ವಾಟ್ಸ್ಯಾಪ್‌ ವಿಡಿಯೊ ಕಾಲ್‌ ರಿಸೀವ್‌ ಮಾಡ್ತೀರಾ? ಎಚ್ಚರ ನಗ್ನ ದೇಹ ತೋರಿಸಿ ಸುಲಿಗೆ ಮಾಡೋರಿದ್ದಾರೆ!
ಯುವಕನಿಗೆ ಅಪರಿಚಿತ ನಂಬರ್‌ನಿಂದ ಏ.5ರಂದು ವಾಟ್ಸ್ಯಾಪ್‌ ಕರೆ ಬಂದಿದೆ. ಯಾರು ವಿಡಿಯೊ ಕಾಲ್‌ ಮಾಡಿದ್ದಾರೆ? ಏಕೆ ಮಾಡಿದ್ದಾರೆ? ಎಂದು ಯೋಚಿಸದೆ ರಿಸೀವ್‌ ಮಾಡಿದ್ದಾನೆ. ಕಾಲ್‌ನಲ್ಲಿ ಮಹಿಳೆಯೊಬ್ಬಳು ನಗ್ನವಾಗಿರುವುದು ಕಂಡುಬಂದಿದೆ. ಕಾಲ್‌ ಕಟ್‌ ಮಾಡಿದ ಕೆಲ ನಿಮಿಷಗಳಲ್ಲೇ ಅದೇ ನಂಬರ್‌ನಿಂದ ಮೆಸೇಜ್‌ ಕಳುಹಿಸಿದ ಖದೀಮರು, ಬೆತ್ತಲೆ ಮಹಿಳೆ ಜತೆ ಯುವಕ ವಿಡಿಯೊ ಕಾಲ್‌ನಲ್ಲಿರುವ ಸ್ಕ್ರೀನ್‌ ರೆಕಾರ್ಡ್‌ ವಿಡಿಯೊ ಕಳುಹಿಸಿದ್ದಾರೆ.
Admin
0
10
ಬೆಂಗಳೂರು: ವಾಟ್ಸ್ಯಾಪ್‌ ವಿಡಿಯೊ ಕಾಲ್‌ನಲ್ಲಿ ಅಶ್ಲೀಲ ವಿಡಿಯೊ ಪ್ಲೇ ಮಾಡಿ ಅದರ ಸ್ಕ್ರೀನ್‌ ರೆಕಾರ್ಡ್‌ ಮಾಡಿಟ್ಟುಕೊಂಡು ಹಣಕ್ಕಾಗಿ ಬ್ಲ್ಯಾಕ್‌ಮೇಲ್‌ ಮಾಡುತ್ತಿರುವ ಮತ್ತೊಂದು ಪ್ರಕರಣ ವರದಿಯಾಗಿದೆ.
ನಗರದ 22 ವರ್ಷದ ಯುವಕನಿಗೆ ಅಪರಿಚಿತ ನಂಬರ್‌ನಿಂದ ಏ.5ರಂದು ವಾಟ್ಸ್ಯಾಪ್‌ ಕರೆ ಬಂದಿದೆ. ಯಾರು ವಿಡಿಯೊ ಕಾಲ್‌ ಮಾಡಿದ್ದಾರೆ? ಏಕೆ ಮಾಡಿದ್ದಾರೆ? ಎಂದು ಯೋಚಿಸದೆ ರಿಸೀವ್‌ ಮಾಡಿದ್ದಾನೆ. ಕಾಲ್‌ನಲ್ಲಿ ಮಹಿಳೆಯೊಬ್ಬಳು ನಗ್ನವಾಗಿರುವುದು ಕಂಡುಬಂದಿದೆ. ಕಾಲ್‌ ಕಟ್‌ ಮಾಡಿದ ಕೆಲ ನಿಮಿಷಗಳಲ್ಲೇ ಅದೇ ನಂಬರ್‌ನಿಂದ ಮೆಸೇಜ್‌ ಕಳುಹಿಸಿದ ಖದೀಮರು, ಬೆತ್ತಲೆ ಮಹಿಳೆ ಜತೆ ಯುವಕ ವಿಡಿಯೊ ಕಾಲ್‌ನಲ್ಲಿರುವ ಸ್ಕ್ರೀನ್‌ ರೆಕಾರ್ಡ್‌ ವಿಡಿಯೊ ಕಳುಹಿಸಿದ್ದಾರೆ.
ಪೇಟಿಎಂ ಮೂಲಕ ನಾವು ಕಳುಹಿಸುವ ನಂಬರ್‌ಗೆ ಹಣ ಕಳುಹಿಸಬೇಕು. ಇಲ್ಲದಿದ್ದರೆ ಈ ವಿಡಿಯೊವನ್ನು ಫೇಸ್‌ಬುಕ್‌, ಇನ್‌ಸ್ಟಾಗ್ರಾಂ, ಯುಟ್ಯೂಬ್‌ಗೆ ಅಪ್‌ಲೋಡ್‌ ಮಾಡಿ ಮರ್ಯಾದೆ ತೆಗೆಯುತ್ತೇವೆ ಎಂದು ಬೆದರಿಕೆ ಹಾಕಿದ್ದಾರೆ. ಆದರೆ, ಯುವಕ ಅವರ ಬೆದರಿಕೆಗೆ ಜಗ್ಗದೆ ಹಣ ನೀಡಿರಲಿಲ್ಲ. ಆಗ ಯುವಕನ ಫೇಸ್‌ಬುಕ್‌ ಲಿಸ್ಟ್‌ನಲ್ಲಿರುವ ಸ್ನೇಹಿತರಿಗೆ ಫೇಸ್‌ಬುಕ್‌ ಮೆಸೆಂಜರ್‌ ಮೂಲಕ ವಿಡಿಯೊ ಕಾಲ್‌ ಸ್ಕ್ರೀನ್‌ಶಾಟ್‌ ತುಣುಕು ಕಳುಹಿಸಿದ್ದಾರೆ.
ಈ ವಿಚಾರ ಸ್ನೇಹಿತರ ಮೂಲಕ ಯುವಕನಿಗೆ ಗೊತ್ತಾಗಿದೆ. ನಂತರ ವೈಟ್‌ಫೀಲ್ಡ್‌ ಸೈಬರ್‌ ಕ್ರೈಂ ಠಾಣೆಗೆ ದೂರು ನೀಡಿದ್ದಾರೆ. ಬೆತ್ತಲೆ ಗ್ಯಾಂಗ್‌ ಜಾಲಕ್ಕೆ ಸಿಲುಕಿ ಹಣ ಕೊಟ್ಟು ಬೇಸತ್ತು ಇತ್ತೀಚೆಗೆ ಎಂಬಿಎ ಪದವೀಧರ ಆತ್ಮಹತ್ಯೆ ಮಾಡಿಕೊಂಡಿದ್ದ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ರಾಜಸ್ಥಾನದಲ್ಲಿ ಇಬ್ಬರು ಆರೋಪಿಗಳನ್ನು ಬಂಧಿಸಿ ನಗರಕ್ಕೆ ಕರೆ ತಂದಿದ್ದರು.
