ಕಾಗ್ನ್ಯಾಕ್ ಬಗ್ಗೆ ಇರುವ ಮಿಥ್ಯಗಳು ಮತ್ತು ಇದನ್ನು ಸೇವಿಸುವ ಸರಿಯಾದ ಕ್ರಮ

ಇತಿಹಾಸ ಇದನ್ನು ಫ್ರೆಂಚ್ ಬ್ರಾಂದಿ ಹಾಗೂ ಇದನ್ನು ಕೇವಲ ಒಂದು ನಿರ್ದಿಷ್ಟ ವಯಸ್ಸಿನ ವ್ಯಕ್ತಿಗಳು ಮಾತ್ರವೇ ಕುಡಿಯಬೇಕೆಂದು ಅದೂ ಎಂದಿನಂತಲ್ಲದೇ ಅಪರೂಪಕ್ಕೊಮ್ಮೆ ಮಾತ್ರವೇ ಮಿತ ಪ್ರಮಾಣದಲ್ಲಿ ಮಾತ್ರವೇ ಸೇವಿಸಬಹುದೆಂದೂ ಒಂದು ನಂಬಿಕೆ ಪ್ರಚಲಿತವಾಗಿದೆ. ಸಾಮಾನ್ಯವಾಗಿ ಯಾವುದೇ ಮಿಥ್ಯೆಯ ಹಿಂದೆ ಯಾವುದೋ ಒಂದು ಸ್ವಾರ್ಥ ಅಡಗಿರುವುದು ಸ್ಪಷ್ಟ. ಸುಮಾರು ಹದಿನೇಳನೇ ಶತಮಾನದಿಂದಲೂ ಬಳಕೆಯಲ್ಲಿರುವ ಕಾಗ್ನ್ಯಾಕ್ ರಾಜ ಮಹಾರಾಜರ ಊಟದ ಮೇಜಿನ ಮೇಲಿನ ಅಲಂಕಾರವನ್ನು ಹೆಚ್ಚಿಸುತ್ತಿತ್ತು ಹಾಗೂ ಕೇವಲ ಉಳ್ಳವರು ಮಾತ್ರವೇ ಸೇವಿಸಬಹುದಾದಷ್ಟು ದುಬಾರಿಯಾಗಿತ್ತು. ಇದು ಅಪರೂಪಕ್ಕೆ ಸಿಗುತ್ತಿದ್ದುದರಿಂದ ಹಾಗೂ ವೈನ್ ಹೊರತಾಗಿ ಎಷ್ಟು ಬಂದರೂ ಎಲ್ಲವೂ ಖರ್ಚಾಗಿ ಹೋಗುವ ಮದ್ಯವಾಗಿತ್ತು ಹಾಗೂ ನಿಜಕ್ಕೂ ಇದು ಕೇವಲ ಒಂದು ವಯಸ್ಸಿನ ವ್ಯಕ್ತಿಗಳೇ ಕುಡಿಯಬೇಕೆಂದೇನೂ ಇರಲಿಲ್ಲ. ಆದರೂ ಈ ಮಿಥ್ಯೆ ಪ್ರಚಲಿತವಾದುದು ಹೇಗೆ? ಇದಕ್ಕೆ ಇತಿಹಾಸದಲ್ಲಿ ಇಣುಕಿ ನೋಡಬೇಕಾಗುತ್ತದೆ. ಸುಮಾರು ಹದಿನಾರನೇ ಶತಮಾನದಲ್ಲಿ ಫ್ರಾನ್ಸ್ ನ ಪ್ರಾಂತದಲ್ಲಿ ವೈನ್ ತಯಾರಿಕೆ ಹೆಚ್ಚು ಫಲದಾಯಕವಾಗುತ್ತಿತ್ತು. ಚಾರೆಂಟೇ ನದಿಯ ತೀರ ದ್ರಾಕ್ಷಿ ಬೆಳೆಯಲು ಹಾಗೂ ದ್ರಾಕ್ಷಾರಸ ಮಾರಾಟ ಮಾಡಲು ಉತ್ತಮವಾಗಿದ್ದು ರೋಮನ್ನರು ಇದರ ಪ್ರಯೋಜನವನ್ನು ಪಡೆದಿದ್ದರು. ಇದರಲ್ಲಿ ಕಾಗ್ನ್ಯಾಕ್ ಎಂಬ ಸ್ಥಳದಲ್ಲಿ ತಯಾರಾಗುತ್ತಿದ್ದ ದ್ರಾಕ್ಶಾರಸಕ್ಕೆ ಶಾಂಪೇನ್ ಎಂಬ ಹೆಸರು ಇಡಲಾಗಿತ್ತು. ಪ್ಯಾರಿಸ್ ನಗರದಿಂದ ಸುಮಾರು ಇನ್ನೂರು ಕಿಮೀ ಪೂರ್ವದಲ್ಲಿ ತಯಾರಾಗುವ ಸ್ಪಾರ್ಕ್ಲಿಂಗ್ ವೈನ್ ಗೂ ಗೂ ಸಾಮ್ಯವೇನೂ ಇರಲಿಲ್ಲ. ವಾಸ್ತವದಲ್ಲಿ, ಖಾಲಿ ಇರುವ ಜಾಗದಲ್ಲಿ ಬೆಳೆ ಬೆಳೆಯಬಹುದಾದ ಪ್ರದೇಶವನ್ನು ರೋಮನ್ನರು ಚಾಂಪಾನಿಯಾ (Campania) ಎಂಬ ಲ್ಯಾಟಿನ್ ಪದದಿಂದ ಕರೆಯುತ್ತಿದ್ದರು ಹಾಗೂ ಇಲ್ಲಿ ಬೆಳೆದ ಬೆಳೆಯಿಂದ ತಯಾರಾದ ರಸಕ್ಕೆ ಶಾಂಪೇನ್ ಎಂದು ಹೆಸರಿಟ್ಟರು. ಈ ತರಹ ಮೂರು ಪ್ರಾಂತಗಳು ಇದೇ ಹೆಸರನ್ನು ಪಡೆದುಕೊಂಡವು. ದಕ್ಷಿಣ ಇಟಲಿಯ ಕ್ಯಾಂಪಾನಿಯಾ, ಉತ್ತರ ಫ್ರಾನ್ಸ್ ನ ಶಾಂಪೇನ್ ಪ್ರಾಂತ ಮತ್ತು ಕಾಗ್ನ್ಯಾಕ್ ಪ್ರಾಂತ. ಇವು ಒಂದೇ ಹೆಸರನ್ನು ಹೊಂದಿದ್ದರೂ ಇಲ್ಲಿ ತಯಾರಿಸಲಾಗುವ ವೈನ್ ಗಳಿಗೆ ಯಾವುದೇ ಸಾಮ್ಯ ಇರಲಿಲ್ಲ. ಈ ಪ್ರಾಂತಗಳು ಹಿಂದೊಮ್ಮೆ ಗೊಂಡಾರಣ್ಯಗಳಾಗಿದ್ದವು ಹಾಗೂ ಈಗ ದ್ರಾಕ್ಷಿಬೆಳೆಯ ತೋಟವಾಗಿ ಪರಿವರ್ತನೆಗೊಂಡವು. ಇಲ್ಲಿ ಬೆಳೆದ ಉತ್ಪನ್ನವನ್ನು ವ್ಯಾಪಾರ ಮಾಡಲು ಚಾರೆಂಟೇ ನದಿ 'ವಾಣಿಜ್ಯ ದಾರಿ'ಯಾಗಿ ಪರಿಗಣಿಸಲ್ಪಟ್ಟಿತ್ತು. ಈ ಮೂಲಕ ಕಾಗ್ನ್ಯಾಕ್ ಪ್ರದೇಶಕ್ಕೂ ದ್ರಾಕ್ಷಿ ಬೆಳೆ ಪರಿಚಯಿಸಲ್ಪಟ್ಟಿತು ಹಾಗೂ ವೈನ್ ಉತ್ಪನ್ನ ಮುಖ್ಯ ಆದಾಯ ಮೂಲವಾಯಿತು. ಹದಿನಾರನೇ ಶತಮಾನದ ಕೊನೆಯ ವರ್ಷಗಳಲ್ಲಂತೂ ಅಗತ್ಯಕ್ಕೂ ಮೀರಿದ ಉತ್ಪನ್ನ ತಯಾರಾಗಿತ್ತು. ಇದನ್ನು ಹಾಳಾಗದೇ ಉಳಿಸಿಕೊಳ್ಳಲು ಭಟ್ಟಿ ಇಳಿಸುವ ತಂತ್ರವನ್ನು ಕಂಡುಹಿಡಿಯಲಾಯ್ತು. ಭಟ್ಟಿ ಇಳಿಸುವ ಕ್ರಮ ಎಂದಿನಿಂದ ಪ್ರಾರಂಭವಾಯ್ತು ಇಂದು ನಿಖರವಾಗಿ ತಿಳಿದು ಬಂದಿಲ್ಲ. ಜನಪ್ರಿಯ ನಂಬಿಕೆಯ ಪ್ರಕಾರ, ಈ ಕ್ರಮವನ್ನು ಡಚ್ ವ್ಯಾಪಾರಿಗಳು ಪ್ರಾರಂಭಿಸಿದರು. ಮದ್ಯವನ್ನು ತಮ್ಮ ಊರಿಗೆ ಕೊಂಡೊಯ್ಯುವ ಉದ್ದೇಶದಿಂದ ಇದನ್ನು ಬಿಸಿ ಮಾಡಿ ನೀರಿನಂಶವನ್ನು ಆವಿಯಾಗಿಸಿ ಸಾಂದ್ರೀಕರಿಸಿ ಓಕ್ ಮರದ ಪೀಪಾಯಿಗಳಲ್ಲಿ ತುಂಬಿಸಿ ತೆಗೆದುಕೊಂಡು ಹೋಗುತ್ತಿದ್ದರು. ಈ ಪ್ರಯಾಣದಲ್ಲಿ ಮದ್ಯ ತನ್ನ ಹಳತಾಗುವಿಕೆಯನ್ನು ಪಡೆಯುತ್ತಿತ್ತು. ಮದ್ಯ ಹಳತಾದಷ್ಟೂ ಬೆಲೆ ಹೆಚ್ಚು. ಊರು ತಲುಪಿದ ಬಳಿಕ ಇದಕ್ಕೆ ನೀರು ಬೆರೆಸಿ ಮೂಲ ಸಾಂದ್ರತೆಯನ್ನು ಪಡೆಯುವಂತೆ ಮಾಡಿ ಮಾರುತ್ತಿದ್ದರು. ಇದು ರುಚಿಕರವಾಗಿದ್ದು ವೈನ್ (wijn) ಎಂಬ ಹೆಸರನ್ನು ಪಡೆಯಿತು (wijn ಎಂದರೆ burnt wine ಎಂದು ಅರ್ಥ). ಇವೆರಡೂ ಪದಗಳನ್ನು ಸೇರಿಸಿ brandy (ಬ್ರಾಂದಿ) ಎಂಬ ಪದ ಪಡೆಯಲಾಯಿತು. ಕೆಲವು ಮಾಹಿತಿಗಳ ಪ್ರಕಾರ ಭಟ್ಟಿ ಇಳಿಸಿ ಸಾಂದ್ರತೆಯನ್ನು ಹೆಚ್ಚಿಸುವ ಕ್ರಮ ಇತರ ಪ್ರಾಂತಗಳಲ್ಲಿಯೂ ಇತ್ತು ಹಾಗೂ ಇಲ್ಲಿ ಅಂದರೆ ಕಾಗ್ನ್ಯಾಕ್ ಪ್ರಾಂತದಲ್ಲಿಯೂ ಈ ವ್ಯಾಪಾರ ಲಾಭದಾಯಕವಾಗಿರುವುದನ್ನು ಪರಿಗಣಿಸಿ ಅನ್ವಯಿಸಿಕೊಳ್ಳಲಾಯಿತು ಎಂದು ಹೇಳಲಾಗುತ್ತದೆ. ಆದರೆ ಈ ಲಾಭವನ್ನು ಕಂಡ ಸರ್ಕಾರ ತೆರಿಗೆಗಳನ್ನೂ ಹೆಚ್ಚಿಸಿತು. 1678 ರಲ್ಲಿ, ಲಂಡನ್ ಗೆಜೆಟ್ ಎಂಬ ಮಾಧ್ಯಮ ಫ್ರಾನ್ಸ್‌ನ ಕಾಗ್ನಿಯಾಕ್ ಬ್ರಾಂಡಿ ಬಗ್ಗೆ ಕಥೆಗಳನ್ನು ಪ್ರಕಟಿಸಿತು, ಅದು ಜನಪ್ರಿಯವಾಯಿತು ಮತ್ತು ಶತಮಾನದ ಆರಂಭದ ವೇಳೆಗೆ, ವೈನ್ ತಯಾರಿಕೆಯು ಭಟ್ಟಿ ಇಳಿಸುವಿಕೆಗೆ ಸಂಪೂರ್ಣವಾಗಿ ದಾರಿ ಮಾಡಿಕೊಟ್ಟಿತು. ಮತ್ತು ಬಹಳ ಸಮಯದ ನಂತರ, ಅಂದರೆ, 1715 ರಲ್ಲಿ, ಜರ್ಸಿ ದ್ವೀಪಗಳ (ಯುಕೆ) ನಿವಾಸಿ ಹಾಗೂ ಬ್ರಿಟಿಶ್ ನಾರಗಿಕ ಜೀನ್ ಮಾರ್ಟೆಲ್, ಈ ಪ್ರದೇಶದ ಮೊದಲ ಕಾಗ್ನ್ಯಾಕ್ ಮನೆಯನ್ನು ಸ್ಥಾಪಿಸಲು ಆಗಮಿಸಿದನು, ಇದನ್ನು ನಾಮಸೂಚಕವಾಗಿ ಮಾರ್ಟೆಲ್ ಎಂದು ಹೆಸರಿಸಲಾಯಿತು. ಈ ಮೂಲಕ ಕಾಗ್ನ್ಯಾಕ್ ಎಂಬ ಹೆಸರು ಹೆಚ್ಚು ಪ್ರಚಲಿತವಾಯಿತು. ಶಕ್ತಿಯುತ ಅಥವಾ ಪ್ರಾಮುಖ್ಯತೆ ಹೊಂದಿರುವ ಯಾರೊಬ್ಬರ ಆಯ್ಕೆಯ ಪಾನೀಯವಾಗಿ ಪರಿಣಮಿಸಿತು. ನಿರ್ವಿವಾದವಾಗಿ ಇದೊಂದು ಐಷಾರಾಮಿ ಮದ್ಯ ಎಂದು ಶೀಘ್ರವೇ ಪರಿಗಣಿಸಲ್ಪಟ್ಟಿತು ಆದರೆ ಇದಕ್ಕೂ ಸ್ಪರ್ಧೆಗಳು ಇದ್ದೇ ಇದ್ದವು. ರಮ್ ವ್ಯಾಪಾರ ವಸಾಹತುಗಳಲ್ಲಿ, ವಿಶೇಷವಾಗಿ ಅಮೇರಿಕಾದಲ್ಲಿ ಹೆಚ್ಚು ಲಾಭಕರವಾಗಿ ಹೆಚ್ಚಾಗುತ್ತಿತ್ತು ಮತ್ತು ಇದು ಕೆರಿಬಿಯನ್ ದ್ವೀಪಗಳಿಂದ ಸಕ್ಕರೆಯನ್ನೂ ಮತ್ತು ಆಫ್ರಿಕಾದ ಗುಲಾಮರನ್ನು ಹೆಡೆಮುರಿ ಕಟ್ಟಿ ತಂದು ಅಗ್ಗದಲ್ಲಿ ಕೆಲಸ ಮಾಡಿಸುತ್ತಿದ್ದರಿಂದ, ಇದು ಒಟ್ಟಾರೆ ಹೆಚ್ಚು ಲಾಭದಾಯಕವಾಗಿತ್ತು ಮತ್ತು ಹಡಗಿನ ನಾಯಕರು ಮತ್ತು ವ್ಯಾಪಾರಿಗಳಿಗೆ ವೈನ್ ವ್ಯಾಪಾರವೇ ಕಾಗ್ನ್ಯಾಕ್ ಗಿಂತಲೂ ಹೆಚ್ಚು ಆಕರ್ಷಕವಾಗಿತ್ತು. ಅಲ್ಲದೇ ಹತ್ತೊಂಭತ್ತನೆಯ ಶತಮಾನದ ಮಧ್ಯದಲ್ಲಿ ವೈನ್ ಉತ್ಪಾದನೆಗೆ ಕಂಟಕವಾದ ಫೈರಾಕ್ಸಿಲಾ () ಎಂಬ ಕ್ರಿಮಿ ಪಶ್ಚಿಮ ಯೂರೋಪ್ ಆದ್ಯಂತ ವೈನ್ ಉತ್ಪಾದನಾ ಕೇಂದ್ರಗಳನ್ನು ಧ್ವಂಸ ಮಾಡಿಯಾಗಿತ್ತು. ಪರಿಣಾಮವಾಗಿ ಕಾಗ್ನ್ಯಾಕ್ ವೈನ್ ಗೆ ಎಲ್ಲಿಲ್ಲದ ಬೇಡಿಕೆ ಬಂದು ಪೂರೈಸಲೇ ಸಾಧ್ಯವಾಗದಷ್ಟು ಏರುತ್ತಿತ್ತು. ತಯಾರಿಸಿದಷ್ಟೂ ಮದ್ಯ ಹಾಗೇ ಖಾಲಿಯಾಗುತ್ತಿತ್ತು ಮತ್ತು ಬೇಡಿಕೆ ಈಡೇರಿಸಲು ಏನು ಮಾಡಬೇಕೆಂದೇ ತೋಚದಾಗುತ್ತಿತ್ತು. (ಈ ಸಂದರ್ಭದಲ್ಲಿಯೇ ಕಾಗ್ನ್ಯಾಕ್ ನ ಬದಲಿ ಎಂದು ಸ್ಕಾಚ್ ಮತ್ತು ಸಿಂಗಲ್ ಮಾಲ್ಟ್ ಗಳು ಪ್ರಸ್ತುತಗೊಂಡು ಸಾಕಷ್ಟು ಜನಪ್ರಿಯತೆ ಪಡೆದವು) ಈ ರೋಗದ ಮೇಲೆ ಹತೋಟಿ ಸಾಧಿಸಿ ಸುಧಾರಿಸುವಷ್ಟರಲ್ಲಿ ಮೊದಲ ಮಹಾಯುದ್ಧ ಆರಂಭಗೊಂಡಿತು. 1920ರ ಮಹಾ ಖಿನ್ನತೆ (the Great Depression of the 1920s), ಅಮೇರಿಕಾದಲ್ಲಿ ಮದ್ಯ ಪ್ರತಿಬಂಧ (ಮದ್ಯಕ್ಕೆ ಅತ್ಯಂತ ದೊಡ್ಡ ಪ್ರಮಾಣದ ಗ್ರಾಹಕರಿದ್ದುದೇ ಅಮೇರಿಕಾದಲ್ಲಿ) ಮತ್ತು ಕಾಲಕಳೆದಂತೆ ಎರಡನೆಯ ಮಹಾಯುದ್ದಳು ಜಗತ್ತನ್ನೇ ನಡುಗಿಸಿದವು ಹಾಗೂ ಅಭಿವೃದ್ಧಿ ಹಿನ್ನಡೆ ಪಡೆಯಿತು. ಇವೆಲ್ಲಾ ಮುಗಿದು ಜಗತ್ತು ಚೇತರಿಸಿಕೊಳ್ಳುತ್ತಿದ್ದಾಗ ಕಾಗ್ನ್ಯಾಕ್ ಎಲ್ಲೋ ಎಲ್ಲರಿಗೂ ಮರೆತೇ ಹೋದ ವಿಷಯವಾಗಿತ್ತು. ಅಂದಿನಿಂದಲೂ ಪುನರುಜ್ಜೀವನ ಮುಂದುವರೆಯುತ್ತಿದೆ ಹಾಗೂ ಹಿಂದಿನ ಮದ್ಯದ ಲೋಟಗಳಾದ ಚರ್ಮದ ಚೀಲದಲ್ಲಿ ಸುತ್ತಲ್ಪಟ್ಟ ಸ್ನಿಫ್ಘರ್ ಎಂಬ ಪಾತ್ರೆಯಲ್ಲಿ ಬೆಚ್ಚಗೆ ಕುಡಿಯುತ್ತಿದ್ದುದು ಈಗ ವೈನ್ ಗ್ಲಾಸ್ ಮತ್ತು ಅತ್ಯಂತ ಶೀತಲಗೊಳಿಸಿ ಸೇವಿಸುವ ಕ್ರಮ ಬಂದಿದೆ. ಇತರ ಬಗೆಯ ಮದ್ಯಗಳನ್ನು ಬೆರೆಸಿ ಕಾಕ್ಟೇಲ್ ಮಾಡಿ ಕುಡಿಯುವುದು ಅಥವಾ ಏನನ್ನೂ ಬೆರೆಸದೇ ಸೇವಿಸುವುದು ನಡೆಯುತ್ತಿದೆ. ಕೊಂಚ ದುಬಾರಿಯಾದರೂ ಸರಿ, ಈ ಅದ್ಭುತ ಪಾನೀಯವನ್ನು ನೀವೇಕೆ ಈ ವಾರಾಂತ್ಯ ಪ್ರಯತ್ನಿಸಬಾರದು? To Read in English Click: