ಕಿಚ್ಚ ಸುದೀಪ್ ಬೇಗ ಗುಣಮುಖರಾಗಿ.. : ಜಪಾನ್ ಅಭಿಮಾನಿಯಿಂದ ಬಂತು ಪ್ರೀತಿಯ ಸಂದೇಶ!
ಕಿಚ್ಚ ಸುದೀಪ್ ಬೇಗ ಗುಣಮುಖರಾಗಲಿ ಎಂದು ಜಪಾನ್‌ನ ಮಹಿಳೆಯೊಬ್ಬರು ಹಾರೈಸಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Admin
0
8
ಅಭಿನಯ ಚಕ್ರವರ್ತಿ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಸದ್ಯ ಮನೆಯಲ್ಲೇ ಕಿಚ್ಚ ಸುದೀಪ್ ವಿಶ್ರಾಂತಿ ಪಡೆಯುತ್ತಿದ್ದಾರೆ. ವೈದ್ಯರ ಸಲಹೆಯಂತೆ ವಿಶ್ರಾಂತಿಯ ಅಗತ್ಯವಿರುವ ಕಾರಣ ಕಿಚ್ಚ ಸುದೀಪ್ '' ವಾರಾಂತ್ಯದ ಸಂಚಿಕೆಗಳ ಚಿತ್ರೀಕರಣಕ್ಕೂ ಹಾಜರ್ ಆಗುತ್ತಿಲ್ಲ.
ಕನ್ನಡ ಕಿರುತೆರೆಯ ವೀಕ್ಷಕರು ಕಿಚ್ಚ ಸುದೀಪ್‌ರನ್ನ 'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಅನಾರೋಗ್ಯದಿಂದ ಕಿಚ್ಚ ಸುದೀಪ್ ಬೇಗ ಗುಣಮುಖರಾಗಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ. ಬರೀ ಕನ್ನಡಿಗರು ಮಾತ್ರ ಅಲ್ಲ.. ದೂರದ ಜಪಾನ್‌ನಲ್ಲೂ ಕಿಚ್ಚ ಸುದೀಪ್‌ಗೆ ಅಭಿಮಾನಿಗಳಿದ್ದು, 'ನಲ್ಲ'ನ ಆರೋಗ್ಯ ಸುಧಾರಿಸಲಿ ಎಂದು ಹಾರೈಸುತ್ತಿದ್ದಾರೆ.
ಹೌದು, ಕಿಚ್ಚ ಸುದೀಪ್‌ಗೆ ವಿದೇಶದಲ್ಲೂ ದೊಡ್ಡ ಅಭಿಮಾನಿ ಬಳಗವಿದೆ. ಅದರಲ್ಲೂ ಜಪಾನ್‌ನಲ್ಲಿ ಕಿಚ್ಚ ಸುದೀಪ್‌ಗೆ ಹೆಚ್ಚು ಫ್ಯಾನ್ಸ್ ಇದ್ದಾರೆ. ಅನಾರೋಗ್ಯದಿಂದ ಕಿಚ್ಚ ಸುದೀಪ್ ಬಳಲುತ್ತಿದ್ದಾರೆ ಎಂಬ ವಿಷಯ ತಿಳಿದ ಕೂಡಲೆ ಜಪಾನ್‌ನ ಅಭಿಮಾನಿಯೊಬ್ಬರು ವಿಡಿಯೋವೊಂದನ್ನು ಮಾಡಿದ್ದಾರೆ.
''ನಮಸ್ಕಾರ ಸುದೀಪ್ ಸರ್.. ಈಗ ಹೇಗಿದ್ದೀರಾ? ನೀವು ಬೇಗ ಗುಣಮುಖರಾಗಲಿ ಎಂದು ನಾನು ಪ್ರಾರ್ಥಿಸುತ್ತಿದ್ದೇನೆ. ದಯವಿಟ್ಟು ಹುಷಾರಾಗಿ. ಜಪಾನ್‌ನಿಂದ ಈ ಪ್ರೀತಿಯ ಸಂದೇಶ ನಿಮಗಾಗಿ'' ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ ಜಪಾನ್‌ನ ಓರ್ವ ಮಹಿಳೆ. ಈ ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಇದೇ ವಿಡಿಯೋವನ್ನು ಕಿಚ್ಚ ಸುದೀಪ್ ಕೂಡ ವೀಕ್ಷಿಸಿದ್ದು, ಅಭಿಮಾನಿಯ ಪ್ರೀತಿ ಹಾಗೂ ಕಾಳಜಿ ಕಂಡು ಖುಷಿ ಪಟ್ಟಿದ್ದಾರೆ.
ಅಂದ್ಹಾಗೆ, ಕಿಚ್ಚ ಸುದೀಪ್ ಅಭಿನಯದ 'ಕೋಟಿಗೊಬ್ಬ-3' ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. 'ವಿಕ್ರಾಂತ್ ರೋಣ' ಹಾಗೂ 'ಕಬ್ಜ' ಚಿತ್ರಗಳು ಇನ್ನೂ ಶೂಟಿಂಗ್ ಹಂತದಲ್ಲಿದೆ. ಸದ್ಯ 'ಬಿಗ್ ಬಾಸ್' ಕಾರ್ಯಕ್ರಮದಲ್ಲಿ ಬಿಜಿಯಾಗಿದ್ದ ಕಿಚ್ಚ ಸುದೀಪ್, ಅನಾರೋಗ್ಯದ ಕಾರಣ ಬ್ರೇಕ್ ಪಡೆದಿದ್ದಾರೆ.
