'ಹ್ಯಾಪಿಲಿ ಮ್ಯಾರೀಡ್' ಎಂದ ಪೃಥ್ವಿ ಅಂಬಾರ್ & ಮಾನ್ವಿತಾ ಜೋಡಿಗೆ ರವಿಚಂದ್ರನ್ ಸಾಥ್‌
'ಲೈಫ್ ಈಸ್ ಬ್ಯೂಟಿಫುಲ್', 'ಶುಗರ್ಲೆಸ್' ಹೀಗೆ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿರುವ ನಟ ಪೃಥ್ವಿ ಅಂಬಾರ್ ಇದೀಗ ನಟಿ ಮಾನ್ವಿತಾ ಕಾಮತ್ ಜೊತೆಗೆ ಹೊಸ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಆ ಸಿನಿಮಾದ ಟೈಟಲ್ ಮತ್ತು ಫಸ್ಟ್ ಲುಕ್ ಅನ್ನು ರವಿಚಂದ್ರನ್ ರಿಲೀಸ್ ಮಾಡಿದ್ದಾರೆ.
Admin
0
6
'ದಿಯಾ' ಖ್ಯಾತಿಯ ಪೃಥ್ವಿ ಅಂಬಾರ್ ಮತ್ತು 'ಟಗರು ಪುಟ್ಟಿ' ಮಾನ್ವಿತಾ ಕಾಮತ್ಈಗ '' ಎನ್ನುತ್ತಿದ್ದಾರೆ! ಈ ಜೋಡಿ ಸಡನ್ ಆಗಿ 'ಹ್ಯಾಪಿಲಿ ಮ್ಯಾರೀಡ್' ಅಂತ ಹೇಳೋದಕ್ಕೆ ಕಾರಣವೇನು ಅಂತ ಯೋಚನೆ ಮಾಡ್ತಿದ್ದೀರಾ? ಕಾರಣ ಇದೆ. ಪೃಥ್ವಿ ಮತ್ತು ಮಾನ್ವಿತಾ ಒಟ್ಟಿಗೆ ನಟಿಸುತ್ತಿರುವ ಈ ಹೊಸ ಸಿನಿಮಾದ ಶೀರ್ಷಿಕೆ 'ಹ್ಯಾಪಿಲಿ ಮ್ಯಾರೀಡ್' ಅಂತ. ವಿಶೇಷವೆಂದರೆ, ಶ್ರೀಕೃಷ್ಣ ಜನ್ಮಾಷ್ಟಮಿಯ ಶುಭ ದಿನದಂದು (ಆ.30) ಈ ಸಿನಿಮಾದ ಟೈಟಲ್ ಮತ್ತು ಫಸ್ಟ್‌ಲುಕ್ ಅನ್ನು ಕ್ರೇಜಿ ಸ್ಟಾರ್ ವಿ. ಅವರು ಲಾಂಚ್ ಮಾಡಿದ್ದಾರೆ. ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಇದನ್ನು ಹಂಚಿಕೊಳ್ಳುವ ಮೂಲಕ ತಂಡಕ್ಕೆ ಶುಭ ಹಾರೈಸಿದ್ದಾರೆ.
ಕಡಿಮೆ ಅವಧಿಯಲ್ಲಿ ಶೂಟಿಂಗ್ ಕಂಪ್ಲೀಟ್ಅಚ್ಚರಿ ಎಂದರೆ, ಈಗಾಗಲೇ ಈ ಸಿನಿಮಾದ ಶೂಟಿಂಗ್ ಸಂಪೂರ್ಣವಾಗಿ ಮುಕ್ತಾಯಗೊಂಡಿದೆ. ಕೆಲವೇ ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದು, ಬಹುತೇಕ ಒಂದೇ ಲೊಕೇಷನ್‌ನಲ್ಲಿ ನಡೆಯುವ ಕಥೆಯನ್ನು ಈ ಸಿನಿಮಾ ಹೊಂದಿದೆಯಂತೆ. ಕಡಿಮೆ ಅವಧಿಯಲ್ಲಿ ಶೂಟಿಂಗ್ ಮುಗಿಸಿರುವುದು ವಿಶೇಷ. ಮಾನ್ವಿತಾ, ಪೃಥ್ವಿ ಜೊತೆಗೆ ಹಾಸ್ಯ ನಟ ಧರ್ಮಣ್ಣ ಕಡೂರು ಕೂಡ ಈ ಸಿನಿಮಾದಲ್ಲಿ ಮುಖ್ಯ ಪಾತ್ರ ಮಾಡಿದ್ದಾರೆ. 'ಶುಗರ್ಲೆಸ್' ಬಳಿಕ ಪೃಥ್ವಿ ಮತ್ತು ಧರ್ಮಣ್ಣ ಮತ್ತೊಮ್ಮೆ ಇಲ್ಲಿ ಜೊತೆಯಾಗಿದ್ದಾರೆ.
ಮಮ್ಮಿ ನಿರ್ದೇಶಕ ಲೋಹಿತ್ ಅವರ ಫ್ರೈಡೇ ಫಿಲ್ಮ್ಸ್‌ ಮತ್ತು ಸಿಲ್ವರ್ ಟ್ರೈನ್ ಇಂಟರ್‌ನ್ಯಾಷನಲ್ & ಟಿನಿ ಹ್ಯಾಂಡ್ಸ್ ಪ್ರೊಡಕ್ಷನ್ಸ್‌ ಜೊತೆಯಾಗಿ ಈ ಸಿನಿಮಾವನ್ನು ನಿರ್ಮಾಣ ಮಾಡಿದೆ. ಬಿಜಿ ಅರುಣ್, ಜೋಸ್‌ಕುಟ್ಟಿ ಮಧಥಿಲ್, ರಂಜಿತ್ ಬಂಡವಾಳ ಹೂಡಿದ್ದಾರೆ. ಈ ಹಿಂದೆ ಪೃಥ್ವಿ ಜೊತೆಗೆ 'ಲೈಫ್ ಈಸ್ ಬ್ಯೂಟಿಫುಲ್' ಸಿನಿಮಾ ಮಾಡಿದ್ದ ಅರುಣ್ಕುಮಾರ್ ಎಮ್. ಮತ್ತು ಸಬು ಅಲೋಯ್ಸಿಸ್‌ 'ಹ್ಯಾಪಿಲಿ ಮ್ಯಾರೀಡ್'ಗೆ ನಿರ್ದೇಶನ ಮಾಡುತ್ತಿದ್ದಾರೆ.
ಅಂದಹಾಗೆ, 'ದಿಯಾ' ಸಿನಿಮಾ ಮೂಲಕ ಜನಪ್ರಿಯತೆ ಗಿಟ್ಟಿಸಿಕೊಂಡ ಪೃಥ್ವಿ ಅಂಬಾರ್, ಈಗ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. 'ದಿಯಾ' ಹಿಂದಿಗೆ ರಿಮೇಕ್ ಆಗುತ್ತಿದ್ದು, ಅದರಲ್ಲೂ ಪೃಥ್ವಿ ನಟಿಸುತ್ತಿದ್ದಾರೆ. ಶಿವರಾಜ್‌ಕುಮಾರ್, ಧನಂಜಯ ಜೊತೆಗೆ 'ಬೈರಾಗಿ', ಲೋಹಿತ್ ನಿರ್ಮಾಣದ 'ಲೈಫ್ ಈಸ್ ಬ್ಯೂಟಿಫುಲ್', ಶಶಿಧರ್ ನಿರ್ದೇಶನದ 'ಶುಗರ್ಲೆಸ್' ಸಿನಿಮಾಗಳನ್ನು ಮುಗಿಸಿಕೊಟ್ಟಿದ್ದಾರೆ. ತಮಿಳಿನ ವಿಜಯ್ ಆಂಟನಿ ಸಿನಿಮಾದಿಂದಲೂ ಅವರಿಗೆ ಅವಕಾಶ ಬಂದಿದೆ. ಇದರ ಜೊತೆಗೆ ಇನ್ನಷ್ಟು ಹೊಸ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಇನ್ನು, ಮಾನ್ವಿತಾ ನಟಿಸಿರುವ 'ಶಿವ 143' ಹಾಗೂ 'ರಾಜಸ್ಥಾನ್ ಡೈರೀಸ್' ಸಿನಿಮಾಗಳು ತೆರೆಕಾಣಬೇಕಿವೆ.
