Shivanna: ರಿಷಬ್‌ ಶೆಟ್ಟಿ ನಂತರ ಮತ್ತೋರ್ವ ಯುವ ನಿರ್ದೇಶಕನ ಜೊತೆ ಶಿವರಾಜ್‌ಕುಮಾರ್ ಸಿನಿಮಾ

'ಹ್ಯಾಟ್ರಿಕ್ ಹೀರೋ' ಈಗಾಗಲೇ ಒಂದರ ಹಿದೊಂದು ಸಿನಿಮಾ ಮಾಡ್ತಾ ಇದ್ದಾರೆ. ಶಿವಣ್ಣ ನಟನೆಯ 122ನೇ ಸಿನಿಮಾ 'ಭಜರಂಗಿ 2' ರಿಲೀಸ್ ಆಗಬೇಕಿದೆ. 123ನೇ ಸಿನಿಮಾ 'ಬೈರಾಗಿ' ಶೂಟಿಂಗ್ ಮುಕ್ತಾಯಗೊಂಡಿದೆ. 124ನೇ ಸಿನಿಮಾ 'ನೀ ಸಿಗೋವರೆಗೂ' ಶೂಟಿಂಗ್ ಪ್ರಾರಂಭಗೊಂಡಿದೆ. ಇನ್ನು, 125ನೇ ಸಿನಿಮಾವಾಗಿ 'ವೇದ' ಘೋಷಣೆ ಆಗಿದೆ. 126ನೇ ಸಿನಿಮಾವನ್ನು ರಿಷಬ್‌ ಶೆಟ್ಟಿ ನಿರ್ದೇಶನ ಮಾಡುವುದು ಖಚಿತವಾಗಿದೆ. ಇದೀಗ ಮತ್ತೋರ್ವ ಯುವ ನಿರ್ದೇಶಕನ ಜೊತೆಗೆ ಶಿವಣ್ಣ ಸಿನಿಮಾ ಮಾಡುವುದು ಕನ್ಫರ್ಮ್‌ ಆಗಿದೆ. ಯಾರು ಆ ನಿರ್ದೇಶಕ? 'ಮಮ್ಮಿ' ಖ್ಯಾತಿಯ ಲೋಹಿತ್‌. ಶಿವಣ್ಣ ಅವರು ಥ್ರಿಲ್ಲರ್‌ ಸಿನಿಮಾವೊಂದರಲ್ಲಿನಟಿಸುವ ಸುದ್ದಿ ಬಂದಿದ್ದು ಈ ಚಿತ್ರದ ಟೈಟಲ್‌ ಪೋಸ್ಟರ್‌ ಇಂದು ರಿಲೀಸ್‌ ಆಗುತ್ತಿದೆ. ಚಿತ್ರಕ್ಕೆ '' ಎಂದು ಹೆಸರಿಡಲಾಗಿದೆ. ಇದುವರೆಗೆ ಹೇಳದಿರುವ ಕಥೆಯೊಂದು ಈ ಸಿನಿಮಾದಲ್ಲಿರಲಿದೆ ಎಂದು ಗೊತ್ತಾಗಲಿದೆ. ತಮಿಳುನಾಡಿನ ಗಡಿಯಲ್ಲಿರುವ ಕಾಡು 'ಸತ್ಯಮಂಗಳ'. ಇದನ್ನೇ ಟೈಟಲ್‌ ಆಗಿ ಇಡಲಾಗಿದೆ. ಈ ಚಿತ್ರವನ್ನು 'ಮಮ್ಮಿ' ಚಿತ್ರದ ನಿರ್ದೇಶಕ ಲೋಹಿತ್‌ ಎಚ್‌. ಮನು ನಿರ್ದೇಶನ ಮಾಡಲಿದ್ದಾರೆ. ಚಿತ್ರದ ಒನ್‌ಲೈನ್‌ ಸ್ಟೋರಿ ಕೇಳುತ್ತಿದ್ದಂತೆ ಥ್ರಿಲ್‌ ಆದ ಶಿವರಾಜ್‌ಕುಮಾರ್‌ ಕೂಡಲೇ ಸಿನಿಮಾ ಕೆಲಸ ಪ್ರಾರಂಭಿಸಲು ಸೂಚಿಸಿದ್ದಾರೆ. ಕಥೆ ಯುನೀಕ್‌ ಆಗಿದೆ, ಮಾಡಿಬಿಡೋಣ ಅಂತ ಧೈರ್ಯ ನೀಡಿ, ವರಮಹಾಲಕ್ಷ್ಮಿ ಹಬ್ಬದ ದಿನವೇ ಪ್ರಕಟಿಸೋಣ ಎಂದು ಶಿವಣ್ಣ ಹೇಳಿದರು ಎಂದು ವಿವರ ನೀಡಿದೆ ಚಿತ್ರತಂಡ. ಚಿತ್ರದ ಪೋಸ್ಟರ್‌ನಲ್ಲಿ ದಟ್ಟವಾದ ಕಾಡು, ಮರಿಜೋನಾ ಗಿಡಗಳು, ಅದರ ನಡುವೆ ಕರಿಚಿರತೆ ಇದೆ. ದಟ್ಟ ಕಾಡಿನಲ್ಲಿ ನಡೆಯುವ ಕಥೆ ಚಿತ್ರದಲ್ಲಿದೆ ಎಂದಿದೆ ಚಿತ್ರತಂಡ. ಶಿವರಾಜ್‌ಕುಮಾರ್‌ ಅವರ ಫ್ಯಾನ್ಸ್‌ ಮತ್ತು ಫ್ಯಾಮಿಲಿ ಪ್ರೇಕ್ಷಕರಿಗೆ ಇಷ್ಟ ವಾಗುವ ಸಿನಿಮಾ ಇದು ಎನ್ನಲಾಗಿದೆ. ಶಿವರಾಜ್‌ಕುಮಾರ್‌ ಅವರ 122ನೇ ಸಿನಿಮಾ 'ಬೈರಾಗಿ' ನಿರ್ಮಿಸುತ್ತಿರುವ ಕೃಷ್ಣ ಸಾರ್ಥಕ್‌ ಈ ಸಿನಿಮಾವನ್ನೂ ನಿರ್ಮಿಸುತ್ತಿದ್ದಾರೆ. 'ನಿರ್ಮಾಪಕ ಕೃಷ್ಣ ಅವರಿಗೆ ಒನ್‌ಲೈನ್‌ ಸ್ಟೋರಿ ಹೇಳಿದ್ದೆ. ಶಿವಣ್ಣ 'ಬೈರಾಗಿ' ಸಿನಿಮಾ ಸೆಟ್‌ನಲ್ಲಿ ಮುಂದೆ ಯಾವ ಸಿನಿಮಾ ಮಾಡ್ತೀರಾ ಆಂತ ಕೇಳಿದಾಗ ಅವರು ನಾನು ಹೇಳಿದ್ದ ಕಥೆ ಹೇಳಿದ್ದಾರೆ. ಅದು ಶಿವಣ್ಣ ಅವರಿಗೆ ಬಹಳ ಇಷ್ಟವಾಗಿಬಿಟ್ಟಿದೆ. ನನ್ನ ಕರೆಸಿ ಮಾತನಾಡಿದರು. ಉತ್ಸಾಹದಿಂದ ಸಿನಿಮಾ ಮಾಡೋಣ, ಸ್ಕ್ರಿಪ್ಟ್‌ ಮಾಡಿ ಎಂದರು. ನನಗೆ ಇದು ದೊಡ್ಡ ವಿಷಯ. ಶಿವಣ್ಣ ಅವರ ಅಪ್ಪಟ ಅಭಿಮಾನಿ ನಾನು. ಅವರಿಗೆ ಸಿನಿಮಾ ಮಾಡುವ ಕನಸು ಹಲವು ವರ್ಷಗಳದ್ದು. ಅಭಿಮಾನಿಯಾಗಿ ಅವರನ್ನು ಯಾವ ರೀತಿ ನೋಡಲು ಬಯಸುತ್ತೇವೋ ಆ ಆ್ಯಂಗಲ್‌ನಿಂದ ಸಿನಿಮಾ ಮಾಡಬೇಕು ಅಂತ ಇದ್ದೇನೆ. ಈ ಸಿನಿಮಾದಲ್ಲಿ ಶಿವಣ್ಣ ಅವರದು ಬಹಳ ಎನರ್ಜೆಟಿಕ್‌ ಪಾತ್ರ. ಚಿತ್ರ ಮುಂದಿನ ವರ್ಷ ಸೆಟ್ಟೇರಲಿದೆ' ಎನ್ನುತ್ತಾರೆ ಲೋಹಿತ್‌.