Sanjana: ಸಾಲು ಸಾಲು ಸಿನಿಮಾಗಳಲ್ಲಿ 'ಸಲಗ' ಹೀರೋಯಿನ್ ಸಂಜನಾ ಆನಂದ್ ಸಖತ್ ಬ್ಯುಸಿ!
'ಕೆಮಿಸ್ಟ್ರಿ ಆಫ್‌ ಕರಿಯಪ್ಪ' ಸಿನಿಮಾದಿಂದ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟ ಪ್ರತಿಭಾವಂತ ನಟಿ ಸಂಜನಾ ಆನಂದ್ ಅವರೀಗ ಈಗ ಹೊಸ ಹೊಸ ಕಥೆಗಳನ್ನು ಕೇಳುತ್ತಿದ್ದಾರೆ. ಜೊತೆಗೆ ಸಾಲು ಸಾಲು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ಆ ಬಗ್ಗೆ ಸಂಜನಾ ಆನಂದ್ ಮಾತನಾಡಿದ್ದಾರೆ.
Admin
0
5
ಹರೀಶ್‌ ಬಸವರಾಜ್‌
'ಕೆಮಿಸ್ಟ್ರಿ ಆಫ್‌ ಕರಿಯಪ್ಪ' ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ ಪ್ರವೇಶ ಮಾಡಿದ ಸಂಜನಾ ಆನಂದ್, ಸದ್ಯ ಗಮನ ಸೆಳೆಯುತ್ತಿರುವ ನಾಯಕಿಯರಲ್ಲಿ ಒಬ್ಬರಾಗಿದ್ದಾರೆ. '' ಸಿನಿಮಾ ಬಿಡುಗಡೆಗಾಗಿ ಕಾಯುತ್ತಿರುವ ಅವರನ್ನು ತೆಲುಗು ಚಿತ್ರರಂಗದಿಂದಲೂ ಕಥೆಗಳು ಹುಡುಕಿಕೊಂಡು ಬರುತ್ತಿವೆ. 'ಕೆಮಿಸ್ಟ್ರಿ ಆಫ್‌ ಕರಿಯಪ್ಪ' ಸಿನಿಮಾ ಕಥೆ ಮತ್ತು ನಿರೂಪಣೆಯಿಂದ ಗಮನ ಸೆಳೆದಿತ್ತು. ಆ ಸಿನಿಮಾದ ನಾಯಕಿ ಸಂಜನಾ ಆನಂದ್ ಕೂಡ ನಾಲ್ಕೈದು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದರು. ಲಾಕ್‌ಡೌನ್‌ ಆಗದೇ ಹೋಗಿದ್ದರೆ, ಕಳೆದ ವರ್ಷವೇ ಸಿನಿಮಾಗಳು ಬಿಡುಗಡೆಯಾಗುತ್ತಿದ್ದವು. ಆದರೂ ಅವಕಾಶಗಳು ಅವರನ್ನು ಹುಡುಕಿಕೊಂಡು ಬರುತ್ತಲೇ ಇವೆ.
'ಲಾಕ್‌ಡೌನ್‌ ಆಗದೇ ಹೋಗಿದ್ದರೆ, ಇಷ್ಟೊತ್ತಿಗೆ ನನ್ನ ಎರಡ್ಮೂರು ಸಿನಿಮಾಗಳು ಬಿಡುಗಡೆಯಾಗುತ್ತಿದ್ದವು. ಲಾಕ್‌ಡೌನ್‌ ಅನ್ನು ನಾನು ಸರಿಯಾಗಿ ಬಳಸಿಕೊಂಡಿದ್ದೇನೆ. ಐದಾರು ಕಥೆಗಳನ್ನು ಕೇಳಿದ್ದೇನೆ. ಸಿನಿಮಾಗಳಿಗೆ ಸಹಾಯವಾಗುತ್ತದೆ ಎಂಬ ಕಾರಣಕ್ಕೆ ಎಲ್ಲ ರೀತಿಯ ಡಾನ್ಸ್‌ ಕಲಿಯುತ್ತಿದ್ದೇನೆ. ದೇಹವನ್ನು ಫಿಟ್‌ ಆಗಿಟ್ಟುಕೊಂಡಿದ್ದೇನೆ. ಎರಡು ದಿನಗಳ ಹಿಂದೆಯಷ್ಟೇ ಸ್ಯಾಂಡಲ್‌ವುಡ್‌ನ ಸ್ಟಾರ್‌ ನಟರ ಸಿನಿಮಾವೊಂದರ ಕಥೆಯನ್ನು ಕೇಳಿಕೊಂಡು ಬಂದಿದ್ದೇನೆ. ತುಂಬಾ ಚೆನ್ನಾಗಿರುವ ಕಥೆ ಅದು. ನನ್ನ ಪಾತ್ರವೂ ಚೆನ್ನಾಗಿದೆ. ಆದರೆ ಅದನ್ನು ಇನ್ನೂ ಫೈನಲ್‌ ಮಾಡಿಲ್ಲ. ಸದ್ಯದಲ್ಲೇ ಅದರ ಬಗ್ಗೆ ಅಧಿಕೃತವಾಗಿ ಹೇಳುತ್ತೇನೆ. ಇನ್ನೊಂದು ಸಿನಿಮಾದ ಸ್ಕ್ರಿಪ್ಟ್‌ ಶುಕ್ರವಾರವಷ್ಟೇ ಕೈ ಸೇರಿದೆ. ಒಳ್ಳೆಯ ತಂಡ ಮತ್ತು ಸ್ಕ್ರಿಪ್ಟ್‌ ಇದ್ದರೆ ನಾನು ಒಪ್ಪಿಕೊಳ್ಳಲು ರೆಡಿ ಇದ್ದೇನೆ' ಎಂದು ಹೇಳಿದರು ಸಂಜನಾ ಆನಂದ್.
'ನಾನು ಕನ್ನಡದಲ್ಲಿನಟಿಸಿದ್ದ ಹನಿಮೂನ್‌ ವೆಬ್‌ ಸಿರೀಸ್‌ ತೆಲುಗಿಗೆ ಡಬ್‌ ಆಗಿ ಬಿಡುಗಡೆಯಾಗಿತ್ತು. ಅದರಿಂದ ಕಳೆದ ವರ್ಷದಿಂದಲೇ ತೆಲುಗು ಸಿನಿಮಾಗಳ ಆಫರ್‌ ಬರುತ್ತಲೇ ಇದೆ. ಆದರೆ ಒಳ್ಳೆ ಸ್ಕ್ರಿಪ್ಟ್‌ಗಾಗಿ ಕಾಯುತ್ತಿದ್ದೇನೆ. ಉತ್ತಮ ಕಥೆಯ ಜತೆಗೆ ಒಳ್ಳೆಯ ಟೀಮ್‌ ಮತ್ತು ಪಾತ್ರ ಸಿಕ್ಕರೆ ತಕ್ಷಣ ಒಪ್ಪಿಕೊಳ್ಳುತ್ತೇನೆ' ಎನ್ನುತ್ತಾರೆ ಸಂಜನಾ ಆನಂದ್.
ಈ ನಡುವೆ ಸಂಜನಾ ತಾವು ಒಪ್ಪಿಕೊಂಡಿದ್ದ ನಿರ್ದೇಶಕ ಎ. ಪಿ. ಅರ್ಜುನ್‌ ನಿರ್ದೇಶನದ 'ಅದ್ಧೂರಿ ಲವರ್‌' ಸಿನಿಮಾದಿಂದ ಕಾರಣಾಂತರಗಳಿಂದ ಹೊರಗೆ ಬಂದಿದ್ದಾರೆ. 'ಹೊಸ ರೀತಿಯ ಕಥೆಗಳು, ಹೊಸತನದ ನಿರೂಪಣೆ ಇರುವ ಸಿನಿಮಾಗಳ ಸ್ಕ್ರಿಪ್ಟ್‌ಗಳು ಬಂದರೆ ಖಂಡಿತ ಒಪ್ಪಿಕೊಳ್ಳುತ್ತೇನೆ. ಈಗ ಕೇಳಿರುವ ಎರಡ್ಮೂರು ಕಥೆಗಳು ಅದೇ ರೀತಿ ಇವೆ' ಎಂದಿದ್ದಾರೆ ಸಂಜನಾ ಆನಂದ್.
