ನಟ ಯಶ್, ವಿಜಯ್ ದೇವರಕೊಂಡರನ್ನು ಹಿಂದಿಕ್ಕಿದ 'ನ್ಯಾಶನಲ್ ಕ್ರಶ್' ರಶ್ಮಿಕಾ ಮಂದಣ್ಣ; ವಿಷಯ ಏನು?
ನಟಿ ರಶ್ಮಿಕಾ ಮಂದಣ್ಣ ಅವರು ಚಿತ್ರರಂಗಕ್ಕೆ ಕಾಲಿಟ್ಟು ಪಂಚ ವರ್ಷಗಳು ಆಯ್ತು. ಈ ನಡುವೆ ಅವರು ಮಾಡಿದ ಸಾಧನೆ ಸಣ್ಣದೇನಲ್ಲ. ಈಗ ರಾಕಿಂಗ್ ಸ್ಟಾರ್ ಯಶ್, ವಿಜಯ್ ದೇವರಕೊಂಡ ಅವರನ್ನು ಕೂಡ ರಶ್ಮಿಕಾ ಹಿಂದಿಕ್ಕಿದ್ದಾರೆ.
Admin
0
7
ಭಾರತೀಯ ಚಿತ್ರರಂಗದಲ್ಲಿ ನಟಿ ಜನಪ್ರಿಯತೆ, ಯಶಸ್ಸಿನ ನಾಗಾಲೋಟಕ್ಕೆ ಎಲ್ಲೆ ಇಲ್ಲದಂತಾಗಿದೆ. ಚಿತ್ರರಂಗಕ್ಕೆ ಕಾಲಿಟ್ಟ 5 ವರ್ಷಗಳಲ್ಲಿ ಅವರು ನಾಲ್ಕು ಭಾಷೆಯ ಸಿನಿಮಾದಲ್ಲಿ ನಟಿಸಿದ್ದಾರೆ, ಅದರಲ್ಲೂ ಎಲ್ಲ ಸ್ಟಾರ್ ನಟರ ಜೊತೆ ಎನ್ನೋದು ವಿಶೇಷ. ಈಗ ಅವರು ಫೋರ್ಬ್ಸ್ ಪಟ್ಟಿಯಲ್ಲಿಯೂ (Forbes List of Most Influential south stars) ಕೂಡ ಅಗ್ರಸ್ಥಾನ ಪಡೆದಿದ್ದಾರೆ.
ಮೊದಲ ಸ್ಥಾನದಲ್ಲಿ ರಶ್ಮಿಕಾ ಮಂದಣ್ಣ
ದಕ್ಷಿಣ ಭಾರತದ ಉಳಿದ ಸ್ಟಾರ್‌ಗಳಿಗೆ ಹೋಲಿಕೆ ಮಾಡಿದರೆ ರಶ್ಮಿಕಾ ಮಂದಣ್ಣ ಸ್ಥಾನ ಎತ್ತರದಲ್ಲಿದೆ. , ಅಲ್ಲು ಅರ್ಜುನ್, ಮುಂತಾದವರ ಹೆಸರು ಫೋರ್ಬ್ಸ್ ಪಟ್ಟಿಯಲ್ಲಿದೆ. ರಶ್ಮಿಕಾ ನಂತರದಲ್ಲಿ ಯಶ್, ವಿಜಯ್ ದೇವರಕೊಂಡ ಹೆಸರಿದೆ. ಸೋಶಿಯಲ್ ಮೀಡಿಯಾದಲ್ಲಿ ನಟರ ಫಾಲೋವರ್ಸ್, ಎಂಗೇಜ್‌ಮೆಂಟ್, ಲೈಕ್, ವಿಡಿಯೋ ಮುಂತಾದ ಆಧಾರದ ಮೇಲೆ ಫೋರ್ಬ್ಸ್ ಪಟ್ಟಿಯಲ್ಲಿ ಸ್ಥಾನ ನೀಡಲಾಗಿದೆ. ಈ ವರ್ಷ ರಶ್ಮಿಕಾ 9.88, ಯಶ್ 9.67, ವಿಜಯ್ ದೇವರಕೊಂಡ 9.54 ರೇಟಿಂಗ್ ಇದೆ.
22.6 ಮಿಲಿಯನ್ ಫಾಲೋವರ್ಸ್
ರಶ್ಮಿಕಾ ಮಂದಣ್ಣ ಈ ಕುರಿತು ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿಕೊಂಡಿದ್ದು, ನಿಮ್ಮಿಂದ ಇದೆಲ್ಲ ಸಾಧ್ಯವಾಗಿದ್ದು ಎಂದಿದ್ದಾರೆ. ರಶ್ಮಿಕಾ ಮಂದಣ್ಣ ಅವರಿಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 22.6 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. 2016ರಲ್ಲಿ 'ಕಿರಿಕ್ ಪಾರ್ಟಿ' ಸಿನಿಮಾದಲ್ಲಿ ರಶ್ಮಿಕಾ ನಟಿಸಿದ್ದರು. ನಟನೆಯ ಗಂಧಗಾಳಿ ಗೊತ್ತಿಲ್ಲದ ಅವರಿಗೆ 'ಕಿರಿಕ್ ಪಾರ್ಟಿ' ಸಿನಿಮಾ ಯಶಸ್ಸಿನ ಬಾಗಿಲು ತೆರೆಯಿತು.
ಸ್ಟಾರ್ ನಟರ ಜೊತೆ ಸಿನಿಮಾ ಮಾಡುತ್ತಿರುವ ರಶ್ಮಿಕಾ ಮಂದಣ್ಣ
ಪುನೀತ್ ರಾಜ್‌ಕುಮಾರ್, ಗೋಲ್ಡನ್ ಸ್ಟಾರ್ ಗಣೇಶ್, ದರ್ಶನ್, ಧ್ರುವ ಸರ್ಜಾ, ನಾಗಶೌರ್ಯ, ಮಹೇಶ್ ಬಾಬು, ವಿಜಯ್ ದೇವರಕೊಂಡ, ಅಲ್ಲು ಅರ್ಜುನ್, ನಾಗಾರ್ಜುನ, ವೆಂಕಟೇಶ್ ದಗ್ಗುಬಾಡಿ, ಅಮಿತಾಭ್ ಬಚ್ಚನ್, ಸಿದ್ದಾರ್ಥ್ ಮಲ್ಹೋತ್ರ ಜೊತೆಗೆ ನಟಿಸುವ ಅವಕಾಶ ಗಳಿಸಿದರು. ರಶ್ಮಿಕಾ ಬೆಳ್ಳಿ ಪರದೆ ಮೇಲೆ ಬರಲು ಆರಂಭಿಸಿ 5 ವರ್ಷಗಳು ಉರುಳಿವೆ, ಇಚ್ಟು ಚಿಕ್ಕ ಸಮಯದಲ್ಲಿ ರಶ್ಮಿಕಾ ಸಾಧನೆ ಮೆಚ್ಚುವಂತಹದ್ದು.
ರಶ್ಮಿಕಾ ಸಿನಿಮಾಗಳು ರಿಲೀಸ್ ಆಗಬೇಕಿವೆ
ರಶ್ಮಿಕಾ ಒಂದಾದ ಮೇಲೆ ಒಂದರಂತೆ ಸಿನಿಮಾಗಳಲ್ಲಿ ಬ್ಯುಸಿಯಾದರೂ ಕೂಡ ಕೆಲವೊಂದು ಕಾರಣಕ್ಕೆ ಸಾಕಷ್ಟು ಬಾರಿ ಟ್ರೋಲ್‌ಗೆ ಒಳಗಾದರು, ನೆಗೆಟಿವ್ ಕಾಮೆಂಟ್ಸ್‌ ಬಂತು. ಆದರೆ ಇವೆಲ್ಲವುಗಳಿಗೂ ಕ್ಯಾರೆ ಎನ್ನದ ಅವರು ಕೆಲಸ ಮಾಡುತ್ತಲೇ ಇದ್ದಾರೆ. ಅಲ್ಲು ಅರ್ಜುನ್ ನಟನೆಯ 'ಪುಷ್ಫ', ಸಿದ್ದಾರ್ಥ್ ಮಲ್ಹೋತ್ರ ಜೊತೆಗೆ 'ಮಿಷನ್ ಮಜ್ನು', ನಟ ಶರ್ವಾನಂದ ಜೊತೆಗೆ aadavaallu meeku johaarlu ಸಿನಿಮಾಗಳಲ್ಲಿ ನಟಿಸಿದ್ದು, ಅವು ರಿಲೀಸ್ ಆಗಬೇಕಿವೆ. ಇನ್ನು ರಶ್ಮಿಕಾ ಬಾಲಿವುಡ್‌ನಲ್ಲಿ ಹೆಚ್ಚು ಸಿನಿಮಾಗಳನ್ನು ಮಾಡುವ ಆಲೋಚನೆಯಲ್ಲಿ ಇದ್ದಂತಿದೆ. ಬ್ಯಾಕ್ ಟು ಬ್ಯಾಕ್ ಅವರು ಬಾಲಿವುಡ್ ಸಿನಿಮಾ ಒಪ್ಪಿಕೊಳ್ಳುತ್ತಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯ
ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಅವರು ಸಾಕಷ್ಟು ವಿಷಯಗಳ ಬಗ್ಗೆ ಹಂಚಿಕೊಳ್ಳುತ್ತಿರುತ್ತಾರೆ. ಅಷ್ಟೇ ಅಲ್ಲದೆ ಕೆಲವೊಂದು ಅಭಿಪ್ರಾಯ ಹಂಚಿಕೊಂಡು, ಪರೋಕ್ಷವಾಗಿ ನೀತಿಪಾಠ ಕೂಡ ಮಾಡುತ್ತಿರುತ್ತಾರೆ. ಕರ್ನಾಟಕ ಕ್ರಶ್ ಆಗಿದ್ದ ರಶ್ಮಿಕಾ ನ್ಯಾಶನಲ್ ಕ್ರಶ್ ಆಗಿಯೂ ಹೊರಹೊಮ್ಮಿದ್ದಾರೆ.
