ವಾರಾಂತ್ಯದ ರಿಲ್ಯಾಕ್ಸೇಷನ್‌ಗಾಗಿ ಸ್ಲೀಪ್‌ ವೆಕೇಷನ್‌

*ಶುಭಾ ವಿಕಾಸ್‌ ವಾರಾಂತ್ಯಕ್ಕೆ ದೇಹ ಬಯಸುತ್ತದೆ. ಮನಸಿಗೂ ಸ್ವಲ್ಪ ಆಲಸ್ಯ. ವಾರಪೂರ್ತಿಯ ಒತ್ತಡ, ಸುಸ್ತು, ನಿದ್ರೆಯ ಕೊರತೆಯನ್ನೆಲ್ಲವಾರಾಂತ್ಯ ತುಂಬಿಸಿಕೊಳ್ಳಲು ಮನ ಹಂಬಲಿಸುತ್ತದೆ. ಅದಕ್ಕಾಗಿ ಆರಿಸಿಕೊಂಡ ಮಾರ್ಗ ಒಬ್ಬೊಬ್ಬರಿಗೂ ಒಂದೊಂದು ರೀತಿಯಾಗಿರಬಹುದು. ಆದರೆ ಯುವ ಜನತೆ ಇದೀಗ ವಾರಾಂತ್ಯವನ್ನು ಉತ್ತಮ , ವಿಶ್ರಾಂತಿಯೊಂದಿಗೆ ಕಳೆಯಲು ಬಯಸುತ್ತಿದ್ದು, ಅದಕ್ಕಾಗಿ ಶಾಂತಿಯುವ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಲು ಮುಂದಾಗಿದೆ. ವಾರಾಂತ್ಯವನ್ನು ನಿದ್ರೆಗೆ ಮೀಸಲಿಡುವವರು ಹಲವರಿದ್ದಾರೆ. ಆದರೆ ಅದಕ್ಕಾಗಿಯೇ ಮನೆಯ ಹೊರತಾದ ಇತರೇ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳುವಂತಹ ಟ್ರೆಂಡ್‌ ಇತ್ತೀಚೆಗೆ ಶುರುವಾಗಿದೆ. ಇದು ಸ್ಲೀಪಕೇಷನ್‌ ಅಥವಾ ಸ್ಲೀಪ್‌ ವೆಕೇಷನ್‌ ಹೆಸರಿನಲ್ಲಿಗುರುತಿಸಿಕೊಳ್ಳುತ್ತಿದ್ದು, ಇದೊಂದು ವೆಲ್‌ನೆಸ್‌ ಪ್ರವಾಸವಾಗಿಯೂ ಗಮನ ಸೆಳೆಯುತ್ತಿದೆ. ಹಲವರು ತಮ್ಮ ವಾರಾಂತ್ಯವನ್ನು ಪ್ರವಾಸ ತಾಣಗಳಿಗೆ ಭೇಟಿ ನೀಡಿ ಎಂಜಾಯ್‌ ಮಾಡಿದರೆ ಇನ್ನೂ ಹಲವರು ಅಹ್ಲಾದಕರ ವಾತಾವರಣದಲ್ಲಿವಿಶ್ರಾಂತಿ ಪಡೆಯಲು ಬಯಸುತ್ತಾರೆ. ಈ ಮೂಲಕ ಮುಂದಿನ ಒಂದಿಷ್ಟು ದಿನಗಳು ಮೈಮನ ಚೇತೋಹಾರಿ ಆಗಿರುವಂತೆ ನೋಡಿಕೊಳ್ಳುತ್ತಾರೆ. ನಿದ್ರೆ ಹಾಗೂ ಮಲಗುವ ಜಾಗ ಒಂದಕ್ಕೊಂದು ಸಂಬಂಧ ಹೊಂದಿದೆ. ಉತ್ತಮ ನಿದ್ರೆಗೆ ಸೂಕ್ತ ವಾತಾವರಣ ಕೂಡ ಪೂರಕ. ಹೀಗಾಗಿ ಹಗಲಿನ ಗಲಾಟೆ, ಮಾಲಿನ್ಯಗಳಿಂದ ದೂರವಿದ್ದು, ನಿದ್ರೆ ಅಥವಾ ವಿಶ್ರಾಂತಿಗೆ ಪೂರಕ ವಾತಾವರಣ ಒದಗಿಸುವ ಸ್ಪಾ, ರೆಸಾರ್ಟ್‌ಗಳನ್ನು ಹಲವರು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಈ ಮೂಲಕ ಹಣಕೊಟ್ಟು ನಿದ್ರೆಯನ್ನು ಕೊಂಡುಕೊಳ್ಳುತ್ತಿದ್ದಾರೆ. ಆದರೆ ಈ ಪರಿಕಲ್ಪನೆ ಕೇವಲ ನಿದ್ರೆಗೆ ಸೀಮಿತವಲ್ಲ. ವಿಶ್ರಾಂತಿ, ಅಹ್ಲಾದಕರ ಎಂದೆನಿಸುವ ಚಟುವಟಿಕೆಗಳಿಗೂ ಕೂಡ. ಓದು, ಹಾಡು, ಚಿತ್ರ ಕಲೆ, ಬರವಣಿಗೆಗಾಗಿಯೂ ಬಳಕೆಯಾಗುತ್ತದೆ. ನಿದ್ರೆಯ ಹೊರತಾಗಿ ಏನು ಮಾಡಬಹುದು? ಸ್ಲೀಪ್‌ ವೆಕೇಷನ್‌ ಎಂಬುದು ರಿಲ್ಯಾಕ್ಸೇಷನ್‌ ವಿಧಾನ. ಒತ್ತಡದಿಂದ ಹೊರ ಬರಲು ತಮ್ಮ ಇಷ್ಟದ ಚಟುವಟಿಕೆಗಳಲ್ಲಿತೊಡಗಿಕೊಳ್ಳಬಹುದು. ಸ್ಪಾ, ಧ್ಯಾನ ಕೇಂದ್ರ, ನ್ಯಾಚುರೋಪತಿ ಕೇಂದ್ರಗಳಿಗೆ ಕೂಡ ಹಲವರು ಭೇಟಿ ನೀಡುತ್ತಾರೆ. ವೆಲ್‌ನೆಸ್‌ ತಜ್ಞ ಡಾ. ಗಂಗಾಧರ ಅವರ ಪ್ರಕಾರ 'ಒತ್ತಡದಿಂದ ಹೊರ ಬಂದು ರಿಲ್ಯಾಕ್ಸ್‌ ಆಗಲು ಸಾಕಷ್ಟು ವಿಧಾನಗಳಿವೆ. ಆದರೆ ಇಂಥದ್ದೇ ವಿಧಾನ ಅನುಸರಿಸಬೇಕಿಲ್ಲ. ಉಲ್ಲಾಸ ಉಕ್ಕಬೇಕು. ಅರಾಮದಾಯಕವೆನಿಸಬೇಕು. ಒಂದಿಷ್ಟು ಸಮಯದ ವಿಶ್ರಾಂತಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಹಳೆಯ ಜೀವಕೋಶಗಳನ್ನು ರಿಪೇರಿ ಮಾಡುತ್ತದೆ.'