ಮುಂದಿನ ವಾರ ಐಪಿಒ ಫೈಲ್‌ ಮಾಡಲಿದೆ ಓಯೋ, 8,800 ಕೋಟಿ ರೂ. ಸಂಗ್ರಹಕ್ಕೆ ಪ್ಲ್ಯಾನ್‌
ಆತಿಥ್ಯ ಕ್ಷೇತ್ರದ ಸ್ಟಾರ್ಟ್‌ಅಪ್‌ 'ಓಯೋ ಹೋಟೆಲ್ಸ್‌ ಆಂಡ್‌ ರೂಮ್ಸ್‌' ಮುಂದಿನ ವಾರ ಆರಂಭಿಕ ಷೇರು ಕೊಡುಗೆ ಅರ್ಜಿ ಸಲ್ಲಿಸಲಿದ್ದು, ಷೇರು ಮಾರುಕಟ್ಟೆ ಮೂಲಕ 7,300 ಕೋಟಿ ರೂ. ನಿಂದ 8,800 ಕೋಟಿ ರೂ. ಸಂಗ್ರಹಿಸಲು ಉದ್ದೇಶಿಸಿದೆ.
Admin
0
6
ಹೊಸದಿಲ್ಲಿ: ಸಾಫ್ಟ್‌ಬ್ಯಾಂಕ್‌ ಗ್ರೂಪ್‌ ಬೆಂಬಲಿತ ಭಾರತದ ಆತಿಥ್ಯ ಕ್ಷೇತ್ರದ ಸ್ಟಾರ್ಟ್‌ಅಪ್‌ 'ಓಯೋ ಹೋಟೆಲ್ಸ್‌ ಆಂಡ್‌ ರೂಮ್ಸ್‌' ಮುಂದಿನ ವಾರ ಆರಂಭಿಕ ಷೇರು ಕೊಡುಗೆ ()ಗೆ ಅರ್ಜಿ ಸಲ್ಲಿಸಲಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ಸುದ್ದಿಸಂಸ್ಥೆ ರಾಯ್ಟರ್ಸ್‌ ಗುರುವಾರ ವರದಿ ಮಾಡಿದೆ. ಈ ಮೂಲಕ ಷೇರು ವಿನಿಯಮ ಮಾರುಕಟ್ಟೆ ಪ್ರವೇಶಿಸಲು ಸಜ್ಜಾಗಿದೆ.
ಹೋಟೆಲ್‌ ಅಗ್ರೆಗೇಟರ್‌ ಓಯೋ, ಐಪಿಒ ಮೂಲಕ 7,300 ಕೋಟಿ ರೂ. ನಿಂದ 8,800 ಕೋಟಿ ರೂ. ಸಂಗ್ರಹಿಸಲು ಉದ್ದೇಶಿಸಿದೆ ಎಂದು ಮೂಲಗಳು ಹೇಳಿವೆ. ಆರಂಭಿಕ ಷೇರು ಕೊಡುಗೆ ವೇಳೆ, ಹೊಸ ಷೇರುಗಳ ಬಿಡುಗಡೆಯ ಜತೆಗೆ ಈಗಿರುವ ಷೇರುದಾರರಿಂದ ಷೇರುಗಳನ್ನು ಮಾರಾಟ ಮಾಡಲೂ ಕಂಪನಿ ಮುಂದಾಗಿದೆ.
ಆದರೆ ಐಪಿಒದ ಬಗ್ಗೆ ಓಯೋ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
ಈಗಾಗಲೇ ಜುಲೈನಲ್ಲಿ ಫುಡ್‌ ಡೆಲಿವರಿ ಸಂಸ್ಥೆ ಜೊಮ್ಯಾಟೋ ಲಿ. ಯಶಸ್ವಿಯಾಗಿ ಪ್ರವೇಶಿಸಿದೆ. ಇನ್ನೊಂದೆಡೆ ಬರ್ಕ್‌ಶೈರ್‌ ಹ್ಯಾಥ್‌ವೇ ಬೆಂಬಲಿತ ಪೇಟಿಎಂ ಹಾಗೂ ಟಿಪಿಜಿ ಬೆಂಬಲಿತ ನೈಕಾ ಸಂಸ್ಥೆಗಳು ಈಗಾಗಲೇ ಐಪಿಒಗೆ ಅರ್ಜಿ ಸಲ್ಲಿಸಿವೆ. ಇದೇ ಸಾಫ್ಟ್‌ಬ್ಯಾಂಕ್‌ ಗ್ರೂಪ್‌ ಬೆಂಬಲಿತ ಕ್ಯಾಬ್‌ ಅಗ್ರೆಗೇಟರ್‌ ಓಲಾ ಕೂಡ ಐಪಿಒಗೆ ಸಜ್ಜಾಗಿದೆ.
ಓಯೋದಲ್ಲಿ ಸಾಫ್ಟ್‌ಬ್ಯಾಂಕ್‌ ಶೇ. 46ರಷ್ಟು ಷೇರುಗಳನ್ನು ಹೊಂದಿದೆ. ಕೋವಿಡ್‌ ಬಿಕ್ಕಟ್ಟಿನ ಸಂದರ್ಭದಲ್ಲಿ ಭಾರಿ ತೊಂದರೆಗಳನ್ನು ಎದುರಿಸುತ್ತಿದ್ದ ಓಯೋ ಹಲವು ಉದ್ಯೋಗಿಗಳನ್ನು ಕೈ ಬಿಟ್ಟಿತ್ತು. ಜತೆಗೆ ವೆಚ್ಚ ಕಡಿತಕ್ಕೂ ಮುಂದಾಗಿತ್ತು. ಹೀಗಿದ್ದೂ ಭಾರಿ ನಷ್ಟ ಅನುಭವಿಸಿತ್ತು.
ಕಳೆದ ತಿಂಗಳು ಓಯೋ ಸುಮಾರು 37 ಕೋಟಿ ರೂ. ಹೂಡಿಕೆಯನ್ನು ಮೈಕ್ರೋಸಾಫ್ಟ್‌ ಕಾರ್ಪೊರೇಷನ್‌ನಿಂದ ಪಡೆದುಕೊಂಡಿದೆ. ಐಪಿಒಗೆ ಕೋಟಕ್‌ ಮಹೀಂದ್ರಾ ಬ್ಯಾಂಕ್‌, ಜೆಪಿ ಮಾರ್ಗನ್‌ ಮತ್ತು ಸಿಟಿಬ್ಯಾಂಕ್‌ಗಳು ಓಯೋಗೆ ಸಲಹೆ ನೀಡುತ್ತಿವೆ.
