ರವಿಚಂದ್ರನ್ ಬರ್ತಡೇ ಗಿಫ್ಟ್: ಬರಲಿದೆ 'ಕನ್ನಡಿಗ' ಟೀಸರ್
ಮೇ 30 ರಂದು ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಹುಟ್ಟುಹಬ್ಬ. ರವಿಚಂದ್ರನ್ ಅವರ ಜನ್ಮದಿನದಂದು, ಕ್ರೇಜಿ ಫ್ಯಾನ್ಸ್‌ಗೆ ಉಡುಗೊರೆಯಾಗಿ 'ಕನ್ನಡಿಗ' ಚಿತ್ರದ ಟೀಸರ್ ರಿಲೀಸ್ ಆಗಲಿದೆ.
Admin
0
8
ನಾಲ್ಕು ದಶಕಗಳ ಸಿನಿ ಜೀವನದಲ್ಲಿ ಕ್ರೇಜಿ ಸ್ಟಾರ್ ರವಿಚಂದ್ರನ್ ಇಲ್ಲಿಯವರೆಗೂ ತರಹೇವಾರಿ ಪಾತ್ರಗಳಿಗೆ ಜೀವ ತುಂಬಿ ಅಭಿನಯಿಸಿದ್ದಾರೆ. ಆ ಎಲ್ಲಾ ಪಾತ್ರಗಳಿಗಿಂತಲೂ ವಿಭಿನ್ನವಾದ ಪಾತ್ರದಲ್ಲಿ ವಿ.ರವಿಚಂದ್ರನ್ ಇದೀಗ ನಟಿಸಿದ್ದಾರೆ. ಅದೇ ಕನ್ನಡದ ಲಿಪಿಕಾರ ಗುಣಭದ್ರನ ಪಾತ್ರ.
1858ರ ಕಾಲಘಟ್ಟದಲ್ಲಿದ್ದ ಕನ್ನಡ ವಿದ್ವಾಂಸ, ಕನ್ನಡ ಲಿಪಿಕಾರ ಗುಣಭದ್ರನ ಸುತ್ತ ಹೆಣೆದಿರುವ ಐತಿಹಾಸಿಕ ಕಥಾನಕವುಳ್ಳ ಚಿತ್ರ ''. ಈ ಚಿತ್ರದಲ್ಲಿ ಲಿಪಿಕಾರ ಗುಣಭದ್ರ ಹಾಗೂ ಯೋಧ ಸಾಮಂತಭದ್ರನಾಗಿ ರವಿಚಂದ್ರನ್ ಕಾಣಿಸಿಕೊಂಡಿದ್ದಾರೆ.
'ಮೈತ್ರಿ' ಚಿತ್ರ ಖ್ಯಾತಿಯ ಬಿ.ಎಂ.ಗಿರಿರಾಜ್ ನಿರ್ದೇಶನ ಮಾಡಿರುವ 'ಕನ್ನಡಿಗ' ಚಿತ್ರದಲ್ಲಿ ರವಿಚಂದ್ರನ್ ಲಿಪಿಕಾರ ಗುಣಭದ್ರನ ಪಾತ್ರ ನಿರ್ವಹಿಸಿದ್ದಾರೆ. ಶೀರ್ಷಿಕೆ ಮತ್ತು ಪಾತ್ರದ ವಿಚಾರಕ್ಕೆ ಈಗಾಗಲೇ 'ಕನ್ನಡಿಗ' ಸಿನಿಮಾ ಬಹುನಿರೀಕ್ಷೆ ಹುಟ್ಟಿಸಿದೆ. ಇದೀಗ 'ಕನ್ನಡಿಗ' ಚಿತ್ರತಂಡದಿಂದ ಒಂದು ಸುದ್ದಿ ಹೊರಬಿದ್ದಿದೆ. ಅದೇನಪ್ಪಾ ಅಂದ್ರೆ, 'ಕನ್ನಡಿಗ' ಚಿತ್ರದ ಟೀಸರ್ ಬಿಡುಗಡೆಯಾಗಲಿದೆ.
ಮೇ 30 ರಂದು ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ . ರವಿಚಂದ್ರನ್ ಅವರ ಜನ್ಮದಿನದಂದು, ಕ್ರೇಜಿ ಫ್ಯಾನ್ಸ್‌ಗೆ ಉಡುಗೊರೆಯಾಗಿ 'ಕನ್ನಡಿಗ' ಚಿತ್ರದ ಟೀಸರ್ ರಿಲೀಸ್ ಆಗಲಿದೆ. ಲಿಪಿಕಾರ ಗುಣಭದ್ರನಾಗಿ ರವಿಚಂದ್ರನ್ ಹೇಗೆ ಕಾಣ್ತಾರೆ ಎಂಬ ಕುತೂಹಲಕ್ಕೆ ಭಾನುವಾರ ಬ್ರೇಕ್ ಬೀಳಲಿದೆ.
ಹಾಗ್ನೋಡಿದ್ರೆ, 'ಕನ್ನಡಿಗ' ಚಿತ್ರ ಇಷ್ಟೊತ್ತಿಗೆ ಬಿಡುಗಡೆಯಾಗಬೇಕಿತ್ತು. ಕಳೆದ ವರ್ಷ ಲಾಕ್‌ಡೌನ್ ಸಡಿಲಿಕೆಯಾದ ಬಳಿಕ 'ಕನ್ನಡಿಗ' ಚಿತ್ರದ ಚಿತ್ರೀಕರಣಕ್ಕೆ ಚಾಲನೆ ನೀಡಲಾಯಿತು. ಈಗಾಗಲೇ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಮುಗಿಸಿ, ಸೆನ್ಸಾರ್ ಅಂಗಳದಿಂದಲೂ ಪಾಸ್ ಆಗಿರುವ 'ಕನ್ನಡಿಗ' ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಈಗ ಮತ್ತೊಮ್ಮೆ ಕೋವಿಡ್ ಲಾಕ್‌ಡೌನ್ ಹೇರಲಾಗಿರುವುದರಿಂದ ಚಿತ್ರದ ಬಿಡುಗಡೆ ದಿನಾಂಕ ಇನ್ನೂ ನಿಗದಿ ಮಾಡಿಲ್ಲ.
