100 ಕೋಟಿ ಡಾಲರ್‌ ಪರಿಹಾರ ನೀಡಲು ಸುಯೆಜ್‌ ಹಡಗಿಗೆ ನೋಟಿಸ್‌
ಸುಯೆಜ್‌ ಕಾಲುವೆಯಲ್ಲಿಇತ್ತೀಚೆಗೆ ಸಿಲುಕಿ ಸಂಚಾರ ದಟ್ಟಣೆ ಸೃಷ್ಟಿಸಿದ್ದ ದೈತ್ಯ ಹಡಗು ಎಂ.ವಿ ಎವರ್‌ಗಿವನ್‌, 100 ಕೋಟಿ ಡಾಲರ್‌ ಪರಿಹಾರ ನೀಡಬೇಕು ಎಂದು ಈಜಿಪ್ತ್‌ ಸರಕಾರ ನೋಟಿಸ್‌ ಜಾರಿಗೊಳಿಸಿದೆ.
Admin
0
6
ಕೈರೊ: ಸುಯೆಜ್‌ ಕಾಲುವೆಯಲ್ಲಿ ಇತ್ತೀಚೆಗೆ ಸಿಲುಕಿ ಸಂಚಾರ ದಟ್ಟಣೆ ಸೃಷ್ಟಿಸಿದ್ದ ದೈತ್ಯ ಎಂ.ವಿ ಎವರ್‌ಗಿವನ್‌, ಸುಮಾರು 100 ಕೋಟಿ ಡಾಲರ್‌ ನೀಡಬೇಕು ಎಂದು ಸರಕಾರ ನೋಟಿಸ್‌ ಜಾರಿಗೊಳಿಸಿದೆ.
ಜಪಾನ್‌ ಮಾಲಿಕತ್ವದ, ತೈವಾನ್‌ ನಿರ್ವಹಣೆಯ ಎವರ್‌ ಗಿವನ್‌ ಹಡಗು ಸುಯೆಜ್‌ ಕಾಲುವೆಯಲ್ಲಿ ಅಡ್ಡ ಸಿಲುಕಿದ ಪರಿಣಾಮ, ಇತರ ಹಡಗುಗಳ ಸಂಚಾರಕ್ಕೆ ಅಡ್ಡಿಯಾಗಿ, ವಿಶ್ವ ವ್ಯಾಪಾರ ವಹಿವಾಟಿಗೆ ಧಕ್ಕೆಯಾಗಿತ್ತು. ಕೊನೆಗೂ 6 ದಿನಗಳ ನಿರಂತರ ಯತ್ನದ ಬಳಿಕ ಹಡಗನ್ನು ಸರಿದಾರಿಗೆ ನಿಲ್ಲಿಸಲಾಗಿತ್ತು.
ಆದರೆ ಇದರಿಂದ ಏಷ್ಯಾ ಮತ್ತು ಯುರೋಪ್‌ ನಡುವೆ ಅಂದಾಜು 9.6 ಶತಕೋಟಿ ಡಾಲರ್‌ ಸರಕು ಸಾಗಣೆಗೆ ತೊಂದರೆ ಉಂಟಾಗಿತ್ತು. ಕಾಲುವೆ ಸ್ತಬ್ಧವಾದ್ದರಿಂದ ಈಜಿಪ್ಟ್‌ ಕೂಡ ಪ್ರತಿ ದಿನ 15 ದಶಲಕ್ಷ ಡಾಲರ್‌ ಆದಾಯ ಕಳೆದುಕೊಂಡಿತ್ತು. ಭಾರೀ ಪರಿಹಾರ ನೀಡಬೇಕಿರುವ ಬಗ್ಗೆ ಹಡಗಿನ ಮಾಲೀಕರು ಪ್ರತಿಕ್ರಿಯಿಸಿಲ್ಲ. ಆದರೆ ಕಂಪನಿ, ವಿಮೆ ಸಂಸ್ಥೆ, ಕಾಲುಎ ಪ್ರಾಧಿಕಾರದ ಜತೆಗೆ ಪರಿಹಾರದ ಬಗ್ಗೆ ಮಾತುಕತೆ ನಡೆಯುತ್ತಿದೆ.
ಸುಮಾರು 2 ಲಕ್ಷ ಟನ್‌ ತೂಕದ ಎಂವಿ ಎವರ್‌ಗಿವನ್‌ ಹಡಗು ಮಾರ್ಚ್ 23ರಿಂದ ಕಾಲುವೆಯಲ್ಲಿ ಸಿಲುಕಿತ್ತು. ನಾಲ್ಕು ಫುಟ್ಬಾಲ್‌ ಮೈದಾನಗಳಷ್ಟು ದೊಡ್ಡ ಗಾತ್ರದ ಹಡಗನ್ನು ಸರಿದಾರಿಗೆ ತರಲು ಶತಪ್ರಯತ್ನ ನಡೆದಿತ್ತು.
ಹಡಗು ಸಿಲುಕಿದ ಜಾಗದಲ್ಲಿ ಸುಯೆಜ್‌ ಕಾಲುವೆಯನ್ನು ಅಗಲೀಕರಣ ಮಾಡುವ ಪ್ರತ್ರಸ್ತಾಪ ಇಲ್ಲ ಎಂದು ಈಜಿಪ್ತ್‌ ಅಧ್ಯಕ್ಷ ಅಬ್ದುಲ್‌ ಫತೇಹ್‌ ತಿಳಿಸಿದ್ದಾರೆ.
