವೀಟ್ ಮಾಡಿದ್ದಾರೆ. ‘’ಅಪ್ಪುಗೆಯ ಅಪ್ಪು.. ಎಂದೂ ಬಾಡದ ಬೆಟ್ಟದ ಹೂವು’’ ಎಂದು ಅಭಿಮಾನಿಯೊಬ್ಬರು ಟ್ವೀಟಿಸಿದ್ದಾರೆ. ‘’ಅಪ್ಪು ಇಂದು ಇಲ್ಲ ಅಂತ ಯಾರಾದರೂ ನಂಬಲು ಸಾಧ್ಯವೇ?’’ ಎಂದು ಅಭಿಮಾನಿಯೊಬ್ಬರು ಟ್ವೀಟ್ ಮಾಡಿದ್ದಾರೆ. ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಟ್ವೀಟ್ ‘’ಈ ‘ಗಂಧದ ಗುಡಿ’ಯನ್ನು ನಾಡಿನ ಪ್ರತಿಯೊಬ್ಬರಿಗೂ ತಲುಪಿಸಬೇಕಾದ ಜವಾಬ್ದಾರಿ ನಮ್ಮೆಲ್ಲರದ್ದು. ಈ ನಿಟ್ಟಿನಲ್ಲಿ ನೀವು ನೀಡುತ್ತಿರುವ ಸಹಕಾರ ಮತ್ತು ಪ್ರೋತ್ಸಾಹಕ್ಕೆ ನಾವು ಸದಾ ಆಭಾರಿ’’ ಎಂದು ಸಿಎಂ ಬಸವರಾಜ್ ಬೊಮ್ಮಾಯಿ ಅವರು ಮಾಡಿದ್ದ ಟ್ವೀಟ್‌ಗೆ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ನಟ ಶರಣ್ ‘’ಕಣ್ತುಂಬಿ ಬಂತು.. ಗಂಧದ ಗುಡಿ ಟೀಸರ್ ಕಂಡು’’ ಎಂದು ನಟ ಶರಣ್ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ. ರಾಜ್.ಬಿ.ಶೆಟ್ಟಿ ‘’ಪ್ರತಿ ಬಾರಿ ಈ ಸಿನಿಮಾದ ಬಗ್ಗೆ ಹೇಳಿಕೊಳ್ಳುವಾಗ ಮಗುವಂತೆ ಹರ್ಷಿಸುತ್ತಿದ್ದ ಅಪ್ಪು ಸರ್ ಅವರ ಕನಸು ಈ ಪ್ರಾಜೆಕ್ಟ್. ಅವರನ್ನು ಮತ್ತೆ ತೆರೆಯಲ್ಲಿ ತುಂಬಿಕೊಳ್ಳಲು ಮನದಲ್ಲಿ ತಬ್ಬಿಕೊಳ್ಳಲು ಕಾಯುತ್ತಿದ್ದೇನೆ. ಗಂಧದ ಗುಡಿಯ ಅರಸನ ವೈಭವ ಇಲ್ಲಿದೆ ನೋಡಿ..’’ ಎಂದು ರಾಜ್.ಬಿ.ಶೆಟ್ಟಿ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ. ನಂಬರ್ 1 ಟ್ರೆಂಡಿಂಗ್ ಇಂದು ಬೆಳಗ್ಗೆ ಬಿಡುಗಡೆಯಾದ ‘ಗಂಧದ ಗುಡಿ’ ಟೈಟಲ್ ಟೀಸರ್‌ಗೆ ಅದಾಗಲೇ 13 ಲಕ್ಷಕ್ಕೂ ಅಧಿಕ ವ್ಯೂಸ್ ಲಭ್ಯವಾಗಿದೆ. ಯೂಟ್ಯೂಬ್‌ನಲ್ಲಿ ಸದ್ಯ ‘ಗಂಧದ ಗುಡಿ’ ಟೀಸರ್‌ ನಂಬರ್ 1 ಟ್ರೆಂಡಿಂಗ್‌ನಲ್ಲಿದೆ. ‘ಗಂಧದ ಗುಡಿ’ ಟೈಟಲ್ ಟೀಸರ್‌ಗೆ 228K ಮಂದಿ ಲೈಕ್ ಮಾಡಿದ್ದಾರೆ. ಈ ಟೀಸರ್‌ಗೆ ಇಲ್ಲಿಯವರೆಗೂ ಒಂದೂ ಡಿಸ್‌ಲೈಕ್ ಲಭ್ಯವಾಗಿಲ್ಲ.