ಮತ್ತೆ ಒಂದಾಯ್ತು 'ಪೃಥ್ವಿ' ಜೋಡಿ; ಪಿಆರ್‌ಕೆ ನಿರ್ಮಾಣದ ಸಿನಿಮಾಗೆ ಪುನೀತ್ ಹೀರೋ

'ಪವರ್ ಸ್ಟಾರ್‌' ಈಗಾಗಲೇ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಸಿನಿಮಾಗಳಲ್ಲಿ ನಟಿಸುವುದರ ಜೊತೆಗೆ ತಮ್ಮದೇ ಹೋಮ್ ಬ್ಯಾನರ್‌ 'ಪಿಆರ್‌ಕೆ ಪ್ರೊಡಕ್ಷನ್ಸ್' ಮೂಲಕ ಸಿನಿಮಾಗಳ ನಿರ್ಮಾಣವನ್ನೂ ಮಾಡುತ್ತಿದ್ದಾರೆ. ಆ ಬ್ಯಾನರ್‌ನಿಂದ ತಯಾರಾಗಿರುವ 'ಫ್ಯಾಮಿಲಿ ಪ್ಯಾಕ್', 'ಮ್ಯಾನ್‌ ಆಫ್‌ ದಿ ಮ್ಯಾಚ್' ಸಿನಿಮಾಗಳು ರಿಲೀಸ್‌ಗೆ ಸಿದ್ಧವಾಗಿವೆ. ಈಗಾಗಲೇ ಪಿಆರ್‌ಕೆಯಲ್ಲಿ ಐದಾರು ಸಿನಿಮಾಗಳು ಸಿದ್ಧಗೊಂಡಿದ್ದರೂ, ಪುನೀತ್ ಹೀರೋ ಆಗಿರುವ ಯಾವ ಸಿನಿಮಾ ಕೂಡ ಶುರುವಾಗಿಲ್ಲ. ಇದೀಗ ಅದಕ್ಕೆ ಕಾಲ ಕೂಡಿಬಂದಿದೆ. ತಮ್ಮದೇ ಪಿಆರ್‌ಕೆ ಬ್ಯಾನರ್‌ನಲ್ಲಿ ಅಪ್ಪು ಹೀರೋ ಆಗಿರುವ ಹೊಸ ಸಿನಿಮಾದ ಮಾತುಕತೆ ನಡೆದಿದೆ. ಜೇಕಬ್‌ ಜೊತೆಗೆ ಪುನೀತ್ ಸಿನಿಮಾ2009ರಲ್ಲಿ 'ಸವಾರಿ' ಸಿನಿಮಾ ಮಾಡಿ ಎಲ್ಲರ ಗಮನಸೆಳೆದಿದ್ದ ನಿರ್ದೇಶಕ ಜೇಕಬ್ ವರ್ಗೀಸ್‌, ನಂತರ ಕೈಗೆತ್ತಿಕೊಂಡಿದ್ದೇ ಪುನೀತ್ ರಾಜ್‌ಕುಮಾರ್ ನಾಯಕತ್ವದ '' (2010) ಸಿನಿಮಾವನ್ನು. ಆ ಸಿನಿಮಾ ಒಬ್ಬ ದಕ್ಷ ಪ್ರಾಮಾಣಿಮ ಐಎಎಸ್‌ ಅಧಿಕಾರಿ ಕಥೆಯುಳ್ಳ ಸಿನಿಮಾ. ಬಾಕ್ಸ್ ಆಫೀಸ್‌ನಲ್ಲಿ ಸದ್ದು ಮಾಡಿತ್ತು. ಪ್ರೇಕ್ಷಕರು ಬಹುವಾಗಿ ಮೆಚ್ಚಿಕೊಂಡ ಪುನೀತ್ ಅವರ ಪ್ರಮುಖ ಸಿನಿಮಾಗಳಲ್ಲಿ ಈ ಸಿನಿಮಾವು ಒಂದು ಎನ್ನಬಹುದು. ಆನಂತರ ಜೇಕಬ್ ಬೇರೆ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದರು. ಇದೀಗ ಪುನೀತ್ ಜೊತೆಗೆ ಮತ್ತೆ ಕೈಜೋಡಿಸಿದ್ದಾರೆ. ಸದ್ಯ ಪುನೀತ್ ರಾಜ್‌ಕುಮಾರ್ ಸಿನಿಮಾದ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಅದರ ಜೊತೆಗೆ ಜೇಕಬ್ ಜೊತೆಗಿನ ಸಿನಿಮಾ ಕುರಿತ ಕೆಲಸಗಳು ಚಾಲ್ತಿಯಲ್ಲಿವೆ. ಈ ಸಿನಿಮಾವನ್ನು ಪುನೀತ್ ಅವರ ಪಿಆರ್‌ಕೆ ಬ್ಯಾನರ್‌ನಿಂದಲೇ ನಿರ್ಮಾಣ ಮಾಡಲಾಗುತ್ತಿದೆ. ಈ ಹಿಂದೆ ಅದೇ ಬ್ಯಾನರ್‌ನಿಂದ ಬಂದ 'ಮಾಯಾಬಜಾರ್‌'ನಲ್ಲಿ ಪುನೀತ್ ಒಂದು ಹಾಡಿನಲ್ಲಿ ಮಿಂಚಿದ್ದರು. ಈಗ ಪೂರ್ಣಪ್ರಮಾಣದ ಹೀರೋ ಆಗಿದ್ದಾರೆ. ಸದ್ಯ ಜೇಕಬ್-ಪುನೀತ್ ಸಿನಿಮಾದ ಚರ್ಚೆಗಳು ಮುಗಿದಿದ್ದು, ಸ್ಕ್ರಿಪ್ಟ್‌ ಕೂಡ ಲಾಕ್ ಆಗಿದೆ. ಸದ್ಯ ಕಲಾವಿದರು ಮತ್ತು ತಂತ್ರಜ್ಞರ ಆಯ್ಕೆಯಲ್ಲಿ ಸಿನಿಮಾ ತಂಡ ತೊಡಗಿಕೊಂಡಿದೆ. 2022ರ ಫೆಬ್ರವರಿಯಲ್ಲಿ ಶೂಟಿಂಗ್ ಆರಂಭಿಸಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ. ಸದ್ಯ ಚೇತನ್‌ಕುಮಾರ್ ನಿರ್ದೇಶನದ ಜೇಮ್ಸ್‌ ಸಿನಿಮಾದ ಶೂಟಿಂಗ್‌ನಲ್ಲಿ ಬ್ಯುಸಿ ಇದ್ದಾರೆ. ಅದು ಮುಗಿಯುತ್ತಿದ್ದಂತೆಯೇ, ನವೆಂಬರ್‌ನಲ್ಲಿ ಪವನ್ ಕುಮಾರ್ ನಿರ್ದೇಶನದ 'ದ್ವಿತ್ವ' ಶುರುವಾಗಲಿದೆ. ಆ ಸಿನಿಮಾವನ್ನು ಹೊಂಬಾಳೆ ನಿರ್ಮಾಣ ಮಾಡುತ್ತಿದೆ. ಹಾಗೆಯೇ, ಹೊಂಬಾಳೆ, ಪುನೀತ್ ಮತ್ತು ಸಂತೋಷ್ ಆನಂದ್‌ರಾಮ್ ಕಾಂಬಿನೇಷನ್‌ನ ಮೂರನೇ ಸಿನಿಮಾ ಕೂಡ 2022ರಲ್ಲಿ ಶುರುವಾಗಲಿದೆ. ಇದರ ಜೊತೆಗೆ ದಿನಕರ್ ತೂಗುದೀಪ ಮತ್ತು 'ಹೆಬ್ಬುಲಿ' ಕೃಷ್ಣ ಜೊತೆಗೂ ಪುನೀತ್ ಸಿನಿಮಾ ಮಾಡಬೇಕಿದೆ.