Pushpa: ಬಾಕ್ಸ್ ಆಫೀಸ್‌ನಲ್ಲಿ ತಗ್ಗದ ಕಲೆಕ್ಷನ್; ಹೊಸ ದಾಖಲೆ ಬರೆದ ಅಲ್ಲು ಅರ್ಜುನ್!

ಮತ್ತು ರಶ್ಮಿಕಾ ಮಂದಣ್ಣ ನಟನೆಯ 'ಪುಷ್ಪ' ಚಿತ್ರವು ಡಿ.17ರಂದು ವಿಶ್ವಾದ್ಯಂತ ತೆರೆಕಂಡಿದೆ. ಮೊದಲ ಶೋ ಮುಗಿಯುತ್ತಿದ್ದಂತೆಯೆ, ಚಿತ್ರಕ್ಕೆ ಸಿಕ್ಕಾಪಟ್ಟೆ ನೆಗೆಟಿವ್ ಕಾಮೆಂಟ್ಸ್‌ ಬಂದಿದ್ದವು. ' ಸಿನಿಮಾದಲ್ಲಿ ಫೈಯರ್ ಇಲ್ಲ.. ನಿರ್ದೇಶಕರು ಎಲ್ಲರ ಕಿವಿಗೆ ಫ್ಲವರ್ ಇಟ್ಟಿದ್ದಾರೆ..', 'ಸೆಕೆಂಡ್ ಹಾಫ್‌ನಲ್ಲಿ ಚಿತ್ರಕಥೆಯನ್ನು ಸಿಕ್ಕಾಪಟ್ಟೆ ಎಳೆದಿದ್ದಾರೆ..', 'ಬ್ಯಾಕ್‌ಗ್ರೌಂಡ್ ಸ್ಕೋರ್ ಚೆನ್ನಾಗಿಲ್ಲ..' ಹೀಗೆ ನಾನಾ ಥರ ಸಿನಿಮಾಗೆ ಕಾಮೆಂಟ್ ಮಾಡಿದ್ದರು. ವಿಮರ್ಶೆ ದೃಷ್ಟಿಯಿಂದಲೂ ಚಿತ್ರಕ್ಕೆ ಹೇಳಿಕೊಳ್ಳುವಂತಹ ಪ್ರತಿಕ್ರಿಯೆ ಸಿಕ್ಕಿರಲಿಲ್ಲ. ಇಷ್ಟೆಲ್ಲ ನ್ಯೂನ್ಯತೆಗಳಿದ್ದರೂ, ಬಾಕ್ಸ್ ಆಫೀಸ್‌ನಲ್ಲಿ ಮಾತ್ರ ತನ್ನ ನಾಗಾಲೋಟವನ್ನು ಈ ಸಿನಿಮಾ ಮುಂದುವರಿಸಿದೆ! ಎರಡೇ ದಿನಕ್ಕೆ ಶತಕೋಟಿ ಕ್ಲಬ್‌ ಸೇರಿ, ಹೊಸ ದಾಖಲೆ ಬರೆದಿದೆ! ಎರಡೇ ದಿನಕ್ಕೆ 116 ಕೋಟಿ ರೂ. ಗಳಿಕೆ 'ಪುಷ್ಪ' ಚಿತ್ರದ ನಿರ್ಮಾಪಕರಾದ ಮೈತ್ರಿ ಮೂವೀ ಮೇಕರ್ಸ್ ಅಧಿಕೃತವಾಗಿ ಬಾಕ್ಸ್ ಆಫೀಸ್‌ ಕಲೆಕ್ಷನ್ ರಿಪೋರ್ಟ್ ನೀಡಿದೆ. ಮೊದಲ ದಿನ ಈ ಸಿನಿಮಾವು 71 ಕೋಟಿ ರೂ. ಗಳಿಕೆ ಆಗಿದೆ ಎಂದು ಚಿತ್ರ ಹೇಳಿಕೊಂಡಿತ್ತು. ಈಗ ಎರಡನೇ ದಿನ ಕಲೆಕ್ಷನ್ ರಿಪೋರ್ಟ್ ಬಹಿರಂಗವಾಗಿದೆ. ಮೊದಲ ದಿನಕ್ಕೆ ಹೋಲಿಕೆ ಮಾಡಿದರೆ, 2ನೇ ದಿನದ ಕಲೆಕ್ಷನ್‌ ಕೊಂಚ ಕಮ್ಮಿ ಆಗಿದೆ. ವಿಶ್ವಾದ್ಯಂತ ಈ ಸಿನಿಮಾ ಎರಡನೇ ದಿನ 45 ಕೋಟಿ ರೂ. ಗಳಿಕೆ ಮಾಡಿದೆ. ಅಲ್ಲಿಗೆ ಒಟ್ಟಾರೆ 116 ಕೋಟ ರೂ. ಕಲೆಕ್ಷನ್ ಆಗಿದೆ. ಇದು 'ಪುಷ್ಪ' ಚಿತ್ರದ ಐದು ವರ್ಷನ್‌ಗಳಿಂದ ಆದ ಗಳಿಕೆ ಆಗಿದೆ. ಈ ಪ್ರಮಾಣದ ಕಲೆಕ್ಷನ್ ಮಾಡುವ ಮೂಲಕ 2021ರಲ್ಲಿ ಬಿಡುಗಡೆಯಾದ ಸಿನಿಮಾಗಳ ಪೈಕಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಚಿತ್ರಗಳ ಪಟ್ಟಿಯಲ್ಲಿ ‘ಪುಷ್ಪ- ದಿ ರೈಸ್’ ಸಿನಿಮಾ ಮೊದಲನೇ ಸ್ಥಾನಕ್ಕೇರಿದೆ. ಇಷ್ಟೊಂದು ಕಲೆಕ್ಷನ್ ಮಾಡಿ ಈ ವರ್ಷ ತೆರೆಕಂಡ ಪವನ್ ಕಲ್ಯಾಣ್ ಅಭಿನಯದ ‘ವಕೀಲ್ ಸಾಬ್’, ವಿಜಯ್ ನಟನೆಯ ‘ಮಾಸ್ಟರ್’, ಅಕ್ಷಯ್ ಕುಮಾರ್ ನಟನೆಯ ‘ಸೂರ್ಯವಂಶಿ’ ಚಿತ್ರಗಳನ್ನು ‘ಪುಷ್ಪ’ ಸಿನಿಮಾ ಹಿಂದಿಕ್ಕಿದೆ. ಇನ್ನು, ಮೊದಲ ದಿನ ಹಿಂದಿ ವರ್ಷನ್‌ನಿಂದ 3 ಕೋಟಿ ರೂ. ಕಲೆಕ್ಷನ್‌ ಸಿಕ್ಕಿತ್ತು. ಆದರೆ, 2ನೇ ದಿನದ ಕಲೆಕ್ಷನ್‌ನಲ್ಲಿ ಕೊಂಚ ಏರಿಕೆ ಆಗಿದ್ದು, 4 ಕೋಟಿ ರೂ. ಆಗಿದೆ. ಇನ್ನು, ಕರ್ನಾಟಕದಲ್ಲಿ ಮೊದಲ ದಿನವೇ 6.60 ಕೋಟಿ ರೂ. ಗಳಿಕೆ ಆಗಿದೆ ಎಂಬ ಮಾಹಿತಿ ಸಿಕ್ಕಿದೆ. ಅಂದಹಾಗೆ, ‘ಪುಷ್ಪ’ ಸಿನಿಮಾ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾಗಿದೆ. ರಿಲೀಸ್‌ಗೂ ಮುನ್ನವೇ ‘ಪುಷ್ಪ’ ಸಿನಿಮಾ 250 ಕೋಟಿ ರೂಪಾಯಿ ಬಿಸಿನೆಸ್ ಮಾಡಿದೆ ಎಂದು ವರದಿಯಾಗಿತ್ತು. ಎಲ್ಲಾ ಭಾಷೆಗಳ ಹಕ್ಕುಗಳನ್ನು 250 ಕೋಟಿ ರೂಪಾಯಿಗೆ ಮಾರಾಟ ಮಾಡಿದ್ದರು ಎಂಬ ಮಾಹಿತಿ ಇದೆ. ಸುಕುಮಾರ್ ನಿರ್ದೇಶನದ ಈ ಸಿನಿಮಾವನ್ನು ಮೈತ್ರಿ ಮೂವೀ ಮೇಕರ್ಸ್ ನಿರ್ಮಿಸಿದೆ. ಹಾಡುಗಳಿಗೆ ದೇವಿಶ್ರೀ ಪ್ರಸಾದ್ ಸಂಗೀತ ನೀಡಿದ್ದಾರೆ. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಜೊತೆಗೆ ಧನಂಜಯ, ಅಜಯ್ ಘೋಷ್, ಫಹಾದ್ ಫಾಸಿಲ್ ಮುಂತಾದವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ.