ಮುಂಬೈ ಅಪಾರ್ಟ್‌ಮೆಂಟ್‌ ಎದುರು 'ನೋ ಕಿಸ್ಸಿಂಗ್‌ ಜೋನ್‌' ಬೋರ್ಡ್..!
ನಿತ್ಯ ಇಂತಹ ದೃಶ್ಯಗಳನ್ನು ನೋಡಿ ರೋಸಿ ಹೋದ ಅಪಾರ್ಟ್‌ಮೆಂಟ್‌ ನಿವಾಸಿಗಳು ಸ್ಥಳೀಯ ಕಾರ್ಪೊರೇಟರ್‌ಗಳಿಗೆ ದೂರು ನೀಡಿದರೂ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಹೀಗಾಗಿ ಸೊಸೈಟಿಯವರೇ ಯುವ ಜನರ ಅಸಭ್ಯ ವರ್ತನೆಗೆ ಕಡಿವಾಣ ಹಾಕಲು ಮುಂದಾಗಿದ್ದಾರೆ.
Admin
0
7
(ಮಹಾರಾಷ್ಟ್ರ): ಯಾವುದಾದರೂ ಕಾಂಪೌಂಡ್‌ ಮೇಲೆ 'ಇಲ್ಲಿ ಮೂತ್ರ ವಿಸರ್ಜನೆ ಮಾಡಬಾರದು' ಎಂದೋ, ಮನೆ ಎದುರಿನ ಗೇಟಿಗೆ 'ನೋ ಪಾರ್ಕಿಂಗ್‌' ಎಂದೋ ಹಾಕಿದ್ದನ್ನು ನೋಡಿದ್ದೇವೆ. ಆದರೆ, ಮುಂಬಯಿಯ ಹೌಸಿಂಗ್‌ ಸೊಸೈಟಿಯೊಂದು ಅಪಾರ್ಟ್‌ಮೆಂಟ್‌ ಎದುರಿನ ರಸ್ತೆ ಮೇಲೆ 'ನೋ ಕಿಸ್ಸಿಂಗ್‌ ಜೋನ್‌' () ಎಂದು ದೊಡ್ಡದಾಗಿ ಬರೆಸುವ ಮೂಲಕ ರಸ್ತೆ ಮೇಲೆಯೇ ಯುವ ಜನರ ಬಹಿರಂಗ ಸಲ್ಲಾಪ ತಡೆಯಲು ಮುಂದಾಗಿದೆ.
ಬೊರಿವಿಲಿಯ ಸತ್ಯಂ ಶಿವಂ ಸೊಸೈಟಿಯ ಅಪಾರ್ಟ್‌ಮೆಂಟ್‌ ಎದುರಿನ ರಸ್ತೆ ಮೇಲೆಯೇ ಯುವಕ - ಯುವತಿಯರು ಮುಸ್ಸಂಜೆಯಾಗುತ್ತಿದ್ದಂತೆಯೇ ಚುಂಬನ ಸೇರಿದಂತೆ ರಾಸಲೀಲೆಯಲ್ಲಿ ತೊಡಗಿಕೊಳ್ಳುತ್ತಿದ್ದರು.
ನಿತ್ಯ ಇಂತಹ ದೃಶ್ಯಗಳನ್ನು ನೋಡಿ ರೋಸಿ ಹೋದ ಅಪಾರ್ಟ್‌ಮೆಂಟ್‌ ನಿವಾಸಿಗಳು ಸ್ಥಳೀಯ ಕಾರ್ಪೊರೇಟರ್‌ಗಳಿಗೆ ದೂರು ನೀಡಿದರೂ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಹೀಗಾಗಿ ಸೊಸೈಟಿಯವರೇ ಯುವ ಜನರ ಅಸಭ್ಯ ವರ್ತನೆಗೆ ಕಡಿವಾಣ ಹಾಕಲು ಮುಂದಾಗಿದ್ದಾರೆ.
ಕಾನೂನು ಏನು ಹೇಳುತ್ತೆ..?: ಸಾರ್ವಜನಿಕ ಸ್ಥಳದಲ್ಲಿ ಸರಸ - ಸಲ್ಲಾಪದಲ್ಲಿ ತೊಡಗುವುದು ಅಕ್ರಮ ಎಂದು ಸುಪ್ರೀಂ ಕೋರ್ಟ್‌ ಹೇಳಿದೆ. ಅಲ್ಲದೆ, ಸಾರ್ವಜನಿಕ ಸ್ಥಳದಲ್ಲಿ ಅಶ್ಲೀಲವಾಗಿ ವರ್ತಿಸುವುದು ಅಪರಾಧ ಎಂದು ಭಾರತೀಯ ದಂಡ ಸಂಹಿತೆ ಹೇಳುತ್ತದೆ.
