ಹರಕೆ ತೀರಿಸಲು ದೇವರಿಗೆ ಮುಡಿ ಕೊಟ್ಟ ವಿಜಯಲಕ್ಷ್ಮೀ: ಹಾಡು ಹಾಡಿ ಅಪ್ಪು ಮೇಲಿನ ಅಭಿಮಾನ ಮೆರೆದ ನಟಿ!

‘ನಾಗಮಂಡಲ’, ‘ಜೋಡಿ ಹಕ್ಕಿ’, ‘ಭೂಮಿ ತಾಯಿಯ ಚೊಚ್ಚಲ ಮಗ’, ‘ಸ್ವಸ್ತಿಕ್’, ‘ಹಬ್ಬ’ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿರುವವರು ನಟಿ (). ಇತ್ತೀಚೆಗಷ್ಟೇ ನಟಿ ವಿಜಯಲಕ್ಷ್ಮೀ ಅವರ ತಾಯಿ ತೀರಿಕೊಂಡಿದ್ದರು. ನಟಿ ವಿಜಯಲಕ್ಷ್ಮೀ ಅವರ ಸಹೋದರಿ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಸಿನಿಮಾರಂಗದಿಂದ ಉತ್ತಮ ಅವಕಾಶಗಳಿಗಾಗಿ ಎದುರು ನೋಡುತ್ತಿರುವ ನಟಿ ವಿಜಯಲಕ್ಷ್ಮೀ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಆಗಾಗ ವಿಡಿಯೋಗಳನ್ನು ಮಾಡುವ ನಟಿ ವಿಜಯಲಕ್ಷ್ಮೀ ಇದೀಗ ಒಂದು ವಿಡಿಯೋವನ್ನು ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ದೇವರಿಗೆ ಹರಕೆ ತೀರಿಸುವ ಸಲುವಾಗಿ ಮುಡಿ ಕೊಟ್ಟಿದ್ದಾಗಿ ವಿಡಿಯೋದಲ್ಲಿ ನಟಿ ವಿಜಯಲಕ್ಷ್ಮೀ ಹೇಳಿದ್ದಾರೆ. ಹಾಗೇ, ಪವರ್ ಸ್ಟಾರ್ () ಹಠಾತ್ ನಿಧನರಾದಾಗ ನಟಿ ವಿಜಯಲಕ್ಷ್ಮೀ ಆಘಾತಕ್ಕೊಳಗಾಗಿದ್ದರು. ಪುನೀತ್ ರಾಜ್‌ಕುಮಾರ್ ಅವರ ಪಾರ್ಥೀವ ಶರೀರದ ಅಂತಿಮ ದರ್ಶನವನ್ನು ನಟಿ ವಿಜಯಲಕ್ಷ್ಮೀ ಪಡೆದಿದ್ದರು. ಪುನೀತ್ ರಾಜ್‌ಕುಮಾರ್‌ಗಾಗಿ ‘ಗೊಂಬೆ ಹೇಳುತೈತೆ’ ಹಾಡನ್ನು ಹಾಡಿ ನಟಿ ವಿಜಯಲಕ್ಷ್ಮೀ ಗೀತ ನಮನ ಸಲ್ಲಿಸಿದ್ದರು. ಇದೀಗ ಅಪ್ಪು ಹಾಗೂ ಅಪ್ಪಾಜಿ ಡಾ.ರಾಜ್‌ಕುಮಾರ್‌ಗಾಗಿ () ‘ಕ್ರಾಂತಿವೀರ’ ಚಿತ್ರದ ಹಾಡನ್ನು ನಟಿ ವಿಜಯಲಕ್ಷ್ಮೀ ಹಾಡಿದ್ದಾರೆ. ವಿಡಿಯೋದಲ್ಲಿ ನಟಿ ವಿಜಯಲಕ್ಷ್ಮೀ ಹೇಳಿರುವುದೇನು? ‘’ನಮ್ಮ ಮನೆಯ ದೇವರ ಹರಕೆಯನ್ನ ತಮ್ಮ ತಂದೆ ಹಾಗೂ ಅಕ್ಕ ತೀರಿಸುತ್ತಿದ್ದರು. ಈಗ ತಂದೆ ಇಲ್ಲ, ಅಕ್ಕನಿಗೆ ಹುಷಾರಿಲ್ಲ. ಹೀಗಾಗಿ ನಾನೇ ಜವಾಬ್ದಾರಿಯನ್ನು ತೆಗೆದುಕೊಂಡಿದ್ದೇನೆ. ನನ್ನ ಮನೆಯ ದೇವರಿಗೆ ಕೂದಲು ಕೊಟ್ಟಿದ್ದೇನೆ. ನನ್ನ ಬಗ್ಗೆ ಸದಾ ಟೀಕೆ ಮಾಡುತ್ತಿರುತ್ತಾರೆ. ಅದರೆ, ಇತ್ತೀಚೆಗಷ್ಟೇ ನಾನು ಪುನೀತ್ ಸರ್‌ಗಾಗಿ ‘ಗೊಂಬೆ ಹೇಳುತೈತೆ’ ಹಾಡನ್ನು ಹಾಡಿದ್ದೆ. ಅದಕ್ಕೆ ಪುನೀತ್ ಸರ್ ಫ್ಯಾನ್ಸ್ ಅಸೋಸಿಯೇಷನ್, ಮೈಸೂರಿನಿಂದ ಫೋನ್ ಮಾಡಿ ನನಗೆ ಧನ್ಯವಾದಗಳನ್ನು ತಿಳಿಸಿದರು. ‘’ಪುನೀತ್ ಸರ್ ಮೇಲಿನ ನಿಮ್ಮ ಅಭಿಮಾನಕ್ಕೆ ಧನ್ಯವಾದಗಳು’’ ಅಂತ ಅವರು ಹೇಳಿದಾಗ ನನಗೆ ತುಂಬಾ ಶಾಕ್ ಆಯ್ತು. ಯಾಕಂದ್ರೆ ಟೀಕೆಗೆ ಒಳಗಾಗುತ್ತಿದ್ದ ನನಗೇ ಅವರು ಧನ್ಯವಾದಗಳನ್ನು ಹೇಳಿದರು’’ ‘’ಪುನೀತ್ ಸರ್ ಹಾಗೂ ನನ್ನದು ಒಂದೇ ಹುಟ್ಟಿದ ದಿನಾಂಕ.. ಮಾರ್ಚ್ 17. ‘’ನಿನ್ನದು-ಅಪ್ಪುದು ಒಂದೇ ಹುಟ್ಟಿದ ದಿನಾಂಕ ಅಲ್ವಾ?’’ ಅಂತ ನಾನು ಅವರ ಮನೆಗೆ ಹೋದಾಗಲೆಲ್ಲಾ ಪಾರ್ವತಮ್ಮ ಅವರು ಹೇಳುತ್ತಿದ್ದರು. ಡಾ.ರಾಜ್ ಫ್ಯಾಮಿಲಿ ತುಂಬಾ ಪ್ರೀತಿ ಕೊಡ್ತಾರೆ ಅಂತ ನಾನು ತಮಿಳುನಾಡಿನಲ್ಲೂ ಹೇಳುತ್ತಿದ್ದೆ’’ ‘’ಪುನೀತ್ ಸರ್ ಅವರ ಕೋಟ್ಯಂತರ ಅಭಿಮಾನಿಗಳಲ್ಲಿ ನಾನೂ ಒಬ್ಬಳು. ಅಪ್ಪು ಸರ್ ಮೇಲೆ ನನಗೆ ತುಂಬಾ ಅಭಿಮಾನ ಇದೆ. ಅವರಿಗಾಗಿ ಹಾಗೂ ಅಪ್ಪಾಜಿ ಅವರಿಗಾಗಿ ನಾನು ಹಾಡು ಹಾಡುತ್ತೇನೆ’’ ಎಂದು ಡಾ.ರಾಜ್‌ಕುಮಾರ್ ಅಭಿನಯದ ‘ಕ್ರಾಂತಿವೀರ’ ಚಿತ್ರದ ‘’ಯಾರು ನನಗೇನು ಮಾಡುವರು..ನನಗೇನು ಕೇಡು ಮಾಡುವರು’’ ಹಾಡನ್ನ ನಟಿ ವಿಜಯಲಕ್ಷ್ಮೀ ಹಾಡಿದರು. ಜೊತೆಗೆ, ‘’ಕರ್ನಾಟಕವನ್ನು ಬಿಟ್ಟು ನಾನು ಯಾವತ್ತೂ ಹೋಗಲ್ಲ’’ ಅಂತಲೂ ವಿಡಿಯೋದಲ್ಲಿ ನಟಿ ವಿಜಯಲಕ್ಷ್ಮೀ ಹೇಳಿದ್ದಾರೆ.